ຈີນຮົງກົງກຳຈັດໄກ່ 4.500 ໂຕ ໃນຕະຫຼາດຄ້າສົ່ງແຫ່ງໜຶ່ງ ທາງຕອນກາງຂອງຈີນຮົງກົງໃນເຊົ້າມື້ນີ້ ຫຼັງຈາກສຸ່ມກວດພົບເຊື່ອໄວຣັສ  H7N9 ທີ່ສາມາດຕິດຕໍ່ສູ່ຄົນໄດ້.

ເຈົ້າໜ້າທີ່ໃສ່ຊຸດປ້ອງກັນສານອັນຕະລາຍແບບເຕັມຕົວ ແລະ ໜ້າກາກນຳໄກ່ມີຊີວິດຖິ້ມລົງໃນຖັງພລາສຕິກ ຈາກນັ້ນ ອັດກ໊າດຄາບອນໄດອ໊ອກໄຊລົງໄປເພື່ອໃຫ້ໄກ່ຕາຍ ຫຼັງຈາກທີ່ໄດ້ປະກາດຫ້າມຊື້ຂາຍໄກ່ມີຊີວິດເປັນການຊົ່ວຄາວຕັ້ງແຕ່ວັນເສົາ ເນື່ອງຈາກພົບເຊື້ອ H7N9 ໃນຕົວຢ່າງອາຈົມໄກ່ທີ່ເກັບມາຈາກຕະຫຼາດທາງຝັ່ງຕາເວັນຕົກຂອງຈີນຮົງກົງ.

ຈີນຮົງກົງເຝົ້າລະວັງເລື່ອງເຊື້ອໄວຣັສແພ່ລະບາດຫຼາຍເປັນພິເສດຕັ້ງແຕ່ໄວຣັສໂລກທາງເດີນຫາຍໃຈກະທັນຫັນຮຸນແຮງ (ຊາສ) ລະບາດທົ່ວເມືອງໃນປີ 2003 ມີຜູ້ເສຍຊີວິດ 299 ຄົນ ຈາກຈຳນວນຜູ້ຕິດເຊື້ອທັງໝົດ 1.800 ຄົນ ໂດຍສະເພາະຊ່ວງ 2 ປີກ່ອນທີ່ມີການກຳຈັດສັດປີກໃນຈີນຮົງກົງຫຼາຍເຖິງ 20.000 ໂຕ ເພາະກະແສຄວາມຢ້ານເລື່ອງໄຂ້ຫວັດສັດປີກ ເຈົ້າໜ້າທີ່ກັງວົນເຊື້ອໄວຣັສ H7N9 ຫຼາຍເປັນພິເສດເນື່ອງຈາກບໍ່ເຮັດໄດ້ສັດປີຕາຍ ຫຼື ສະແດງອາການ ເຮັດໃຫ້ເຊື້ອສາມາດແພ່ລະບາດໂດຍບໍ່ທັນຮູ້ຕົວ ແລະ ຕິດເຊື້ອໄປສູ່ຄົນທີ່ສຳຜັດສັດປີກຕິດເຊື້ອທັງມີຊີວິດ ແລະ ຊາກສັດທີ່ຕາຍແລ້ວ ມີຄົນຕິດເຊື້ອນີ້ເປັນຄັ້ງທຳອິດໃນຈີນເມື່ອປີ 2013 ຜູ້ຕິດເຊື້ອອາດເຈັບເປັນໜັກດ້ວຍລະບົບທາງເດີນຫາຍໃຈຈົນເຖິງຂັ້ນເສຍຊີວິດໄດ້.