iBall ຜູ້ຜະລິດສະມາດໂຟນຈາກປະເທດອິນເດຍ ເປີດໂຕແທັບເລັດລຸ້ນໃໝ່ຂອງບໍລິສັດຊື່ວ່າ: Slide Bio-Mate. ສຳລັບໂຕເຄື່ອງນັ້ນມີໜ້າຈໍ 8 ນິ້ວ ຄວາມລະອຽດ HD (1280 x 800 ພິກເຊວ), ໃຊ້ງານຊິບປະມວນຜົນຄອດຄໍ ຄວາມແຮງທີ່ 1.3GHz , ໃຊ້ງານລະບົບ Android 5.1 (Lollipop), ກ້ອງຫຼັງໃຫ້ມາ 5 ລ້ານພິກເຊວ ພ້ອມກັບໂຟກັດອັດຕະໂນມັດແລະແຟລັດ LED, ສ່ວນກ້ອງໜ້າມີຄວາມລະອຽດພຽງ 2 ລ້ານພິກເຊວ.
ສ່ວນຄຸນສົມບັດອື່ນໆຂອງໂຕເຄື່ອງກໍມີ ພື້ນທີ່ຈັດເກັບ 8GB (ສາມາດເພີ່ມ MicroSD ສູງສຸດ 32GB), RAM 1GB ແລະຮອງຮັບການໃຊ້ງານ 2 ຊິມ. ໃນດ້ານຄຸນສົມບັດການເຊື່ອມຕໍ່ແມ່ນຮອງຮັບ 3G HSPA+, WiFi 802.11 b/g/n , Bluetooth 4.0, GPS, USB OTG. ແບັດເຕີຣີໃຫ້ມາ 4300mAh ແລະຮອງຮັບລະບົບສະແກນລາຍນິ້ວມື.
ພາຍໃນຊ໋ອບແວຣ໌ຂອງໂຕເຄື່ອງຈະມີແອັບທີ່ຕິດຕັ້ງມາຈາກໂຮງງານໃຫ້ເລີຍເຊັ່ນພວກເກມຈາກ GameLoft ຄື: Asphalt Nitro, Danger Dash ແລະ Spider-Ultimate Power, ແອັບທົ່ວໆໄປກໍມີ Facebook, WhatsApp, Hungama, Hungama Play, TOI ແລະອື່ນໆອີກຫຼາຍຢ່າງ. ສຳລັບຄີບອຣ໌ດແມ່ນຮອງຮັບທັງໝົດ 21 ພາສາ ແລະ ພາສາຂອງເຄື່ອງຮອງຮັບ 9 ພາສາ.
ສຳລັບໂຕເຄື່ອງ iBall Slide Bio-Mate ມີພຽງສີດຽວເທົ່ານັ້ນຄື: Cobalt Brown Matte ຫຼືສີນ້ຳຕານ, ສ່ວນລາຄາແມ່ນ 7,999 ຣູປີ (970.000 ກີບ) ຄາດວ່າຈະຂາຍສະເພາະປະເທດອິນເດຍເທົ່ານັ້ນ
ທີ່ມາ:fonearena