ຜ່ານມາໃຫ້ໄດ້ນຳສະເໜີວິທີການກວດເຕົ້ານົມດ້ວຍຕົວເອງໄປແລ້ວ ວັນນີ້ເຮົາຈະມານຳສະເໜີ 7 ສັນຍານອັນຕະ ລາຍຂອງອາການທີ່ບົ່ງບອກວ່າມີໂອກາດເປັນມະເຮັງເຕົ້ານົມ ເຊິ່ງຈະມີອາກນໃດແນ່ນັ້ນເຮົາມາອ່ານກັນເລີຍ

ສັນຍານທີ 1 ມີກ້ອນທີ່ເຕົ້ານົມ ຫຼື ຮັກແຮ້ເປັນອາການຍອດນິນົມ

ສັນຍານທີ 2 ຮູບຮ່າງ ແລະ ຂະໜາດຂອງເຕົ້ານົມທີ່ປ່ຽນແປງໄປຈາກເກົ່າ ທ່ານຕ້ອງໝັ່ນສັງເກດຮູບຊົງຂອງເຕົ້າຢູ່ສະເໝີ ແລະ ຄວນປຽບທຽບຂະໜາດໃນເວລາເປັນປະຈຳເດືອນ

ສັນຍານທີ 3 ມີນ້ຳຜິດປົກກະຕິໄຫຼຈາກຫົວນົມ ແມ່ຍິງຳວ 41-58ປີ ອາດມີຂອງເຫຼວທີ່ໄຫລອອກມາຈາກຫົວນົມທັງສອງຂ້າງໄດ້ໃນປະລິມານເລັກໜ້ອຍ ເຊິ່ງເປັນຜົນຈາກການປ່ຽນແປງຂອງລະດັບຮໍໂມນຕາມຮອບເດືອນ ແຕ່ຖ້າອອກຈາກຫົວນົມຂ້າງດຽວ ຫຼື ມີສີຄ້າຍເລືອດກໍ່ຄວນໄປພົບແພດ

ສັນຍານທີ 4 ຮູບຮ່າງ ແລະ ຂະໜາດຂອງຫົວນົມທີ່ປ່ຽນແປງໄປຈາກເດີມ ຕ້ອງລະວັງໝັ່ນສັງເກດເປັນພິເສດຄື ຫົວນົມທີ່ເຄີຍບົກກະຕິກາຍເປັນຫົວນົມບອດ ອາດເກີດຈາກກ້ອນເນື້ອມະເຮັງໃຕ້ຫົວນົມ ທີ່ລຸກລາມໄປທີ່ທໍ່ນ້ຳນົມ ແລະ ດຶງຈ່ອງຫົວນົມໃຫ້ຫລຸບລົງ ຮວມເຖິງຕ້ອງສັງເຫດອີກວ່າມີແຜເປັນທີນົມ ຫຼື ບໍ່

ສັນຍານທີ 5 ຜິວໜັງບໍລິເວນລານຫົວນົມຈະປ່ຽນໄປຈາກເກົ່າ ເຊັ່ນ: ມີຮອຍຫລຸບ, ຜື່ນຄັນບໍລິເວນນົມທີ່ຮັກສາແລ້ວບໍ່ຫາຍຂາດ ເປັນໆ ຫາຍໆ ກໍ່ມີໂອກາດເປັນມະເຮັງໄດ້ເຊັ່ນດຽວກັນ

ສັນຍານທີ 6 ອາການຜິດປົກກະຕິທີ່ເຕົ້ານົມ ຫຼື ຮັກແຮ້ ທີ່ບໍ່ແມ່ນອາການເຈັບເຕົ້ານົມຂ້າງດຽວ ຫຼື ຮັກແຮ້ຂ້າງດຽວ

ສັນຍານທີ 7 ຜິວໜັງບວມໜາຂຶ້ນ ທ່ານຢ່າຄິດວ່າມັນບໍ່ມີຫຍັງ ເພາະນັ້ນແມ່ນສັນຍານເຊລມະເຮັງໄດ້ລຸກລາມຂຶ້ນມາທີ່ຊັ້ນເນື້ອເຫຍື້ອໃຕ້ຜິວໜັງເປັນທີ່ຮຽບຮ້ອຍແລ້ວ

          ເພາະສະນັ້ນແມ່ຍິງຕ້ອງໝັ່ນສັງເກດເບິ່ງຕົມນົມຂອງຕົນເອງເປັນປະຈຳ ຫາກມີອາການຜິດປົກກະຕິຢ່າງໃດຢ່າງໜຶ່ງຄວນໄປພົບແພດດ່ວນເພື່ອຮັບການກວດວິນິໄສໂຣກເພີ່ມເຕີມ ຫາກເກັບອາການໄວ້ ອາດເສຍສຸຂະພາບຮ່າງກາຍ ແລະ ສຸຂະພາບຈິດລ້າໆ