ໃນງານ Lenovo Tech World ໄດ້ມີການເປີດໂຕສະມາດໂຟນລຸ້ນໃໝ່ 2 ລຸ້ນຄື: Moto Z ແລະ Moto Z Force. ເຊິ່ງຂ່າວນີ້ເຮົາຈະມາເວົ້າເຖິງ Moto Z ກັນກ່ອນວ່າຈະໜ້າສົນໃຈຫຼືບໍ່? ໂດຍໃນງານນັ້ນໄດ້ກ່າວວ່າ ສະມາດໂຟນ Moto Z ນັ້ນເປັນມືຖື “ພຣີມ້ຽມທີ່ບາງທີ່ສຸດໃນໂລກ” ໂດຍມີຄວາມບາງພຽງ 5.19 ມມ, ຮູສຽບຫູຟັງ 3.5 ມມ ກໍຖືກຕັດອອກໄປສຳລັບລຸ້ນນີ້ ເຊິ່ງຈະໃຊ້ລວມກັນກັບພອຣ໌ດ USB Type-C.
ໃນດ້ານສະເປັກຂອງໂຕເຄື່ອງກໍມີ ໜ້າຈໍຂະໜາດ 5.5 ນິ້ວ, ຄວາມລະອຽດ QHD (2560 x 1440 ພິກເຊວ) 535 ppi ແລະໃຊ້ຈໍ AMOLED. ໃຊ້ງານຊິບປະມວນຜົນ Snapdragon 820, RAM 4 GB, ພື້ນທີ່ຈັດເກັບ 32/64 GB. ໃຊ້ງານລະບົບ Andorid 6.0.1 Marshmallow, ແບັດເຕີຣີໃຫ້ມາພຽງ 2,600 mAh ແຕ່ວ່າມີລະບົບສາກໄວມາພ້ອມ ສາມາດຫຼິ້ນໄດ້ 8 ຊົ່ວໂມງ ກັບການສາກພຽງ 15 ນາທີ.
ກ້ອງຫຼັງໃຫ້ຄວາມລະອຽດມາ 13 ລ້ານພິກເຊວ ແລະ 1.12um ພິກເຊວ ມາພ້ອມກັບລະບົບ OIS, ລະບົບເລເຊີຊ່ວຍໃນການໂຟກັດ, ຄ່າຮູຮັບແສງ ƒ/1.8 , ແຟລັດຄູ່ໂທນ LED ແລະຮອງຮັບການຖ່າຍວີດີໂອ 4K. ສ່ວນກ້ອງໜ້ານັ້ນມີຄວາມລະອຽດ 5 ລ້ານພິກເຊວ ພ້ອມກັບແຟລັດ LED ເຊິ່ງຈະຊ່ວຍໃນເລື່ອງການຖ່າຍເຊວຟີໃນບ່ອນທີ່ມີແສງໜ້ອຍໄດ້ດີ.
ທີ່ມາ: phonearena