ເຈົ້າໜ້າທີ່ພະແນກຕຳຫຼວດສະກັດກັ້ນ ແລະຕ້ານຢາເສບຕິດ ປກສ ແຂວງຈຳປາສັກ ສົມທົບກັບອຳນາດການປົກຄອງບ້ານລົ່ມສັກເໜືອ ເມືອງບາຈຽງຈະເລີນສຸກ ແຂວງຈຳປາສັກ ລົງມ້າງລາຍຄະດີຄ້າຂາຍຢາເສບຕິດສາມາດກັກຕົວຜູ້ຖືກຫາໄດ້ 3 ຄົນ, ພ້ອມຂອງກາງຢາ
ບ້າຈຳນວນ 2 ພັນເມັດ ແລະຢຶດປືນແກັບ 2 ກະບອກ, ລົດໃຫຍ່ 2 ຄັນ, ລົດຈັກ 1 ຄັນ ແລະໂທລະສັບມືຖື 2 ໜ່ວຍ ໃນອາທິດຜ່ານມາ.
ເຈົ້າໜ້າທີ່ໃຫ້ຮູ້ວ່າ: ໃນວັນທີ 29 ພຶດສະພາ 2016 ເຈົ້າໜ້າທີ່ໄດ້ຮັບຂ່າວຈາກພື້ນຖານວ່າ: ມີກຸ່ມຄົນບໍ່ດີຈຳນວນໜຶ່ງເຄື່ອນໄຫວຄ້າຂາຍຢາເສບຕິດຢູ່ເຂດບ້ານລົ່ມສັກເໜືອ ຈິ່ງໄດ້ສົມທົບກັບອຳນາດການປົກຄອງບ້ານດັ່ງກ່າວ ວາງແຜນມ້າງລາຍຄະດີນີ້, ມາຮອດເວລາ 9:00 ໂມງຂອງວັນດຽວກັນ ສາມາດກັກຕົວຜູ້ຖືກຫາຊື່: ທ້າວ ສີສະໝຸດ ອາຍຸ 61 ປີ ຢູ່ບ້ານພູມ່ວງ, ທ້າວ ຄຳຟອງ ອາຍຸ 67 ປີ ແລະ ທ້າວ ກາສິນ ອາຍຸ 52 ປີທັງສອງຢູ່ບ້ານຫ້ວຍຍາງຄຳ ທັງສາມຢູ່ເມືອງປາກເຊ ແຂວງຈຳປາສັກ ພ້ອມຢຶດເຄື່ອງຂອງກາງປືນ, ລົດ ແລະໂທລະ
ສັບດັ່ງກ່າວ.
ຜ່ານການສຶບສອນ-ສອບສວນຂອງ ເຈົ້າໜ້າທີ່ພວກກ່ຽວຮັບສາລະພາບວ່າ: ໄດ້ຮ່ວມກັນຄ້າຂາຍຫຼາຍເດືອນແລ້ວ ຢາບ້າທີ່ນຳມາຂາຍແມ່ນຊື້ນຳຊາຍບໍ່ຮູ້ຊື່ພາຍຫຼັງໄດ້ຢາບ້າມາແລ້ວ ກໍນຳມາແບ່ງໃຫ້ກັນຂາຍ. ຄັ້ງຫຼ້າສຸດໃນວັນທີ 29 ພຶດສະພາ 2016 ໄດ້ມາຊື້ຢາເສບຕິດນຳຊາຍບໍ່ຮູ້ຊື່ ຈຳນວນ 2 ພັນເມັດ, ພາຍຫຼັງໄດ້ຢາບ້າມາແລ້ວ ກໍພາກັນເອົາໄປຂາຍຢູ່ເຂດບ້ານລົ່ມສັກເໜືອ.
ປະຈຸບັນຄະດີດັ່ງກ່າວເຈົ້າໜ້າທີ່ພວມສອບສວນຂະຫຍາຍຜົນ ເພື່ອສະຫຼຸບສຳນວນຄະດີສົ່ງໃຫ້ອົງການໄອຍະການ ແລະ ຂະຫຍາຍຜົນເພື່ອຊອກຫາຜູ້ຮ່ວມຂະບວນການມາດຳເນີນຄະດີຕາມພາຍຫຼັງ.
ທີ່ມາ: 