spot_img
Homeຍ້ອງຍໍຄົນດີເດັ່ນຕຸຍ ຄົນດີຂອງສັງຄົມ

ຕຸຍ ຄົນດີຂອງສັງຄົມ

Published on

10154203_600868046675215_2108753405_n

ໂດຍ: ຊຽງກະເລັນ ບ້ານນາ

ເມື່ອການເມືອງມີສະຖຽນລະພາບ ສັງຄົມມີຄວາມສະຫງົບ ປະຊາຊົນຍຸທ່າງທຳມາຫາກິນ ແລະສ້າງສາພັດທະນາ ເຮັດໃຫ້ຊີວິດການເປັນຢູ່ຂອງປະຊາຊົນດີຂຶ້ນ ມີເຄື່ອງອຳນວຍຄວາມສະດວກ, ມີເຮືອນຫຼັງງາມ, ມີລົດຄັນໃຫຍ່ ແລະເຮືອນຫຼັງໜຶ່ງມີລົດຫຼາຍຄັນ ຈຶ່ງເຮັດໃຫ້ຖະໜົນຫົນທາງເຕັມໄປດ້ວຍລົດລາງພາຫະນະ ອັນນຳມາເຊິ່ງອັ່ງອໍຂອງລົດ ໂດຍສະເພາະແມ່ນເວລາໄປການແລະເລີກການ ກາຍເປັນບັນຫາກະທົບຕໍ່ການດຳລົງຊີວິດ ສຸຂະພາບຈິດແລະສຸຂະພາບກາຍ ຢ່າງຫຼີກລ້ຽງບໍ່ໄດ້. ຍ້ອນເຫັນໄດ້ແນວນັ້ນ ທ້າວ ຈັນປະເສີດ ພົມມະເທດ ຫຼື ຕຸຍ ຈຶ່ງສະຫຼະເວລາຂອງຕົນ ເປັນອາສາສະໝັກດ້ວຍຄວາມບໍລິສຸດໃຈ ເຂົ້າຊ່ວຍເຈົ້າໜ້າທີ່ໃນການໂບກລົດຢູ່ສາມແຍກປ້ຳນ້ຳມັນ ດົງປ່າແຫຼບມາ ເປັນເວລາປະມານ 5 ປີແລ້ວ.

ຕຸຍ ແມ່ນຊາວໜຸ່ມຜູ້ຫ້າວຫັນ ເປັນລູກຊາຍຄົນດຽວຂອງແມ່ ໂພມະນີ ປະຊາຊົນບ້ານດົງປ່າແຫຼບ ເມືອງຈັນທະບູລີ ນະຄອນຫຼວງວຽງຈັນ, ເຄີຍຮຽນຢູ່ໂຮງຮຽນມາລາສິນແຕ່ປະຖົມຈົນເຖິງມັດທະຍົມປີທີ 3 ແລະຮຽນມັດທະຍົມຢູ່ ມສ ກ້າວໜ້າ ເມື່ອຈົບມັດທະຍົມແລ້ວ ກໍໄດ້ເຂົ້າສຶກສາວິຊາຊີບ ຢູ່ໂຮງຮຽນວິຊາຊີບ ວຽງຈັນ-ຮາໂນ່ຍ ໃນວິຊາ ຄອມພິວເຕີທຸລະກິດ ຜົນການຮຽນບໍ່ເຖິງຂັ້ນດີເລີດ ແຕ່ຈັດຢູ່ໃນລະດັບດີຫຼາຍ ນັ້ນກໍຄືເກຣດ B. ປັດຈຸບັນກຳລັງເປັນນັກສຶກສາເຝິກງານຢູ່ ລາວໂທລະຄົມ.

10174941_478242522277228_1989619248_n

ຕຸຍ ໄດ້ເລົ່າສູ່ຜູ້ຂຽນຟັງວ່າ ທຳອິດຕົນເອງມີພີ່ນ້ອງຄິງນຳກັນ 3 ຄົນ ແຕ່ໂຊກຮ້າຍ 2 ໃນນັ້ນ ໄດ້ເສຍຊີວິດຍ້ອນອຸບັດເຫດ. ສາເຫດທີ່ມາເຮັດວຽກຊ່ວຍເຈົ້າໜ້າທີ່ໃນການໂບກລົດນັ້ນ ແມ່ນຍ້ອນເຫັນໄດ້ຈາກຄວາມຫຍຸ້ງຍາກລຳບາກຂອງຜູ້ສັນຈອນໄປ-ມາ ໂດຍສະເພາະແມ່ນໃນໂມງເລັ່ງດ່ວນ ກໍເລີຍຕັດສິນໃຈມາເປັນອາສາສະໝັກເຮັດວຽກຊ່ວຍເພິ່ນ ໂດຍບໍ່ໄດ້ຫວັງສິ່ງຕອບແທນໃດໆ . ທຳອິດ ເມື່ອສົນໃຈວຽກນີ້ ຕົນເອງກໍໄດ້ປຶກສາກັບເຈົ້າໜ້າທີ່ຕຳຫຼວດຈະລາຈອນ ທີ່ມາປະຕິບັດໜ້າທ່ີຢູ່ບໍລິເວນດັ່ງກ່າວ ເຊິ່ງເຈົ້າໜ້າທີ່ກໍໄດ້ໃຫ້ຄຳແນະນຳວິທີການໂບກລົດໃຫ້ແກ່ຕົນເອງເປັນຢ່າງດີ.

