spot_img
Home​ຂ່າວບັນເທິງເບິ້ນ ອາສະຫຍາມ ບໍ່ໄດ້ຟ້ອງ ຈຸ່ນປະສານມິດ ຕາມທີ່ຕົກເປັນຂ່າວ!

ເບິ້ນ ອາສະຫຍາມ ບໍ່ໄດ້ຟ້ອງ ຈຸ່ນປະສານມິດ ຕາມທີ່ຕົກເປັນຂ່າວ!

Published on

ພາຍຫຼັງທີ່ກະແສຂ່າວຈາກສຳນັກສື່ອອນລາຍຕ່າງໆ ລຸມກະໜ່ຳຂ່າວວ່າ ຈຸ່ນປະສານມິດ ຖືກ ເບີ້ນ ອາສະຫຍາມຟ້ອງ ເລື່ອງກັອບປີເນື້ອຮ້ອງທຳນອງເພງ: ເຟສກໍຫາຍລາຍກໍງຽບ ມາເປັນເພງ: ອອນລາຍຄົນຫຼາຍໃຈ ດັງກະຫື່ມທົ່ວສັງຄົມທັງໄທແລະລາວ ທີ່ໃຊ້ພາສາດຽວກັນ ແຟນເພງຕ່າງຝ່າຍຊະນ້ຳລາຍໃສ່ກັນໂດຍບໍ່ຮູ້ແຈ້ງເຖິງເລື່ອງຈິງວ່າມີທີ່ໄປທີ່ມາຈັ່ງໃດກັນແທ້.

ວ່າຊິບໍ່ຂຽນຂ່າວນີ້ແລ້ວ ແຕ່ເບິ່ງບັນຫາຄືວ່າ ຍັງບໍ່ມີທີ່ສິ້ນສຸດ ມື້ນີ້, ນັກຂ່າວລາວໂພສພວກເຮົາ ໄດ້ສຳພາດອ້າຍ ຈຸ່ນປະສານມິດ ຜູ້ຕົກເປັນຂ່າວ ເຖິງເລື່ອງລາວທີ່ກຳລັງໂດ່ງດັງມາບອກ.

ຈຸ່ນປະສານມິດໄດ້ເປີດໃຈສັ້ນໆ ກັບທີມຂ່າວພວກເຮົາວ່າ: ພາຍຫຼັງທີ່ຕົນເອງໄດ້ເຜີຍແພ່ວິດີໂອເພງ: ອອນລາຍຄົນຫຼາຍໃຈອອກໄປ ກໍໄດ້ຮັບການຕອບຮັບຈາກສັງຄົມເກີນຄາດ. ຕໍ່ມາບໍ່ດົນກໍໄດ້ຮັບສຽງສົ່ງຂ່າວ ສອບຖາມມາຈາກທາງສັງກັດຂອງ ເບີ້ນ ປະທຸມລາດ ອາສະຫຍາມວ່າ ເພງ ອອນລາຍຄົນຫຼາຍໃຈ ຂອງຈຸ່ນປະສານມິດ ຄືມີເນື້ອຫາແລະທຳນອງໃກ້ຄຽງກັບ ເພງ ເຟສກໍຫາຍລາຍກໍງຽງ ຂອງ ເບີ້ນ ອາສະຫຍາມແທ້?. ຈາກນັ້ນກໍກາຍເປັນຂ່າວໃຫຍ່ໂຕທາງສື່ສັງຄົມອອນລາຍ ແຟນເພງທັງສອງຝ່າຍຄອມເມັ້ນກັນໄປມາ. ດັ່ງນັ້ນ, ໃນນາມທີ່ຕົນເອງ ເປັນລູກຜູ້ຊາຍ ກໍບໍ່ໄດ້ຄິດຫຍັງຫຼາຍ ກໍອອກມາສະແດງຄວາມຮັບຜິດຊອບ ແລະຂໍໂທດຕໍ່ເຫດການດັ່ງກ່າວເປັນທີ່ຮຽບຮ້ອຍ. ພ້ອມທັງສອງຝ່າຍກໍໄດ້ໂອ້ລົມກັນ ແກ້ໄຂບັນຫາກັນເປັນທີ່ຮຽບຮ້ອຍ ຈຸ່ນກໍຍັງສາມາດຮ້ອງເພງ ອອນລາຍຄົນຫຼາຍໃຈໄດ້ ແລະວິດີໂອເພງກໍຍັງເຜີຍແພ່ຢູ່ໃນ Youtube ຕາມປົກກະຕິ ໂດຍມີ ເປີ້ນ ປະທຸມລາດ ອາສະຫຍາມ ເປັນເຈົ້າຂອງລິຂະສິດ.

ສ່ວນຂ່າວທີ່ວ່າ ເບີ້ນ ປະທຸມລາດ ອາສະຫຍາມ ຟ້ອງຈຸ່ນປະສານມິດນັ້ນ ແມ່ນບໍ່ມີີມູນຄວາມຈິງແຕ່ຢ່າງໃດ. ຈຶ່ງຢາກໃຫ້ມິດຮັກແຟນເພງເຂົ້າໃຈ ຢຸດຕິບັນຫາ ແລະເປັນເພື່ອນມິດກັນຄືເກົ່າ.

