ໃນຊ່ວງທີ່ຊິບປະມວນຜົນຫຼາຍໆໂຕມັກຈະຖືກນຳໄປໃຊ້ກັບໂທລະສັບຫຼາຍໆລຸ້ນ ແລະໜຶ່ງຊິບເຊັດທີ່ໜ້າສົນໃຈກໍຄື Snapdragon 617 ທີ່ມັກຖືກນຳໄປໃຊ້ກັບສະມາດໂຟນລະດັບກາງໆເປັນສ່ວນໃຫຍ່ບໍ່ວ່າຈະເປັນ HTC One A9 ຫຼືວ່າ Huawei P9 lite ກໍຍັງໃຊ້ຄືກັນ (ສະເພາະລຸ້ນທີ່ຂາຍຢູ່ຢຸໂຣບ). ໂດຍໃນເທື່ອນີ້ Honor ແມ່ນໄດ້ເອົາຊິບປະມວນຜົນດັ່ງກ່າວມາໃຊ້ກັບສະມາດໂຟນລາຄາປະຢັດແບບ Honor 5A ທີ່ເປີດໂຕຢ່າງເປັນທາງການແລ້ວມື້ວານນີ້ ແລະຍັງມີລຸ້ນທີ່ໃຊ້ Kirin 620 ຈາກ China Mobile ແລະ dual netcom ມາໃຫ້ເລືອກອີກ.
ສຳລັບສະເປັກຂອງ Honor 5A ຖືວ່າໜ້າສົນໃຈເລີຍຄືມາພ້ອມກັບຈໍຂະໜາດ 5.5 ນິ້ວ, ຄວາມລະອຽດ HD (1080 x 720 ພິກເຊວ), ອັດສ່ວນຄວາມຄົມຊັດ 1000:1 ພ້ອມກັບມຸມມອງທີ່ກວ້າງ 178 ອົງສາ ແລະການປັບລະດັບພິກເຊວໃນໜ້າຈໍໃຫ້ສາມາດສູ້ແສງແດດໄດ້ດີຂຶ້ນ, ນອກນີ້ຍັງປົກປ້ອງຈໍດ້ວຍແກ້ວ Aluminum-Silicon. ໂຕເຄື່ອງແມ່ນເຮັດມາດ້ວຍປຼາສຕິກ ແລະຂອບເປັນໂລຫະ, ສັດສ່ວນຢູ່ທີ່ 154.3 x 77.1 x 8.45 ແລະໜັກ 168 ກຣາມ (ຖືວ່າໜັກພໍສົມຄວນ)
ສຳລັບດ້ານຮາດແວຣ໌ແມ່ນໃຊ້ງານຊິບປະມວນຜົນ SD 617 ຄວາມແຮງຢູ່ທີ່ 1.5 Ghz, RAM 2 GB, ພື້ນທີ່ຈັດເກັບ 16 GB. ດ້ານຫຼັງໂຕເຄື່ອງແມ່ນຕິດຕັ້ງກ້ອງຫຼັງຄວາມລະອຽດ 13 ລ້ານພິກເຊວ ພ້ອມກັບເລນ 5P, ສາມາດຖ່າຍພາບມຸມກວ້າງ 28 ມມ ແລະ 7 ແມໂຄຣ. ກ້ອງໜ້າໃຫ້ມາ 8 ລ້ານພິກເຊວ ດ້ວຍເລນ 4P ແລະຮູຮັບແສງ f/2.0. ແບັດເຕີຣີໃຫ້ມາ 3100mAh ພ້ອມກັບລະບົບປະຢັດພະລັງງານ 3.0 ທີ່ສາມາດຊ່ວຍໃຫ້ແບັດເຕີກຸ້ມໄດ້ດົນກວ່າເກົ່າ.
ສຳລັບລາຄາຂອງ Honor 5A ເລີ່ມຕົ້ນພຽງແຕ່ 699 ຢວນເທົ່ານັ້ນ (865.000 ກີບ) ແລະຈະເລີ່ມຂາຍຕັ້ງແຕ່ວັນທີ 17 ມິຖຸນານີ້
ທີ່ມາ: gizmochina