Power Bank ຫຼື ແບັດເຕີລີສຳຮອງກາຍເປັນອຸປະກອນຈຳເປັນທີ່ຂາດບໍ່ໄດ້ຂອງຄົນຍຸກນີ້ ແຕ່ບັນໜຶ່ງທີ່ເຫັຍຕາມ Webboard ຫຼື ສື່ອອນລາຍເລື່ອງໆເລື່ອງ Power Bank ໄໝ້ ຫຼື ລະເບີດ ເພື່ອບໍ່ໃຫ້ເກີດບັນນີ້ ຫຼື ເກີດໜ້ອຍທີ່ສຸດວັນນີ້ເຮົາມີເຕັກນິກການໃຊ້ Power Bank ແນວໃດບໍ່ໃຫ້ລະເບີດມາຝາກກັນ
- ເລືອກ Power Bank ທີ່ມີຄຸນນະພາບສູງ ຈາກຮ້ານທີ່ເຊື່ອຖືໄດ້ ແລະ ມີສູນຈຳໜ່າຍທົ່ວໄປເທດ
Power Bank ທ່ານບໍ່ຄວນຊື້ທົ່ວໄປຖ້າບໍ່ໄວ້ໃຈຫ້າມຊື້ ເຖິງລາຄາຈະຖືກກໍ່ບໍ່ຄວນຊື້ ເພາະທ່ານອາດຈະໄດ້ຂອງປອມເຄື່ອງທີ່ໃຊ້ກັບໄຟຟ້າບໍ່ວ່າຈະເປັນຫຍັງກໍ່ຕາມທ່ານຕ້ອງເລືອກສິ່ງທີ່ມີຄຸນນະພາບທີ່ສຸດມາໃຊ້ ເພາະຈະເຮັດໃຫ້ທ່ານໄດ້ຮັບອັນຕະລາຍໜ້ອຍລົງ
2.ຢ່າສາກມືຖືຜ່ານ Power Bank ທີ່ກຳລັງສາກຢູ່
ບາງຄົນມັກສາກໂທລະສັບຜ່ານ Power Bank ທີ່ກຳລັງສາກຢູ່ ເຊິ່ງເປັນການກະທຳທີ່ຜິດ ເພາະຈະເຮັດໃຫ້ Power Bankເຮັດວຽກໜັກຂຶ້ນອາຍຸການໃຊ້ງານສັ້ນລົງ ແລະ ຖ່້າເປັນ Power Bank ອາດຈະເຮັດໃຫ້ໄໝ້ ຫຼື ລະເບີດໄດ້
3.ຢ່າໃຫ້ Power Bank ຮ້ອນເກີນໄປ
ບໍ່ຄວນວາງ Power Bank ເທິງບ່ອນຮ້ອນໃນເວລາສາກເຊັ່ນ: ເທິງເຄສຄອມພິວເຕີ້, ຫຼັງໂທລະທັດ ເພາະຄວາມຮ້ອນຈະເປັນສັດຕູຂອງແບັດເຕີລີທຸກປະເພດ ເຊິ່ງຈະເຮັດໃຫ້ ແບັດເຕີລີຮ້ອນຂຶ້ນໄດ້ງ່າຍ ແລະ ເຮັດໃຫ້ເສື່ອມຄຸນນະພາບໄວ ແລະ ອາດໄໝ້ ຫຼື ລະເບີດໄດ້
4. ເວລາຊື້ມາໃໝ່ຄວນເບິ່ງໃນເວລາສາກ
ຫາກທ່ານບໍ່ໝັ້ນໃຈວ່າຂອງທີ່ຊື້ມາໃໝ່ເປັນຂອງທີ່ມີຄຸນນະພາບທ່ານຄວນສາກເບິ່ງອາການກ່ອນຈິ່ງຄ່ອຍໃຊ້ ເພື່ອຄວາມໝັ້ນໃຈວ່າເຮົາໄດ້ຂອງຄຸນນະພາບມາໃຊ້
5.ຖ້າຫາກ Power Bank ເກີດໄໝ້ ຫຼື ລະເບີດຂຶ້ນມາແທ້
ການດັບໄຟໄໝ້ໃນອຸປະກອນເອເລັກໂທນິກຮວມໄປເຖິງ Power Bank ຄວນໃຊ້ຖັງດັບເພີງດັບໄຟດີກ່ວາການໃຊ້ນ້ຳດັບ ເພາະນ້ຳເປັນສື່ນຳໄຟຟ້າ ແລະ ອາດເຮັດໃຫ້ແບັດເຕີລີອີກກ້ອນຂອງ Power Bank ເກີດໄຟຟ້າລັດວົງຈອນ ແລະ ລະເບີດຄູນ 2 ເຊິ່ງເປັນອັນຕະລາຍຫຼາຍ