spot_img
Homeຂ່າວການສຶກສາເຈດີບີ ມີໂຄງການເງິນກູ້ເພື່ອການສຶກສາ

ເຈດີບີ ມີໂຄງການເງິນກູ້ເພື່ອການສຶກສາ

Published on

ທະ­ນາ­ຄານ​ຮ່ວມ​ພັດ­ທະ­ນາ (JDB) ຮ່ວມ​ກັບວິ­ທະ­ຍາໄລ​ລາວ-ທັອບ ລົງ​ນາມ​ເຊັນ​ບົດ​ບັນ­ທຶກ​ວ່າ​ດ້ວຍ​ການ​ປະ­ຕິບັດ​ໂຄງ­ການ​ກູ້​ຢືມ​ເງິນ​ເພື່ອ​ການ​ສຶກ​ສາ ທັງ​ນີ້ ກໍ​ເພື່ອ​ອຳ­ນວຍ​ຄວາມ​ສະ­ດວກໃຫ້​ນັກ​ສຶກ​ສາ​ທີ່​ມີ​ລາຍ​ຮັບ​ຕໍ່າແຕ່​ຢາກຮຽນ​ຊັ້ນ​ສູງ, ປະ­ລິນ­ຍາ​ຕີ ແລະ​ປະ​ລິນຍາ​ໂທ​ທີ່​ວິ­ທະ­ຍາ­ໄລ ລາວ-ທັອບ ສາ­ມາດກູ້​ຢືມ​ເງິນ​ນຳ​ໂຄງ­ການ​ເພື່ອ​ນຳ​ໃຊ້​ເຂົ້າ​ໃນການ​ສຶກ​ສາ​ກໍ​ຄື​ຈ່າຍ​ຄ່າ​ຮຽນ​ກ່ອນ.

ພິ­ທີ​ດັ່ງ­ກ່າວ ຈັດ​ຂຶ້ນ​ໃນ​ຕອນ​ເຊົ້າ​ວັນທີ 14 ມິ­ຖຸ­ນາ 2016 ທີ່​ຫ້ອງ​ປະ­ຊຸມ​ສຳນັກ​ງານ​ໃຫຍ່​ທະ­ນາ­ຄານ​ຮ່ວມ​ພັດ­ທະ­ນາ, ນະ­ຄອນ­ຫຼວງ​ວຽງ​ຈັນ, ຕາງ­ໜ້າ​ລົງ​ນາມຝ່າຍ JDB ແມ່ນ​ທ່ານ ສູນ​ທອນ ຈັນ­ທະ ວົງ ຜູ້­ອຳ­ນວຍ­ການ​ໃຫຍ່​ທະ­ນາ­ຄານຮ່ວມ​ພັດ­ທະ­ນາ ແລະ​ຕາງ­ໜ້າ​ລົງນາມ ຝ່າຍ​ວິ­ທະ­ຍາ­ໄລລາວ-ທັອບ ແມ່ນ​ທ່ານ ກວນ​ຢຸ​ງວຸກ (Kwun young wook) ຜູ້­ອຳ­ນວຍ­ການ​ວິ­ທະ­ຍາ­ໄລ​ລາວ-ທັອບ, ມີ​ຮອງ​ຜູ້­ອຳ­ນວຍ­ການ​ໃຫຍ່​ທະ­ນາ­ຄານຮ່ວມ​ພັດ­ທະ­ນາ ແລະ​ຜູ້​ບໍ­ລິ­ຫານ​ລະ­ດັບສູງ ພ້ອມ​ດ້ວຍ​ວິ­ຊາ​ການ​ທັງ​ສອງ​ຝ່າຍເຂົ້າ​ຮ່ວມ​ເປັນ​ສັກ­ຂີ​ພິ­ຍານ.

ທ່ານ​ຜູ້­ອຳ­ນວຍ­ການ​ທະ­ນາ­ຄານ​ຮ່ວມພັດ­ທະ­ນາ​ກ່າວ​ວ່າ: ຈຸດ­ປະ­ສົງ​ຂອງ​ໂຄງການ​ແມ່ນ​ອຳ­ນວຍ​ຄວາມ​ສະ­ດວກ​ໃຫ້​ນັກສຶກ​ສາ​ທີ່​ມີ​ຄວາມ​ສົນ­ໃຈ​ຢາກ​ຮຽນ​ແຕ່ປະ​ເຊີນ​ບັນ­ຫາ​ດ້ານ​ເສດ­ຖະ­ກິດ​ກໍ​ຄື​ລາຍ​ຮັບ​ຕໍ່າແຕ່​ຢາກ​ຮຽນ​ຊັ້ນ​ສູງ, ປະ­ລິນ­ຍາ​ຕີ ແລະ​ປະ­ລິນ­ຍາ​ໂທ ທີ່​ວິ­ທະ­ຍາ­ໄລລາວ-ທັອບ ສາ­ມາດ​ກູ້​ຢືມ​ເພື່ອ​ການ​ສຶກ​ສາ, ເພື່ອ​ຄວາມ​ສະ­ດວກ​ສະ­ບາຍ​ໃນ​ການ​ສຶກ​ສາ​ຮ່ຳຮຽນ ໂດຍ​ຂໍ​ກູ້​ຢືມ​ຈາກ​ໂຄງ­ການ​ເງິນ​ກູ້ເພື່ອ​ການ​ສຶກ​ສາ ຊຶ່ງ​ວິ­ທະ­ຍາ­ໄລ​ຈະ​ຕ້ອງ​ເປີດ​ບັນ­ຊີ​ນຳ​ທະ­ນາ­ຄານ​ຮ່ວມ​ພັດ­ທະ­ນາ​ກ່ອນ.

ປະ­ຈຸ​ບັນ ທະ­ນາ­ຄານ​ຮ່ວມ​ພັດ­ທະ­ນາໄດ້​ຮ່ວມ​ມື​ກັບ​ຫຼາຍ​ອົງ​ກອນ, ຫຼາຍ​ສະ​ຖາບັນ ແລະ​ຫຼາຍ​ບໍ­ລິ­ສັດ ເພື່ອ​ບໍ­ລິ­ການ​ດ້ານການ​ເງິນ​ທີ່​ຄົບ​ວົງ​ຈອນ​ໃຫ້​ກັບ​ລູກ​ຄ້າ​ທຸກລະ­ດັບ​ຢ່າງ​ເທົ່າ​ທຽມ​ກັນ​ດັ່ງ​ຄຳ​ຂວັນ​ທີ່ວ່າ ພວກ​ເຮົາ​ຈະ​ເຕີບ​ໃຫຍ່​ໄປ​ພ້ອມ​ກັນ.

ທີ່ມາ: logo

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...