Gionee ບໍລິສັດຜະລິດສະມາດໂຟນຈາກປະເທດ ໄດ້ປະກາດເປີດໂຕໂທລະສັບລຸ້ນໃໝ່ຄື Gionee S6 Pro. ສຳລັບໂຕເຄື່ອງຂອງ Gionee S6 Pro ແມ່ນເຮັດມາດ້ວຍວັດສະດຸອະລູມີນ້ຽມ ແລະ ໂລຫະແມັກນີຊ້ຽມ, ແຕ່ບໍລິສັດເຄລມວ່າໂຕເຄື່ອງ 97% ແມ່ນເຮັດມາຈາກໂລຫະ, ນອກນີ້ກໍມີເຊັນເຊີ້ສະແກນລາຍນິ້ວມືທີ່ປຸ່ມໂຮມ ສາມາດປົດລ໋ອກໄດ້ດ້ວຍຄວາມໄວ 0.1 ວິນາທີ. ໂຕເຄື່ອງມີຂະໜາດຂ້ອນຂ້າງບາງສັດສ່ວນຢູ່ທີ່ 153x 75.26 x 7.6ມມ. ແຕ່ວ່າໂຕເຄື່ອງມີນ້ຳໜັກພໍສົມຄວນຄື 170 ກຣາມ.
ສຳລັບສະເປັກຂອງ Gionee S6 Pro ແມ່ນມາພ້ອມກັບຈໍຂະໜາດ 5.5 ນິ້ວ, ໃຊ້ຈໍ IPS LCD ພ້ອມຄວາມລະອຽດ FullHD (1920 x 1080 ພິກເຊວ) ແລະເປັນຈໍໂຄ້ງ 2.5D. ໃຊ້ງານຊິບປະມວນຜົນອ໋ອກຕ້າຄໍ Helio P10 (MT6755m) ຄວາມແຮງຢູ່ທີ່ 1.8GHz ພ້ອມກັບຊິບກຣາບຟິກ Mali-T860MP2. RAM 4GB ແລະພື້ນທີ່ຈັດເກັບ 64GB ສາມາດເພີ່ມ microSD ສູງສຸດ 128GB.
ໃນຂະນະທີ່ດ້ານຫຼັງໂຕເຄື່ອງຕິດຕັ້ງກ້ອງຫຼັງຄວາມລະອຽດ 13 ລ້ານພິກເຊວ ມາພ້ອມກັບແຟລັດ LED ແລະ PDAF. ກ້ອງໜ້າຄວາມລະອຽດ 8 ລ້ານພິກເຊວ. ສ່ວນແບັດເຕີຣີໃຫ້ມາ 3130mAh. ທາງດ້ານຄຸນສົມບັດການເຊື່ອມຕໍ່ແມ່ນຮອງຮັບ 4G LTE, ຮອງຮັບ 2 ຊິມ (hybrid), VoLTE, Wi-Fi ac, Bluetooth 4.1 ແລະພອຣດ USB Type-C.
ສຳລັບລາຄາຂອງ Gionee S6 Pro ກໍບໍ່ຖືແພງປານໃດ ເລີ່ມຕົ້ນຢູ່ທີ່ 1999 ຢວນ (2.470.000 ກີບ) ທີ່ປະເທດຈີນ ແລະໂຕເຄື່ອງມີໃຫ້ເລືອກ 3 ສີຄື: ບົວຄຳ, ຄຳ ແລະ ສີເງິນ.
ທີ່ມາ:gizmochina