ສຳນັກຂ່າວຕ່າງປະເທດລາຍງານຈາກນະຄອນອອດຕາວາ ປະເທດການາດາ ເມື່ອວັນທີ 9 ມິຖຸນາ 2016ທີ່ຜ່ານມາວ່າ ເຈົ້າໜ້າທີ່ເທສະບານຂອງນະຄອນຫຼວງອອດຕາວາເມືອງຫຼວງຂອງການາດາ ເປີດເຜີຍວ່າ ເມື່ອວັນພຸດທີ່ຜ່ານມາເກີດມີຫຼຸມຂະໜາດໃຫຍ່ກາງຖະໜົນໄຣໂດຕັດກັບຖະໜົນຊັສເຊກ ຕິດກັບສີ່ແຍກຂະໜາດໃຫຍ່ໃຈກາງເມືອງ ແລະ ຍັງຢູ່ໃກ້ກັບອາຄານສະພາແຫ່ງຊາດອີກດ້ວຍ ແຕ່ໂຊກດີທີ່ບໍ່ມີຄົນບາດເຈັບ.
ເຈົ້າໜ້າທີ່ເທສະບານໄດ້ສັ່ງໃຫ້ອົບພະຍົບປະຊາຊົນໃນອາຄານໃກ້ຄຽງ ເພາະໄດ້ກິ່ນແກັສຮົ່ວແຕ່ຕອນນີ້ກໍ່ສາມາດອຸດຕັນຮອຍຮົ່ວໄວ້ໄດ້ແລ້ວ ສຳລັບອາຄານທີ່ສັ່ງອົບພະຍົບໄດ້ແກ່ຫ້າງໄຣໂດ, ເວສອິນ ອອດຕາວາ ແລະ ສູນປະຊຸມຊໍວ໌ເຊັນເຕີ ຮວມເຖິງຮ້ານຂາຍໜັງສືອີກຮ້ານໜຶ່ງ.
ເຈົ້າໜ້າທີ່ຍັງພົບວ່າມີນ້ຳຮົ່ວໄຫຼໃນຫຼຸມຍຸບອີກດ້ວຍ ແຕ່ຕໍ່ມາໄດ້ປີດທໍ່ນ້ຳປາປາໄວ້ແລ້ວ ແລະ ຕັດກະແສໄຟຟ້າໃນພື້ນທີ່ດັ່ງກ່າວ ທ່ານ ຈິມ ວັດສັນ ນາຍົກເທດສະມົນຂອງນະຄອນຫຼວງອອດຕາວາ ກ່າວວ່າ ມີບາງສ່ວນຂອງຖະ ໜົນທີ່ກຳລັງຢູ່ໃນລະຫວ່າງການກໍ່ສ້າງ ເພື່ອເຮັດອຸໂມງໄຟຟ້າຂະໜາດເບົາ ແຕ່ກໍ່ຍັງໄວເກີນໄປທີ່ຈະສະຫຼຸບວ່າ ການກໍ່ສ້າງດັ່ງກ່າວເປັນສາເຫດທີ່ເຮັດໃຫ້ເກີດຫຼຸມຍຸບ.
ຂ່າວຈາກ:http://www.dailynews.co.th/foreign/501622