ເຈົ້າໜ້າທີ່ທ່ານໜຶ່ງທີ່ມາປະຕິບັດໜ້າທີ່ຢູ່ ສາມແຍກ ປ້ຳນ້ຳມັນດົງປ່າແຫຼບ ໄດ້ກ່າວຕໍ່ຜູ້ຂຽນກ່ຽວກັບການເປັນອາສາສະໝັກຂອງ ຕຸຍ ວ່າ: ມັນເປັນເລື່ອງທີ່ດີຫຼາຍ ຖ້າມີຜູ້ໃຈດີມີນ້ຳໃຈຄື ທ້າວ ຕຸຍ ຫຼາຍໆ ກໍຄົງຈະເຮັດໃຫ້ສັງຄົມເຮົາດີຂຶ້ນຢ່າງແນ່ນອນ ບໍ່ວ່າອາສາສະໝັກທາງດ້ານນີ້ ກໍຄືທາງດ້ານອື່ນໆ. ເຈົ້າໜ້າທ່ານດັ່ງກ່າວເວົ້າຕື່ມວ່າ: ຖ້າໃຜມີຈິດອາສາແບບນີ້ ສາມາດເຮັດໄດ້ ເຈົ້າໜ້າທີ່ພ້ອມທີ່ຈະໃຫ້ຄຳແນະນຳ ບໍ່ຕ້ອງຢ້ານເຈົ້າໜ້າທີ່ຈະຕໍ່ຕ້ານວ່າ ມາຍາດໜ້າທີ່ດອກ, ຄົນເຮົາຖ້າເຮັດດີທຸກຄົນກໍຍ່ອມໃຫ້ຄຳສັນລະເສີນ.

ທ້າວ ຕຸຍ ບໍ່ສະເພາະແຕ່ມີຈິດອາສາເທົ່ານັ້ນ ແຕ່ໂດຍທຳມະຊາດຂອງລາວແລ້ວ ກໍເປັນຄົນດີມາແຕ່ນ້ອຍ ບໍ່ວ່າຈະຢູ່ໂຮງຮຽນ ກໍຄືຢູ່ບ່ອນເຝິກງານຂອງລາວ ດັ່ງນາງ ນ້ອຍ ສີດາພົມ ພະນັກງານຜູ້ໜຶ່ງໃນ ບໍລິສັດ ລາວໂທລະຄົມ ທີ່ທ້າວ ຕຸຍ ໄປເຝິກງານໄດ້ກ່າວວ່າ: ທ້າວ ຕຸຍ ເປັນຄົນດີ, ມະນຸດສຳພັນດີ, ມີຄວາມດຸໝັ່ນ ທຸກຄົນໃນຫ້ອງການຈຶ່ງຮັກແພງລາວຫຼາຍ, ຢາກໃຫ້ເດັກນ້ອຍໄວໜຸ່ມເຮົາເບິ່ງລາວເປັນແບບຢ່າງ ຢູ່ໂຮງຮຽນກໍດີ, ມາເຝິກງານຢູ່ຫ້ອງການກໍດີ, ຢູ່ເຮືອນກໍຊ່ວຍວຽກແມ່ ແລະຍັງມີໃຈອາສາສະໝັກ ຊ່ວຍເຫຼືອສັງຄົມນຳອີກ ລາວເປັນບຸກຄົນທີ່ຫາຍາກອີ່ຫຼີ ຊົມເຊີຍລາວແທ້ໆ.

10001490_478242562277224_1100727493_n

ທ້າວ ຕຸຍ ໄດ້ເວົ້າຕໍ່ຜູ້ຂຽນຕື່ມວ່າ ຖ້າຍັງມີເວລາ ຕົນເອງຈະສືບຕໍ່ເປັນອາສາສະໝັກ ໂບກລົດໄປຕະຫຼອດໂດຍບໍ່ມີກຳໜົດ ແລະບໍ່ໄດ້ສົນໃຈກັບຄຳເວົ້າຂອງບາງຄົນທີ່ວ່າ ຕົນເອງຢາກເດັ່ນຢາກດັງ ຫຼືໄປຍາດວຽກຂອງເຈົ້າໜ້າທີ່ ເພາະຕົນເອງເຮັດວຽກນີ້ແມ່ນເຮັດດ້ວຍຈິດໃຈທີ່ບໍລິສຸດ ບໍ່ໄດ້ຫວັງຜົນໃດໆ ທັງນັ້ນ, ສາເຫດທີ່ເຮັດກໍຄືຄິດອີ່ຕົນຄົນທຽວທາງ ເຂົາເຈົ້າໄດ້ພົບກັບຄວາມຫຍຸ້ງຍາກໃນການເດິນທາງ, ສ່ວນເຮົາຢາກຊ່ວຍເຫຼືອສັງຄົມ ແຕ່ກໍບໍ່ມີຊັບສິນອື່ນໃດທີ່ຈະຊ່ວຍສັງຄົມໄດ້ ເຮົາມີແຕ່ເຫື່ອແຮງທີ່ເຮົາມີ ເຊິ່ງເຮົາຂໍຖືເອົາສິ່ງທີ່ເຮົາມີນີ້ຮັບໃຊ້ສັງຄົມ ຮັບໃຊ້ປະເທດຊາດຕໍ່ໄປ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...