ຈຸ່ນປະສານມິດ ເປັນນັກຮ້ອງລາວ ທີີ່ມີຄວາມສາມາດ ມີພອນສະຫວັນທາງດ້ານການຮ້ອງເພງ ກໍຂໍຝາກຝັງຄົນຜູ້ນີ້ໄວ້ກັບອ້ອມອົກອ້ອມໃຈຂອງຄົນລາວແລະຄົນໄທໃຫ້ຕິດຕາມກັນຕໍ່ໄປ.

ຈຸ່ນ ປະສານມິດ



ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!

ບົດຄວາມຫຼ້າສຸດ

ຝົນມໍລະສຸມ! ປາກີສະຖານປະເຊີນ ນ້ຳປ່າໄຫຼຊຸ ແລະ ດິນເຈື່ອນຖະຫຼົ່ມ ຫຼ້າສຸດມີປະຊາຊົນເສຍຊີວິດຢ່າງນ້ອຍ 344 ຄົນ.

ປາກີສະຖານປະເຊີນນ້ຳປ່າຖ້ວມຊຸ ແລະ ດິນຖະຫຼົ່ມ ເນື່ອງຈາກຝົນຕົກໜັກ ເຮັດໃຫ້ປະຊາຊົນເສຍຊີວິດຢ່າງນ້ອຍ 344 ຄົນ. ສຳນັກຂ່າວຕ່າງປະເທດລາຍງານໃນວັນທີ 17 ສິງຫາ 2025 ຜ່ານມານີ້ວ່າ: ປາກີສະຖານປະເຊີນກັບສະພາບຝົນຕົກໜັກຕໍ່ເນື່ອງເຮັດໃຫ້ເກີດນ້ຳປ່າໄຫຼຊຸ  ແລະ ດິນຖະຫຼົ່ມ...

ປະຊາຊົນຊາວມາເລເຊຍຮວມຕົວກັນຫຼາຍພັນຄົນ ເພື່ອຮຽກຮ້ອງຄວາມຍຸຕິທຳ ໃຫ້ຊາຣາ ທີ່ເສຍຊີວິດຢ່າງປິສະໜາ

#JusticeForZara ແຮັດແທັກ (hastag) ເຕັມສື່ສັງຄົມອອນລາຍໃນປະເທດມາເລເຊຍ ເພື່ອຮຽກຮ້ອງຄວາມຍຸຕິທຳໃຫ້ ຊາຣາ ເດັກຍິງອາຍຸ 13 ປີ ເສຍຊີວິດປິດສະໜາ, ທ່າມກາງຂ່າວລືວ່າ ຊາຣາ ເປັນເຫຍື່ອຈາກການຖືກບູລີ້ ແລະ...

ເສຍຊີວິດເວທີດຽວກັນ! ຂ່າວເສົ້າວົງການມວຍຍີ່ປຸ່ນ ເມື່ອ 2 ນັກຊົກຈາກແດນປາດິບເສຍຊີວິດຫຼັງຂຶ້ນຊົກມວຍ ໝໍເຜີຍເລືອດອອກໃນເຫຍື້ອຫຸ້ມສະໝອງ.

ວົງການມວຍຍີ່ປຸ່ນເສົ້າ! 2 ນັກຊົກມວຍເສຍຊີວິດເວທີດຽວກັນ ຫຼັງໄດ້ຮັບອາການບາດເຈັບ ໝໍເຜີຍເລືອດອອກໃນເຫຍື້ອຫຸ້ມສະໝອງ. ສຳນັກຂ່າວຕ່າງປະເທດລາຍງານເຫດການສຸດສະຫຼົດ ຂອງວົງການມວຍຍີ່ປຸ່ນ ໄດ້ເກີດເຫດການສຸດຊ໋ອກ ຫຼັງຈາກຊິເງໂຕຊິ ນັກຊົກອາຍຸ 28 ປີ ເສຍຊີວິດ ເມື່ອວັນສຸກ 8...

ສ ເກົາຫຼີ ມອບທຶນຈຳນວນ 6 ລ້ານໂດລາ ເພື່ອຂະຫຍາຍ ແລະ ປັບປຸງລະບົບນໍ້າປະປາ ກຳນົດຈັດຕັ້ງປະຕິບັດ 2025-2029

ລັດຖະບານ ສ ເກົາຫຼີສະໜອງທຶນຊ່ວຍເຫຼືອລ້າໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວ ເມືອງຄຳເກີດ ພິທີເຊັນບົດບັນທຶກການຮ່ວມມືໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວເມືອງຄຳເກີດ ແຂວງບໍລິຄຳໄຊ ລະຫວ່າງ ກະຊວງໂຍທາທິການ ແລະ ຂົນສົ່ງ (ຍທຂ)...