spot_img
Home​ຂ່າວບັນເທິງຕ່າຍ ອໍລະໄທ ພ້ອມທີມງານມາໄຫວ້ພະທາດຫຼວງ ກ່ອນໄປຂຶ້ນຄອນເສີດທີ່ຕະຫຼາດໂພນໝີ

ຕ່າຍ ອໍລະໄທ ພ້ອມທີມງານມາໄຫວ້ພະທາດຫຼວງ ກ່ອນໄປຂຶ້ນຄອນເສີດທີ່ຕະຫຼາດໂພນໝີ

Published on

ບັນເທີງດາລາວັນນີ້ ເຮົາຈະມາເວົ້າເຖິງນັກຮ້ອງສາວເຈົ້າແມ່ລູກທົ່ງບ້ານນາຂອງທາງປະເທດເພື່ອນບ້ານ (ປະເທດໄທ) ສາວ ຕ່າຍ ອໍລະໄທ ເຊິ່ງເປັນຂັວນໃຈຂອງໃຜຫຼາຍຄົນບໍ່ວ່າຈະເປັນທາງບ້ານເຮົາ ຫຼື ຝັ່ງໄທຕ່າງກໍ່ພາກັນຊື່ນຊົມໃນຜົນງານຂອງນາງ ສາວຕ່າຍ ອໍລະໄທ ນອກຈາກຈະຮ້ອງເພງມ່ວນແລ້ວ ດ້ວຍນິໄສທີ່ອ່ອນໂຍນເປັນຄົນລຽບງ່າຍ ເປັນຄົນບໍ່ຖືຕົວ ເປັນຄົນມີມາລະຍາດ ຮູ້ຈັກກາລະເທສະ ສະເໝີຕົ້ນສະເໝີປາຍຕະຫຼອດມາ ຈິ່ງເຮັດໃຫ້ນາງສາມາດຄອງໃຈຂອງໃຜຫຼາຍໆຄົນມາຈົນເຖິງປັດຈຸບັນ

ສາວຕ່າຍ ອໍລະໄທ ກັບທີມງານໄດ້ເດີນທາງຂ້າມດ່ານຈາກຝັ່ງໄທມາຮອດນະຄອນຫຼວງວຽງຈັນ ໃນຕອນບ່າຍຂອງວັນທີ 4 ມີຖຸນາ 2016 ແລະ ເລືອກມາແວ່ຂໍພອນທີ່ ພະທາດຫຼວງ ສະຖານທີ່ສັກສິດຄູ່ບ້ານຄູ່ເມືອງຂອງຊາວນະຄອນຫຼວງວຽງຈັນ ເປັນສະຖານທີ່ທຳອິດ ກ່ອນຈະເດີນທາງໄປຕະຫຼາດໂພນໝີ ເມືອງວຽງຄຳ ແຂວງວຽງຈັນ ເພື່ອຂຶ້ນສະແດງຄອນເສີດ ໃນງານ ມະຫະກຳຄອນເສີດ ທ່ອງທ່ຽວລ້ານຊ້າງ ຮ່ວມກັບ M-150 ທີ່ຈະເລີ່ມຂຶ້ນໃນເວລາ 18:30 ໂມງ ຂອງ ວັນທີ 4 ມີຖຸນາ 2016

12.36

ເມື່ອອອກຈາກນະຄອນຫຼວງວຽງຈັນ ສາວຕ່າຍ ອໍລະໄທ ພ້ອມທີມງານກໍ່ເດີນທາງໄປທີ່ຕະຫຼາດໂພຍໝີ ເມືອງ ວຽງ ຄຳ ແຂວງ ວຽງຈັນ ເພື່ອກຽມຂຶ້ນສະແດງຄອນເສີດ ແຕ່ກ່ອນຈະຂຶ້ນສະແດງຄອນເສີດ ຕ່າຍ ອໍລະໄທ ພ້ອມທີມງານກໍ່ໄດ້ພາກັນຍ່າງທີ່ຕະຫຼາດໂພນໝີ ເຊິ່ງສາວຕ່າຍໄດ້ໃຫ້ຄວາມສົນໃຈຫັບຜ້າສິ້ນລາວຫຼາຍເປັນພິເສດ

81667

ງານສະແດງຄອນເສີດທີ່ຕະຫຼາດໂພນໝີ ວັນນີ້ຝົນຟ້າບໍ່ເປັນໃຈ ຝົນຕົກເກືອບໝົດມື້ ຈົນເກືອບເຮັດໃຫ້ສາວຕ່າຍ ແລະ ທີມງານດາວເຕັ້ນຂອງເພິ່ນເກືອບບໍ່ໄດ້ຂຶ້ນເວທີ ແຕ່ເຖິງຝົນຈະຕົກທັງສາວຕ່າຍ ແລະ ທີມງານ ພ້ອມດ້ວຍແຟນເພງກໍ່ບໍ່ທໍ້ ພາກັນມາມ່ວນມາມັນທີ່ໜ້າເວທີຄອນເສີດ ແລະ ຫຼັງຈາກຈົບງານຄອນເສີດແລ້ວ ສາວຕ່າຍໄດ້ອອກມາຂຽນໂພສທາງເຟສບຸກສ່ວນຕົວTai Orathai ວ່າ ຂອບໃຈພີ່ນ້ອງຊາວເມືອງວຽງຄຳ ແຂວງວຽງຈັນຫຼາຍໆເດີ້ ມື້ນີ້ຕ່າຍມາ ຝົນກະມານຳ ເຖິງສິຫຼິ້ນບໍ່ເຕັມໂຊ ເພາະຝົນບໍ່ເປັນໃຈແຕ່ກໍ່ພ້ອມເຕັມທີ່ ສິກັບມາເຕັມໆໂຊໃໝ່ເດີ້ພີ່ນ້ອງ ແລ້ວພົບກັນໃໝ່…

9986

ທີ່ມາ: ເຟສບຸກ Tai Orathai ແລະ Noy Lee

 

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...