ເກີດເຫດລົດເມເສຍຫຼັກຕົກລົງໄປໃນຄອງທາງຕອນໃຕ້ຂອງຕວັກກີເມື່ອວັນອາທິດຂະນະທີ່ນຳນັກຮຽນກັບຈາກທັດສະນະສຶກສາ ເຮັດໃຫ້ນັກຮຽນເສຍຊີວິດ 6 ຄົນ ຜູ້ໃຫຍ່ທີ່ເດີນທາງໄປນຳເສຍຊີວິດ 8 ຄົນ.
ສຳນັກຂ່າວໂດອານລາຍງານວ່າ ເຫດເກີດຂະນະທີ່ລົດບັສນຳນັກຮຽນກັບຈາກທັດສະນະສຶກສາທີ່ບູຮານສະຖານຄາລາເຕເປນອກເມືອງອອສມານິເຢ ຄົນຂັບເສຍການຄວບຄຸມລົດ ເຈົ້າໜ້າທີ່ກຳລັງສອບສວນສາເຫດຢູ່ ເຫດດັ່ງກ່າວເຮັດໃຫ້ນັກຮຽນເສຍຊີວິດ 6 ຄົນ ເປັນຊາຍ 3 ຄົນ ແລະ ຍິງ 3 ຄົນ ມີຜູ້ໃຫຍ່ທີ່ເດີນທາງໄປນຳເສຍຊີວິດ 8 ຄົນ ສ່ວນຜູ້ບາດເຈັບ 24 ຄົນຖືກນຳຕົວສົ່ງໂຮງໝໍ ພາບຂ່າວເປັນພາບລົດຍົກລົດເມຂຶ້ນຈາກຄອງນໍ້າ ໂດຍມີຜູ້ມີຄົນມາເບິ່ງດ້ວຍທ່າທາງຕົກໃຈກັບພາບທີ່ເຫັນ.