ການສອບເສັງຈົບຊັ້ນມັດທະຍົມສົກຮຽນນີ້ກະຊວງສຶກສາທິການ ແລະ ກີລາ ເນັ້ນເຄັ່ງຄັດກ່ຽວກັບຫົວບົດສອບເສັງໂດຍໄດ້ມີການປັບປຸງຂະບວນການບໍລິຫານ ແລະ ຮັກສາຫົວບົດສອບເສັງເພື່ອຫຼີກເວັ້ນບັນຫາຊ້ຳຮອຍຫົວບົດຮົ່ວປີແລ້ວ ຊຶ່ງປີນີ້ການສອບເສັງຈະເລີ່ມຂຶ້ນກາງເດືອນນີ້ໂດຍທົ່ວປະເທດມີນັກສອບເສັງທັງໝົດ 94,7 ພັນຄົນ ໃນຊັ້ນ ມ.4 ແລະ ມ.7.
ທ່ານ ນາງ ສີສຸກ ວົງວິຈິດ ຫົວໜ້າກົມມັດທະຍົມກະຊວງສຶກສາທິການ ແລະກີລາໃຫ້ສຳພາດຕໍ່ສື່ມວນຊົນວັນທີ 31 ພຶດສະພາຜ່ານມາໃຫ້ຮູ້ວ່າ: ສຳລັບການສອບເສັງຈົບຊັ້ນມັດທະຍົມຕອນຕົ້ນ ແລະປາຍທັງພາກລັດ ແລະ ເອກະຊົນໃນທົ່ວປະເທດແມ່ນໄດ້ແນະນຳລະບຽບການສອບເສັງ ແລະ ວິທີການຈັດຕັ້ງປະຕິບັດການສອບເສັງໃຫ້ທຸກ ແຂວງເພື່ອເປັນເອກະພາບກັນໃນການຈັດຕັ້ງປະຕິບັດກະກຽມສະຖິຕິນັກສອບເສັງເຊັ່ນ: ບຸກຄະລາກອນ, ອາຄານສະຖານທີ່ສູນສອບເສັງ ແລະກະກຽມຫົວບົດສອບເສັງໃຫ້ມີຄຸນນະພາບ ແລະກວມເອົາເນື້ອໃນສຳ ຄັນຂອງຫຼັກສູດ.
ການສອບເສັງສົກຮຽນ 2015-2016 ນີ້ ມີນັກສອບເສັງທັງໝົດ 94.774 ຄົນ, ຍິງ 44.944 ຄົນ ມີ 663 ສູນສອບເສັງ ແລະ 4.343 ຫ້ອງ ສອບເສັງ ຖ້າທຽບໃສ່ສົກຮຽນຜ່ານມາ 2014-2015 ຈຳນວນນັກສອບເສັງ ເພີ່ມຂຶ້ນ 5.551 ຄົນ ສູນສອບເສັງເພີ່ມ ຂຶ້ນ 220 ສູນ, ຫ້ອງສອບເສັງເພີ່ມຂຶ້ນ 366 ຫ້ອງ.
ໃນນັ້ນ ສຳລັບຊັ້ນມັດທະຍົມຕອນຕົ້ນ (ມ.4) ແມ່ນຈະເລີ່ມຂຶ້ນລະຫວ່າງວັນທີ 14-16 ມິຖຸນາ ເສັງທັງໝົດ5 ວິຊາພາ ສາລາວ-ວັນນະຄະດີ, ຄະນິດສາດ, ສຶກ ສາພົນລະເມືອງ, ວິທະຍາສາດທຳມະ ຊາດ ແລະວິທະຍາສາດສັງຄົມໂດຍມີ ນັກຮຽນສອບເສັງທັງໝົດ 11.976 ຄົນ, ຍິງ 5.930 ຄົນມີສູນສອບເສັງ ມີ28 ສູນສອບເສັງ ແລະ600 ຫ້ອງ.
ສ່ວນຊັ້ນມັດທະຍົມຕອນປາຍ (ມ.7) ແມ່ນຈະເລີ່ມສອບເສັງວັນທີ 21-22 ມິຖຸນາໂດຍຈະສອບເສັງ 4 ວິ ຊາວິຊາພາສາລາວ-ວັນນະຄະດີ, ຄະ ນິດສາດ, ຊີວະວິທະຍາ ແລະປະຫວັດ ສາດ, ຊຶ່ງມີນັກສອບເສັງທັງໝົດ 58.091 ຄົນ,ຍິງ26.982 ຄົນ, ມີ 271 ສູນສອບ ເສັງ ແລະ2.785 ຫ້ອງ ຖ້າທຽບໃສ່ປີ ຜ່ານມາເພີ່ມຂຶ້ນ 4.347 ຄົນ ສູນສອບ ເສັງເພີ່ມຂຶ້ນ 30 ສູນ ແລະຫ້ອງສອບ ເສັງເພີ່ມຂຶ້ນ 365 ຫ້ອງ.
ແນວໃດກໍດີທ່ານຫົວໜ້າກົມຍັງເນັ້ນໃຫ້ຮູ້ຕື່ມອີກວ່າ: ເພື່ອເຮັດໃຫ້ການສອບເສັງຈົບຊັ້ນມັດທະຍົມສຶກສາໃນທົ່ວປະ ເທດມີຄວາມໂປ່ງໃສທາງກະຊວງໄດ້ມີມາດຕະການ ແລະສ້າງນິຕະກຳກ່ຽວກັບລະບຽບການສອບເສັງພ້ອມທັງໄດ້ ຈັດຕັ້ງເຜີຍແຜ່ລະບຽບດັ່ງກ່າວໃຫ້ທຸກ ແຂວງ ແລະນະຄອນຫຼວງມີຄວາມເຂົ້າ ໃຈເປັນເອກະພາບໃນການຈັດຕັ້ງປະຕິບັດ, ປັບປຸງຂະບວນການບໍລິຫານ ການສອບເສັງ ແລະຮັກສາຫົວບົດສອບເສັງໂດຍຄູຍາມປະຈຳຫ້ອງ ແລະນັກ ຮຽນແມ່ນບໍ່ໃຫ້ໃຊ້ໂທລະສັບໃນເວລາ ສອບເສັງ ນອກນີ້ຍັງຮ່ວມມືກັບກະຊວງ ປກສ ແລະກະຊວງໄປສະນີໂທລະຄົມ ແລະການສື່ສານ ເພື່ອປຶກສາຫາລືວິທີ ການຕ້ານ ແລະສະກັດກັ້ນປາກົດການ ຫຍໍ້ທໍ້ທີ່ອາດເກີດຂຶ້ນໃນໄລຍະສອບເສັງ ເພື່ອ ເປັນການເຄັງຄັດຕິດຕາມເຄື່ອນ ໄຫວ່ຂອງກຸ່ມຄົນບໍ່ຫວັງດີທີ່ປອມແປງ ຫົວບົດສອບເສັງຖ້າຫາກຈັບ ໄດ້ແມ່ນ ຖືກປະຕິບັດຕາມລະບຽບກົດໝາຍຢ່າງເດັດຂາດ.
ທີ່ມາ: 