ຫຼັງຈາກທີ່ກ່ອນໜ້ານີ້ມີຂ່າວລືກ່ຽວກັບສະມາດໂຟນໃໝ່ຈາກບໍລິສັດລູກຂອງ Huawei ນັ້ນກໍຄື Honor ອອກມາໄດ້ບໍ່ດົນ, ໃນມື້ນີ້ເອງເຮົາກໍມີຂ່າວດີມາບອກຄື Huawei ໄດ້ສົ່ງບັດເຊີນເຂົ້າຮ່ວມງານເປີດໂຕຜະລິດຕະພັນໃໝ່ ພາຍໃຕ້ແບຣນ Honor ອອກມາ, ເຊິ່ງຈະຈັດຂຶ້ນໃນວັນທີ 20 ມິຖຸນາ ຢູ່ທີ່ຍຸໂຣບ ພາຍໃຕ້ສະໂລແກນທີ່ວ່າ “fast, robust and affordable, all in one” ຫຼື “ວ່ອງໄວ, ທົນທານ ແລະ ລາຄາບໍ່ແພງ ໃນໜຶ່ງດຽວ”
ໂດຍມີການຄາດກັນວ່າອາດຈະເປັນສະມາດໂຟນ Honor 8 ແລະ ອຸປະກອນສວມໃສ່ VR ກໍເປັນໄດ້ ,ແຕ່ເຖິງຢ່າງໃດກໍຕາມຍັງບໍ່ມີສິ່ງໃດຢືນຢັນໄດ້ວ່າຈະມີຫຍັງເປີດໂຕໃນງານ ເຮົາຄົງຕ້ອງໄດ້ຕິດຕາມກັນແລ້ວວ່າຈະມີຫຍັງພິເສດອອກມາໃຫ້ເຮົາໄດ້ເຫັນກັນຫຼືບໍ່?
ທີ່ມາ:talkandroid