ກະສິກຳວັນນີ້ ເຮົາຈະມານຳສະເໜີກ່ຽວກັບການປູຜັກຫວານປ່າ ເປັນສິນຄ້າສ້າງລາຍຮັບເສີມໃຫ້ແກ່ທ່ານ ແລະ ຄອບຄົວ ຜັກຫວານປ່າ ເປັນພືດທີ່ປູກຍາກພໍສົມຄວນ ແຕ່ກໍ່ນານຕາຍພໍສົມຄວນ ວັນນີ້ເຮົາເລີຍມີວິທີການປູກຜັກຫວານປ່າແບບໃໝ່ທີ່ໄດ້ທົດລອງປະມານ 1 ປີ ເຫັນວ່າມີການຈະເລີນເຕີບໂຕໄດ້ດີຫຼາຍ ຈິ່ງເປັນອີກໜຶ່ງທາງເລືອກຂອງຊາວກະສິກອນ ເຊິ່ງຈະປູກແນວໃດເຮົາມາອ່ານກັນເລີຍ

1. ເມື່ອໄດ້ແກ່ນຜັກຫວານປ່າມາ ແລ້ວໃຫ້ເອົາເປືອກ ແລະ ເນື້ອອອກແລ້ວລ້າງໃຫ້ສະອາດ ແລ້ວນຳລົງໄປກ້າໄວ້ໃນຖົງ ໂດຍໃສ່ແກ່ນຜັກຫວານໃນແນວນອນ

2. ກຽມດິນໃສ່ຖົງກ້າຈະໃຊ້ດິນຢ່າງດຽວ ຫຼື ດິນປະສົມຂີ້ງົວແຫ້ງກໍ່ໄດ້ ໃນອັດຕາສ່ວນດິນ 2 ສ່ວນ ຂີ້ງົວແຫ້ງ 1 ສ່ວນ ເມື່ອເຮັດແລ້ວເອົາໄປລຽນໄວ້ຢູ່ກ້ອງກົກໄມ້ ບໍ່ໃຫ້ສັດ ຫຼື ຄົນໄປກວນ ປະໄວ້ປະມານ 20 ວັນ ຈາກນັ້ນຈິ່ງນຳແກ່ນຜັກຫວານມາສຽບໃສ່ຖົງກ້າຜັກຫວານໃນແນວນອນ ແລະ ໃຫ້ນຳໃນໝາກດອກແຄໃສ່ລົງໄປໃນຖົງພ້ອມ ຖົງລະ 1 ໃນ ຈາກນັ້ນກໍ່ຫົດນ້ຳໃຫ້ຊຸ່ມ ວັນ 1-2 ຄັ້ງ

3. ເມື່ອຄົບ 20 ວັນ ໃນຂອງຕົ້ນດອກແຄຈະງອກຂຶ້ນມາສູງປະມານ 1 ຄືບ ຫຼື ສູງກວ່ານັ້ນ ໃຫ້ນຳຖົງກ້າຜັກຫວານປ່າທີ່ກ້າໄວ້ໄປປູກລົງໜານທີ່ກຽມໄວ້ ທັງຖົງ ໂດຍເອົາກີດຖົງໃຫ້ຂາດອອກ ຂຸດຂຸມໃຫ້ພໍດີຖົງກ້າ ແລະ ເລິກກວ່າຖົງກ້າປະມານ 1 ເທົ່າຕົວ (ຖ້າຖົງກ້າສູງ 4 ນິ້ວ ກໍ່ຂຸດຂຸມເລິກເປັນ 8 ນິ້ວ)

4. ຫຼັງຈາກປູກແລ້ວໃຫ້ຫົດນ້ຳ 2 ວັນ/1ຄັ້ງ ຈົນຄົບໄລຍະເວລາ 1 ປີ ເມື່ອຄົບປີແລ້ວ ຈິ່ງຄ່ອຍປ່ຽນເປັນຫົດນ້ຳອາທິດລະຄັ້ງກໍ່ພໍ

5. ໃນໄລຍະ 1-2 ປີທຳອິດບໍ່ຄວນຂຸດຖາງຫຍ້າເພາະຈະກະທົບກະເທືອນຮາກຜັກຫວານ ຖ້າຫຍ້າຂຶ້ນສູງກໍ່ໃຊ້ວິທີຕັດຫຍ້າແທນ ເມື່ອອາຍຸຄົບ 2 ປີ ໃຫ້ຕັດແຕ່ງກິ່ງກ້ານໃບ ເພື່ອໃຫ້ຍອດອ່ອນອອກມາ ແລະ ເກັບຍອດໄປຂາຍ

ເທັກນຶກການກະຕຸ້ນ ຜັກຫວານໃຫ້ອອກຍອດໄວ
1.ໃຫ້ຕັດແຕ່ງກິ່ງໃບລ່ວງໜ້າ 30 ວັນກ່ອນຄົບກຳນົດໄລຍະເກັບກ່ຽວ
2.ໃຫ້ນ້ຳສະໝ່ຳສະເໝີຕາມໄລຍະທີ່ກຳນົດ
3.ໃຫ້ຮໍໂມນເພື່ອກະຕຸ້ນຍອດຜັກຫວານ ເຊິ່ງມີການປະສົມດັ່ງນີ້:
3.1 ຮໍໂມນ 18 ບ່ວງແກງ
3.2 ນົມຜົງ 10 ບ່ວງແກງ
3.3 ເຄື່ອງດື່ມຊູກຳລັງ 2 ຂວດ
3.4 ນ້ຳສະອາດ 200 ລິດ

ນຳສ່ວນປະສົມທັງໝົດມາປະສົມເຂົ້າກັນແລ້ວນຳໄປຫົດໃສ່ຜັກຫວານແທນການຫົດນ້ຳລ້າໃນຊ່ວງຫຼັງຈາກ ຕັດແຕ່ງກິ່ງໃບ ກ່ອນຄົບກຳນົດວັນເກັບກ່ຽວ

3.5 ໃນຊ່ວງລະດຸຝົນ ໃບຂອງຜັກຫວານຈະເປັນລາຍ ໃຫ້ປະສົມສານເຊື້ອຣາລົງໄປໃນນ້ຳທີ່ຈະຫົດພ້ອມ ເພື່ອປ້ອງກັນບໍ່ໃຫ້ເຊື້ອຣາມັນຂຶ້ນໃບ

ທີ່ມາ: http://fb.thaiarcheep.com/2016/05/10_29.html