ສື່ທ້ອງຖິ່ນມຽນມາລາຍງານວ່າ ຝົກຕົກໜັກຕະຫຼອດ 3 ມື້ທີ່ຜ່ານມາໃນລັດຢະໄຂ່ ທາງຕາເວັນຕົກສຸດຂອງປະເທດເຮັດໃຫ້ມີຜູ້ເສຍຊີວິດແລ້ວ 12 ຄົນ.
ລາຍງານຂອງກະຊວງສະຫວັດດີການສັງຄົມ ບັນເທົາທຸກ ແລະ ການຕັ້ງຖິ່ນຖານໃໝ່ວ່າ ຜູ້ເສຍຊີວິດມີເດັກ ແລະ ແມ່ຍິງລວມຢູ່ນຳ ນອກຈາກນີ້ ຍັງມີຜູ້ເສຍຊີວິດໃນພູມິພາກສະກາຍ ທາງຕາເວັນຕົກສຽງເໜືອ ລາຍງານລະບຸວ່າ ຫຼາຍພື້ນທີ່ຂອງມຽນມາຜະເຊີນອຸທົກກະໄພ ເພາະຝົນຕົກໜັກທີ່ເລີ່ມມາຕັ້ງແຕ່ວັນທີ 9 ມິຖຸນາ ຂະນະທີ່ເມື່ອເດືອນເມສາ ແລະ ພຶດສະພາເກີດລົມແຮງທົ່ວປະເທດ ເຮັດໃຫ້ມີຜູ້ເສຍຊີວິດ 39 ຄົນ ສຳລັບອຸທົກກະໄພໃນມຽນມາປີນີ້ຄາດວ່າຈະຮ້າຍແຮງກວ່າປີທີ່ຜ່ານມາ ດ້ານສຳນັກງານອຸຕຸນິຍົມ ແລະ ອຸທົກກະສາດເຕືອນວ່າ ຈະມີຝົນຕົກນັກຕໍ່ເນື່ອງໃນມື້ນີ້.