ທ່ອງທ່ຽວຕ່າງແດນ ກັບ ລາວໂພສຕ໌ວັນນີ້ ເຮົາຈະພາທ່ານມາທ່ຽວທີ່ Three Natural Bridges ປະເທດຈີນ ເຊິ່ງເປັນສະຖານທີ່ທີ່ເປັນອັນດັບ 1 ໃນສະຖານທີ່ທີ່ງາມທີ່ສຸດໃນໂລກ ເຫັນແລ້ວເກືອບລືມຫາຍໃຈ ເຊິ່ງຈະງາມ ແລະ ມະສະຈັນພຽງໃດນັ້ນເຮົາມາກັນເລີຍ
Three Natural Bridges ຫຼື ອຸດທະຍານແຫ່ງຊາກຫຼຸມຟ້າ 3 ຂົວສະຫວັນ 天生三橋 (ທຽນເຊິງຊ່ານສຽວ) ມໍລະດົກໂລກທາງທຳມະຊາດທີ່ມີຄວາມສວຍງາມຫຼາຍທີ່ສຸດແຫ່ງໜຶ່ງ ຕັ້ງຢູ່ເມື່ອງ ອູ່ຫຼົງ ນະຄອນສົງຊິ່ງ ປະເທດຈີນ ເກີດຈາກການຫຍຸບຕົວຂອງເປືອກໂລກ ເຮັດໃຫ້ເກີດເປັນຫຼຸມຂະໜາດໃຫຍ່ທີ່ເລິກປະມານ 300-500 ແມັດ ແລະ ມີບາງສ່ວນເປັນໂພ່ງທະລຸເໝືອນກັບຂົວເຊື່ອມຕໍ່ລະຫວ່າງພູເຂົາ
ການລົງໄປຫຼຸມຟ້າຈະຕ້ອງລົງລິບແກ້ວແຄມຜາ ຄວາມສູງກ່ວາ 80 ແມັດ ເຊິ່ງຈາກທີ່ລົງມາແລ້ວກໍ່ຕ້ອງຍ່າງໄປຕາມຂົວ ລະຫວ່າງທາງຍ່າງຈະມີຈຸດໜ້າສົນໃຈອີກຄືເຮືອນພັກເກົ່າແກ່ ເຊິ່ງເປັນຈຸດແວ່ພັກຂອງຄົນສະໄໝກ່ອນ ຕັ້ງຂຶ້ນໃນສະໄໝລາດຊະວົງຖັງ (ຄ.ສ 618-907) ເນື່ອງຈາກຫຸບເຂົານີ້ເປັນທາງລັດຈາກເສສວນໄປທີ່ເຫີນານ
ອຸດທະຍານແຫ່ງຊາດຫຼຸມຟ້າ ຈະມີຈຸດທີ່ຖືກເອີ້ນວ່າຂົວຢູ່ 3 ແຫ່ງດ້ວຍກັນ ຄື
1.Tianlong Bridge (天龙桥) ເປັນຂົວທີ່ຢູ່ໃກ້ກັບເຮືອນພັກບູຮານຄວາມສູງ 235 ແມັດ ມີລັກສະນະເປັນໂພ່ງທະລຸ ກັບຝາຜະໜັງຖ້ຳມີການແກະສະລັກລວດລາຍສວຍງາມ
2.Qinglong Bridge (青龙桥) ລັກສະນະເປັນໂພ່ງຍາວ ມີແມ່ນນ້ຳນ້ອຍໄຫລຜ່ານ ຄວາມສູງ 281 ແມັດ
3.Heilong Bridge (黑龙桥) ຂົວາຸດທ້າຍຢູ່ໃນສວນທີ່ແຄບທີ່ສຸດຈ່ງເຮັດໃຫ້ມີຄວາມມືດມິດ ຄວາມສູງ 223 ແມັດ
ນອກຈາກນັ້ນຍັງມີນ້ຳຕົກຫຸບຜາສະຫວັນ ນ້ຳຕົກສາຍນ້ອຍໃຫຍ່ທີ່ໄຫລມາຈາກຮອຍແຍກຫຸບເຂົາ ຕາມຮອຍເລື່ອນຂອງເປືອກໂລກທີ່ແຍກອອກຈາກກັນ ລົງມາໃສ່ກັນທີ່ເບື້ອງລຸ່ມເປັນບຶງມໍລະກົດສີຂຽວ
ດ້ວຍຄວາມງາມ ແລະ ໜ້າຕື່ນຕາຕື່ນໃຈນີ້ເອງ ຈິ່ງເຮັດໃຫ້ຖືກໃຊ້ເປັນສະຖານທີ່ຖ່າຍຮູບເງົາຟອມຍັກເຊັ່ນ: Curse of Golden Flower, Transformer 4
