spot_img
Homeeuro-2016ຝຣັ່ງຈັດເຕັມສູບເປີດສະໜາມຢູໂຣປະທະ “ຜີດິບ” ຄືນນີ້ ຂະນະທີ່ສະຖິຕິກາໄກ່ເໜືອ

ຝຣັ່ງຈັດເຕັມສູບເປີດສະໜາມຢູໂຣປະທະ “ຜີດິບ” ຄືນນີ້ ຂະນະທີ່ສະຖິຕິກາໄກ່ເໜືອ

Published on

ການແຂ່ງຂັນບານເຕະຊິງແຊ້ມແຫ່ງຊາດຢູໂຣບ ຫຼື ຢູໂຣ 2016 ທີ່ປະເທດຝຣັ່ງ ກຽມເປີດສາກຄູ່ທຳອິດກາງເດິກຄືນມື້ນີ້ (10 ມິຖຸນາ 2016) ເວລາ 2 ໂມງເຊົ້າ ຕາມເວລາບ້ານເຮົາ ສາມາດເບິ່ງໄດ້ຈາກຊ່ອງ 33 HD ຂອງໄທ ຖ່າຍທອດສົດ ເປັນການຟາດແຄ່ງກັນລະຫວ່າງທີມ ກາໄກ່ ຝຣັ່ງເຈົ້າພາບ ກັບ ຜີດິບ ໂຣມາເນຍ ໃນກຸ່ມ A ທີ່ເດິ່ນສະຕາດ ເດີ ຟຣ້ອງ ແຖວແຊ້ງ-ເດນີ ນະຄອນຫຼວງປາຣີສ.

ດິດິເຢ ເດສຊອງ ກຸນຊືໃຫຍ່ທີມກາໄກ່ ກຽມຈັດທີມໃນລະບົບ 4-3-3 ຜູ້ຮັກສາປະຕູອູໂກ້ ໂຟຣິສ ແນວຮັບບາກາຣີ່ ຊານຊ່າ, ຣາມີີ່, ໂລຣ້ອງ ກອສຊຽລນີ່ ແລະປາທຣິຊ ເອຟຣ່າ ມິດຟິລຊິສໂຊໂກ້ ກັບ ແບລສ ມາຕຸຍດີ້ ຄຸມຈັງຫວະເກມ ມີປອລ ປ໊ອກບາ ບັນຊາເກມບຸກຫຼັງ 3 ແດນໜ້າກຣີສມັນ, ໂອລິວິເຢ່ ຊິຣູດ໌ ແລະມາກຊິຢັລ.

ຝ່າຍ ຜີດິບ ໂຣມາເນຍ ພາຍໃຕ້ການກັບມາຄຸມທັບສະໄໝທີ 3 ຂອງອັງເຄລ ຢໍດາເນສຄູ ທີ່ເຄີຍພາທີມຜີດິບສ້າງປາກົດການເຂົ້າເຖິງຮອບ 8 ທີມໃນເສິກບານເຕະໂລກ 1994 ຈົນເປັນຜົນງານດີສຸດເທົ່າທີ່ໂຣມາເນຍເຄີຍຮ່ວມແຂ່ງໃນເກມລະດັບນານາຊາດ ລວມທັງຮອບ 16 ທີມ ບານໂລກຄັ້ງຖັດມາ ແຕ່ພັດມີຜົນງງານບໍ່ດີໃນເສິກຢູໂຣ ດ້ວຍການຈຕົກຮອບແບ່ງກຸ່ມ ໃນປີ 1996 ແລະບໍ່ຜ່ານຮອບຄັດເລືອກປີ 2004 ກ່ອນແກ້ໂຕຄຸມທີມບ້ານເກີດເປັນ 1 ໃນ 4 ຊາດທີ່ບໍ່ເສຍໃຫ້ໃຜໃນຮອບຄັດເລືອກຢູໂຣຄັ້ງນີ້ຮ່ວມກັບອັງກິດ, ອິຕາລີ່ ແລະອອສເຕຣຍ ແລະເສຍພຽງ 2 ປະຕູ ໜ້ອຍສຸດຈາກທັງໝົດ 53 ຊາດ ນັດນີ້ຫຼິ້ນໃນລະບົບ 4-2-3-1 ມີຊິປຣີອັນ ທາທາຣູຊານູ ເປັນນາຍປະຕູ ຄຣິສຕຽນ ຊາປູນາຣູ, ວລາດ ຄິຣິເຄຊ, ດຣາກອຊ ແລະຣັຊວານ ຣັຕ ຢືນ 4 ເກມຮັບ ມິໄຮ ປິນຕິລີ່ ກັບໂອວິດິອູ ໂອບານ ຮັບບົດບາດຕັດເກມ ອາດຣິອັນ ໂປປາ, ອະເລັກຊານດຣູ ຄິບຊີອູ ແລະນິໂຄເລ ສະແຕນຊິອູ ມີໜ້າທີ່ເຮັດເກມບຸກ ຟລໍຣິນ ອັນໂດເນ່ ຢືນໜ້າເປົ້າ.

ເອີໂຣ

ສຳລັບສະຖິຕິທີີ່ເຄີຍພົບກັນຂອງທັງ 2 ທີມ ໃນ 5 ນັດຫຼັງສຸດ ມີຄື:

ວັນທີ 9 ມິຖຸນາ 2008 ເສິກຢູໂຣ 2008 ຮອບສຸດທ້າຍ ສະເໝີກັນ 0-0

ວັນທີ 11 ຕຸລາ 2008 ບານໂລກ 2010 ຮອບຄັດເລືອກສະເໝີກັນ 2-2

ວັນທີ 5 ກັນຍາ 2009 ບານໂລກ 2010 ຮອບຄັດເລືອກສະເໝີ 1-1

ວັນທີ 9 ຕຸລາ 2010 ຢູໂຣ 2012 ຮອບຄັດເລືອກ ຝຣັ່ງຊະນະ 2-0

ວັນທີ 9 ກັນຍາ 2011 ຢູໂຣ 2012 ຮອບຄັດເລືອກ ສະເໝີກັນ 0-0

ຂ່າວຈາກ: ມະຕິຊົນອອນລາຍ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...