ເກີດຈາກຮ່າງກາຍສ້າງພູມຕ້ານທານຕໍ່ໂປຣຕິນທີ່ມີໃນນົມງົວຂຶ້ນມາ ໂປຣຕີນທີ່ມັກເຮັດໃຫ້ເກີດການແພ້ຈະເປັນ ເຄຊີນ ເວຍ໌ ແລະ ເບຕ້າແລັກໂຕໂກລບູລິນ ເຊິ່ງມີຢູ່ໃນນົມງົວ ແຕ່ການແພ້ນົມງົວຈະຮຸນແຮງ ຫຼື ບໍ່ ນັ້ນ ຂຶ້ນຢູ່ກັບພາວະລະບົບພູມຕ້ານທານຂອງຮ່າງກາຍທີ່ກໍ່ໃຫ້ເກີດການແພ້ແມ່ນຊະນິດໃດ

ອາການຂອງເດັກທີ່ແພ້ນົມງົວຈະແບ່ງເປັນແບບຮຸນແຮງ ແລະ ບໍ່ຮຸນແຮງ

           ແບບຮຸນແຮງ : ເປັນອາການທີ່ມັກເກີດຂຶ້ນແບບກະທັນຫັນ ໂດຍເດັກທີ່ແພ້ນົມຈະໜ້າບວມ ທີ່ຊ່ອງປາກ ແລະ ຄໍບວມ ທາງເດີນຫາຍໃຈຕີບ ຫາຍໃຈລຳບາກ ເມື່ອຍ ຄວາມກັນເລືອດຕ່ຳ ອາດຈະມີຜື່ນແດງຕາມຕົວ ຖອກທ້ອງ ແລະ ຮາກຮ່ວມນຳ ໃນກໍລະນີທີ່ແພ້ຮຸນແຮງ ແລະ ບໍ່ໄດ້ຮັບການຮັກສາ ອາດຈະເຮັດໃຫ້ເດັກເກີດພາວະຂາດອາກາດຫາຍໃຈຕາມຫຼັງການບວມຂອງຫຼອດລົມ ຫຼື ຄວາມດັນເລືອດຕ່ຳຈົນພາວະລົ້ມເລວ ເສຍຊີວິດໄດ້ ການແພ້ນົມແບບຮຸນແຮງນີ້ອັນຕະລາຍຫຼາຍ

           ແບບບໍ່ຮຸນແຮງ : ອາການທີ່ເກີດຂຶ້ນມັກຈະຊ້າ ແລະ ສັງເກດຍາກ ອາການຈະເກີດຕາມຫຼັງການກິນນົມເຂົ້າໄປແຕ່ລະມື້ ໂດຍອາການທີ່ພົບຫຼາຍທີ່ສຸດຈະແບ່ງເປັນອາການທາງຜິວໜັງ ແລະ ທາງເດີນອາຫານ

           ອາຫານໃນລະບົບທາງເດີນອາຫານ : ເກີດໄດ້ຕັ້ງແຕ່ທາງເດີນອາຫານຄື ຫລອດອາຫານ ໄປຈົນເຖິງມີອາການຮາກອອກຫຼັງກີນນົມເຂົ້າໄປຈະມີອາການປວດທ້ອງ ທ້ອງອືດ ຖ່າຍເປັນເລືອດ ໃນບາງກໍລະນີການອັກເສບໃນທາງເດີນອາຫານຈະເຮັດໃຫ້ການດູດຊຶມຜິດປົກກະຕິ ເດັກນ້ອຍອາດມີນ້ຳໜັກຕ່ຳກວ່າເກນກຳນົດໄວ້ ເຖິງແມ່ນວ່າຈະກິນນົມປົກກະຕິກໍ່ຕາມ

           ອາການທີ່ຜິວໜັງ : ເກີດຜື່ນຜິວໜັງອັກເສບໄດ້ຫຼາຍຊະນິດ ມີຕັ້ງແຕ່ຜິວແດງຄັນ ຜິວຂຶ້ນເປັນຕຸ່ມມີນ້ຳຢູ່ໃນ ແຜຜິວໜັງອັກເສບເປັນເກັດ ຫຼື ເກີດພາວະຜິວແພ້ງ່າຍ

ທີ່ມາ: http://baby.kapook.com/view109447.html