ສຳນັກຂ່າວຊິນຫົວຂອງຈີນ ລາຍງານໃນວັນທີ 28 ພຶດສະພາຜ່ານມານີ້ວ່າ ເມື່ອວັນສຸກທີ 27 ພຶດສະພາ 2016 ໄດ້ມີການເປີດນຳໃຊ້ ຂົວອູ່ເຊື່ອມຕໍ່ລະຫວ່າງ ເກາະຊວງອີ໋ ແລະ ແຜ່ນດິນໃຫຍ່ຂອງຈີນ ໃນເມືອງຈາງໂຈ ແຂວງຟູຈ້ຽນ ເຮັດໃຫ້ມີນັກທ່ອງທ່ຽວ ຫລັ່ງໄຫລກັນຂ້າມຂົວດັ່ງກ່າວ ເພື່ອເຂົ້າທ່ຽວຊົມເກາະຊວງອີ໋ ຊຶ່ງເປັນເກາະຂະໜາດໃຫຍ່ ທີ່ສ້າງຂຶ້ນໂດຍຝີມືຂອງມະນຸດ.
ເກາະຊວງອີ໋ ຕັ້ງຢູ່ບໍລິເວນເຂດພັດທະນາເສດຖະກິດ ແລະ ເຕັກໂນໂລຊີ ເມືອງຈາງໂຈ ແຂວງຟູຈ້ຽນ ເລີ່ມກໍ່ສ້າງໃນປີ 2010 ໂດຍມີພື້ນທີ່ທັງໝົດປະມານ 2.2 ຕາລາງກິໂລແມັດ ໃຊ້ເງິນລົງທຶນທັງໝົດ 3.5 ຕື້ຢວນ, ປັດຈຸບັນ ກຳລັງກໍ່ສ້າງສະຖານທີ່ທ່ອງທ່ຽວ, ອາຄານການຄ້າ ແລະ ສະຖານທີ່ພັກອາໄສ ສຳລັບຜູ້ປະກອບການ ທີ່ຈະເຂົ້າໄປດຳເນີນທຸລະກິດ ພາຍໃນເກາະດັ່ງກ່າວ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!