ບໍລິສັດ SanDisk ໄດ້ປະກາດເປີດໂຕແຟລັດໄດຣ໌ Ultra Dual Drive USB Type-C ລຸ້ນໃໝ່ຫຼ້າສຸດໃນງານ Computex 2016.
ສຳລັບ Ultra Dual Drive USB Type-C ນັ້ນຈະມີ 2 ດ້ານໃຫ້ເລືອກໃຊ້ຄື: ດ້ານໜຶ່ງເປັນແບບ USB Type-C ໄວ້ເຊື່ອມຕໍ່ກັບສະມາດໂຟນ ຫຼື ແທັບເລັດທີ່ຮອງຮັບ OTG ແລະ ອີກດ້ານໜຶ່ງເປັນແບບ USB Type-A ຫຼື USB 3.1 (Gen 1) ໄວ້ສຳລັບເຊຶ່ອມຕໍ່ກັບ PC, ແລັບທ໋ອບ ແລະອຸປະກອນອື່ນໆ.
https://youtu.be/TUa3Sglti8U
ໃນດ້ານຂອງໂຕແຟລັດໄດຣ໌ ແມ່ນໄດ້ອອກແບບໃຫ້ສາມາດມ້ຽນເກັບໄວ້ໄດ້ເຮັດໃຫ້ມີຄວາມປອດໄພຫຼາຍຂຶ້ນ, ສຳລັບຂະໜາດແມ່ນ 9.4 x 38.10 x 20.07 ມມ ແລະ ໜັກ 9.1ກຣາມ. ສ່ວນຄວາມໄວໃນກາານອ່ານຂໍ້ມູນແມ່ນ 150 MB/s (ສະເພາະລຸ້ນ 16 GB ຄວາມໄວຈະຢູ່ພຽງ 130 MB/s). ໂດຍທາງ SanDisk ຍັງມີແອັບ SanDisk Memory Zone ໄວ້ໃຫ້ໃຊ້ສຳລັບສະມາດໂຟນເພື່ອງ່າຍໃນຈັດການຂໍ້ມູນຕ່າງໆອີກນຳ.
ສຳລັບ SanDisk Ultra Dual Drive USB Type-C ນັ້ນມີ 4 ລຸ້ນໃຫ້ເລືອກແລະລາຄາກໍແຕກຕ່າງກັນອອກໄປດັ່ງນີ້:
– ລຸ້ນ 16GB ລາຄາ $19.99 (160.000 ກີບ)
– ລຸ້ນ 32GB ລາຄາ $29.99 (240.000 ກີບ)
– ລຸ້ນ 64 GB ລາຄາ $39.99 (325.000 ກີບ)
– ລຸ້ນ 128 GB ລາຄາ $69.99 (670.000 ກີບ)
ນອກຈາກນີ້ແລ້ວສິນຄ້າຍັງຮັບປະກັນ 5 ປີຫຼັງຈາກທີ່ຊື້, ສ່ວນສິນຄ້ານັ້ນຈະເລີ່ມວາງຂາຍຜ່ານທາງ Amazon ແລະຮ້ານຄ້າໂຕແທນຈຳໜ່າຍໃນທົ່ວໂລກ.
ທີ່ມາ:fonearena