ຖືວ່າເປັນບາດກ້າວໃໝ່ຂອງວົງການທຸລະກິດໃນນະຄອນຫຼວງວຽງຈັນ ທີ່ 6 ບໍລິສັດຊັ້ນນຳໂດຍມີພື້ນຖານດ້ານເສດຖະກິດ ແລະມີຊື່ສຽງໂດ່ງດັງຂອງຕ່າງປະເທດໄດ້ຕົກລົງເລືອກເອົາສູນການຄ້າວຽງຈັນເຊັນເຕີເປັນບ່ອນດຳເນີນທຸລະກິດ ແລະໄດ້ຮ່ວມລົງນາມເຊັນສັນຍາຢ່າງເປັນທາງການໃນວັນທີ 30 ພຶດສະພາ 2016 ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ.
ທ່ານ ຫວູ ຊັ່ງ ຫົ່ວ ໃນນາມຮຸ້ນສ່ວນສູນການຄ້າວຽງຈັນເຊັນເຕີ ຝ່າຍລາວກ່າວວ່າ: ການເຊັນສັນຍາຂອງບັນດາ 6 ບໍລິສັດຊັ້ນນຳ ແລະມີຊື່ສຽງຂອງຕ່າງປະເທດເປັນຕົ້ນແມ່ນ ບໍລິສັດ APSTAR, ບໍລິສັດ China International Water & Electric Corp, ບໍລິສັດ AVIC INTL, ບໍລິສັດ ZTE, ບໍລິສັດ BhipLao Sole Co., LTD, DQ ກະແລັມ ໄດລີ ຄຣີນ (DQ) ຊຶ່ງເປັນເຄື່ອງໝາຍບົ່ງບອກເຖິງການພັດທະນາ ແລະເປີດກວ້າງຂອງພວກເຮົາ, ທີ່ສາມາດດຶງດູດການລົງທຶນເຂົ້າໃນການພັດທະນາໃນໄລຍະໃໝ່, ພ້ອມກັນນັ້ນກໍເປັນການບົ່ງບອກເຖິງຄວາມເຊື່ອໝັ້ນທີ່ລູກຄ້າໄວ້ວາງໃຈ ແລະຕັດສິນໃຈເຂົ້າມາຮ່ວມລົງທຶນຢູ່ທີ່ສູນການຄ້າວຽງຈັນເຊັນເຕີ ແລະສິ່ງເຫຼົ່ານັ້ ນກໍເປັນໂສມໜ້າໃໝ່ຂອງການພັດທະນາຂອງນະຄອນຫຼວງວຽງຈັນກໍຄື ສູນການຄ້າວຽງຈັນ ເຊັນເຕີ ໂດຍທາງພວກເຮົາເຊື່ອວ່າ ການເຊັນສັນຍາໃນຄັ້ງນີ້ແມ່ນຈຸດເລີ່ມຕົ້ນຂອງການຮ່ວມມື ແລະພວກເຮົາຈະໃຊ້ຄວາມພະຍາຍາມຢ່າງສູງສຸດ, ພ້ອມທັງໃຫ້ການສະໜັບສະໜູນຢ່າງສຸດກົກສຸດປາຍໃນການໃຫ້ການຊີ້ແນະຢ່າງໃກ້ຊິດບໍ່ໃຫ້ຂາດຕົກບົກພ່ອງ, ບໍ່ເປັນການແຊກແຊງ ແລະຊ່ວຍເຮັດໃຫ້ບໍລິສັດຫຼຸດຜ່ອນຕົ້ນທຶນ ແຕ່ປະສິດທິຜົນສູງທີ່ສຸດພ້ອມທັງມີພົນກຳໄລໄວທີ່ສຸດ.
ຮ່ວມລົງນາມໃນສັນຍາເທື່ອນີ້ ມີທ່ານ ຫຼີ ຊ໋ຽວ ຕົ່ງ ຜູ້ອຳນວຍການບໍລິສັດພັດທະນາສູນເສດຖະກິດການຄ້າຄົບວົງຈອນໜອງຈັນຕອນເໜືອ ຈຳກັດ ທ່ານ ດວງດີ ພັນດານຸວົງ ຮອງຜູ້ອຳນວຍການບໍລິສັດ APSTAR, ທ່ານ ຫວ້າງ ເມີງເທ້ ບໍລິສັດ China International Water & Electric Corp, ທ່ານ ຈ້ານຫົງ ຫຍວນ ບໍລິສັດ AVICINTL, ທ່ານ ລີ້ຈຽງ ບໍລິສັດ ZTE, ທ່ານ Michael shafel ຈາກບໍລິສັດ BhipLao Sole Co., LTD ແລະທ່ານ Mattieu ຈາກ (DQ) ກະແລັມ ໄດລີຄຣີນ.
ທີ່ມາ: