spot_img
Home​ຂ່າວທ່ອງທ່ຽວໝູ່ບ້ານຊົນເຜົ່າ ແຂວງ ຈຳປາສັກ

ໝູ່ບ້ານຊົນເຜົ່າ ແຂວງ ຈຳປາສັກ

Published on

ທ່ອງທ່ຽວກັບລາວໂພສຕ໌ວັນນີ້ ເຮົາຈະພາທຸກທ່ານມາທ່ຽວທີ່ແຂວງຈຳປາສັກ ເຊິ່ງສະຖານທີ່ທີ່ເຮົາຈະໄປທ່ຽວວັນນີ້ແມ່ນ ໝູບ້ານຊົນເຜົ່າ ແຂວງ ຈຳປາສັກ

85.1

ການເດີນທາງ: ອອກຈາກຕົວເມືອງ ປາກເຊ ປະມານ 40 ກິໂລແມັດ ຂັບລົດໄປຕາມເສັ້ນທາງເລກ 13 ຈະຜ່ານທາງແຍຫໄປຄອນພະເພັງຈຸດຫຼັກ ກມ.ທີ 8 (ບໍ່ຕ້ອງລ້ຽວ) ຂັບໄປສື່ໆຕາມຫຼັກ ກມ.ທີ 21 ໃຫ້ລ້ຽວຊ້າຍມືໄປອີກ 3 ກມ. ກໍ່ຈະເຖິງບໍລິເວນອຸກທະຍານບາຈຽງ ນ້ຳຕົກຕາດຜາສ້ວມ

ສະຖານທີ່ທ່ຽວແຫ່ງນີ້ກິດຈະການແມ່ນເປັນຂອງທ່ານ ວິມົນ ກິດບຳລຸງ (ຄົນໄທ) ທີ່ແຕ່ງງານກັບສາວລາວ ແລະ ໄດ້ມີຄວາມຫຼົງໄຫຼໃນມົນສະເໜ່ຂອງເມືອງລາວໂດຍສະເພາະແມ່ນສະຖານທີ່ນີ້ ລາວເລີຍມີການສ້າງສະຖານທີ່ແຫ່ງນີ້ຂຶ້ນມາໃຫ້ກາຍເປັນບ່ອນທ່ອງທ່ຽວທີ່ສວຍງາມແລະສຳຄັນຂອງແຂວງຈຳປາສັກ ແລະ ຍັງລວບລວມຊົນເຜົ່າຕ່າງໆເຂົ້າມາໄວ້ເຖິງທີ່ນີ້ເຖິງ 8 ຊົນເຜົ່າ

1353770392 1354 1355.1

ໝູ່ບ້ານຊົນເຜົ່າເປັນສ່ວນໜຶ່ງຂອງອຸດທະຍານບາຈຽງ ເຊິ່ງຢູ່ບໍ່ໄກຈາກນ້ຳຕົກຜາສ້ວມ ແລະ ນ້ຳຕົກແກ່ງສົ້ມແມວ ພາຍໃນໂຄງການໄດ້ຮວບຮວມໝູ່ບ້ານບູຮານຫຼາຍຊົນເຜົ່າທີ່ມີເອກະລັກເຫຼືອຢູ່ເຊັ່ນ: ເຮືອນເຜົ່າກະລ່ຽງ, ເຮືອນເຜົ່າອາລັກ, ເຮືອນເຜົ່າ ກະຕູ, ເຮືອນເຜົ່າລະແວ, ເຮືອນເຜົ່າຕະໂອ່ຍ, ເຮືອນເຜົ່າຍະເຫີນ, ເຮືອນເຜົ່າແງະ, ພ້ອມທັງຈັກພິພິດທະພັນຊົນເຜົ່າໄວ້ອີກດ້ວຍ ບ້ານພັກຂອງໂຄງການຖືກດັດແປງ ຈາກບ້ານຕົ້ນແບບຂອງຊົນເຜົ່າ ໄວ້ຕ້ອນຮັບນັກທ່ອງທ່ຽວ

ໜ້າທາງເຂົ້າອຸດທະຍານຊົນເຜົ່າທ່ານຈະເຫັນ

146.2

146.1

146.3

ຕາມທາງຍ່າງເຂົ້າໄປຮົ່ມເຢັນສວຍງາມ ທັງສອງຝາກທາງປະດັບດ້ວຍກົກໜໍ່ສາງໄພ ແລະ ຕົ້ນດອກໄມ້

145.4

ເຮືອນຊົນເຜົ່າຫຼັງທຳອິດທີ່ເຮົາຈະພາໄປເບິ່ງແມ່ນເຮືອນຊົນເຜົ່າ ກະລຽງ ຫຼັງຄາຈະເປັນຮູບໂຄ້ງມົນ ຊົນເຜົ່ານີ້ມີການຕ່ຳຜ້າພື້ນເມືອງເປັນຫຼັກ

ເຮືອນຊົນເຜົ່າ ອາລັກ ຈະສູງຂຶ້ນເລັກໜ້ອຍມີຂັນໄດຂຶ້ນເຮືອນ ຫຼັງຄາມີລັກສະນະຄ້າຍກາແລ ຕົ້ນເສົາໜ້າເຮືອນມີການແກະສະຫັກ ແລະ ມີການຕ່ຳຜ້າເຊັ່ນດຽວກັນ

ເຮືອນເຜົ່າກະຕູ ແມ່ນຈະທະນັດໃນການຫຼິ້ນດົນຕີ ແລະ ຮັດຂອງຫຼິ້ນຈາກໄມ້ ນົກທີ່ເອົາມາຕັ້ງໄວ້ເທິງດັງ ຜູ້ຊາຍຊົນເຜົ່ານີ້ສາມາດມີເມຍໄດ້ຫຼາຍຄົນ ແຕ່ຈະມີໄດ້ນັ້ນຕ້ອງແມ່ນເມຍຫຼວງໄປສູ່ຂໍໃຫ້ເທົ່ານັ້ນ

ເຮືອນຊົນເຜົ່າລະແວ ເປັນເຮືອນຍົກພື້ນສູງ ຈະມີການເຈາະປ່ອງໄວ້ຕາມຝາເຮືອນຂະໜາດພໍມືລອດໄດ້ ຈະເຈາະໄວ້ຢູ່ບໍລິເວນເຮືອນລູກສາວ ຊ່ອງນີ້ມີໄວ້ໃຫ້ຊາຍໜຸ່ມຈົກມີຫາຍິງສາວ ເປັນປະເພນີ ກິ້ງຄົກຈົກສາວ

123.1

ເຮືອນເສົາດຽວຂອງເຜົ່າລະແວ ເຮືອນນີ້ເຂົາບອກໄວ້ວ່າມີໄວ້ສຳລັບເປັນຫໍເຝົ້າລະວັງ ຫຼື ໄວ້ສຳລັບຕ້ອນຮັບແຂກ ແລະ ໄວ້ສຳລັບໜຸ່ມສາວເຜົ່າລະແວທຳຄວາມຮູ້ຈັກຄຸ້ນເຄີຍກັນປະມານ 2-3 ວັນ ໂດຍຕ້ອງບໍ່ລ່ວງເກີນກັນ ຖ້າຈະຕົກລົງປົງໃຈແຕ່ງານກັຍຕ້ອງຢູ່ເຮືອນຫຼັງນີ້ດ້ວຍກັນສາມວັນສາມຄືນກ່ອນແຕ່ງງານ

8.22

ເຜົ່າຕະໂອຍ ຊົນເຜົ່ານີ້ພາສາທີ່ໃຊ້ຈະບໍ່ມີວັນນະຍຸດ ແລະ ລັກສະນະນ້ຳສຽງເປັນພາສາໃນຕະກູນເຜົ່າກະຕູ ທີ່ມີການປ່ຽນແປງຈາກພາສາກະຕູບູຮານຫຼາຍກ່ວາພາສາອື່ນໆ ພະຍັນຊະນະຕົ້ນມີທັງໝົດ 19 ສຽງ

exita4428

ເຮືອນເຜົ່າຍຍະເຫີນ (ຕອນນີ້ຍັງບໍ່ມີຂໍ້ມູນ)

ເຮືອນເຜົ່າແງະ (ຕອນນີ້ຍັງບໍ່ມີຂໍ້ມູນ)

896.1

ການສະແດງສີລະປະຂອງຊົນເຜົ່າ

85.2

ການທ່ອງທ່ຽວຍັງອີກຍາວໄກ ແລະ ໂອກາດໜ້າເຮົາຈະໄປທ່ຽວສະຖານທີ່ໃດນັ້ນຕ້ອງຕິດຕາມຕອນຕໍ່ໄປ

ທີ່ມາຂໍ້ມູນ: http://www.annaontour.com/

 

 

ບົດຄວາມຫຼ້າສຸດ

ຫຼາຍເພຈໃນລາວຖືກແອບອ້າງ!

ເຕືອນໄພ! ທາງສື່ສັງຄົມອອນລາຍ ປັດຈຸບັນໄດ້ມີກຸ່ມຄົນບໍ່ດີ ຫຼື ມິດສາຊີບ ພະຍາຍາມສ້າງເພຈປອມຂອງສຳນັກຂ່າວຕ່າງໆຂຶ້ນຫຼາຍ. ເມື່ອ 2 ອາທິດທີ່ຜ່ານມານີ້, ຜູ້ນຳໃຊ້ສື່ສັງຄົມອອນລາຍພົບເຫັນເພຈປອມທີ່ແອບອ້າງເປັນເພຈຂອງສຳນັກຂ່າວເພື່ອຍິງໂຄສະນາຂາຍສິນຄ້າຕ່າງໆ ໂດຍໄດ້ນຳໃຊ້ໂລໂກ້, ພາບໜ້າປົກ, ຂໍ້ມູນຂ່າວລົງໃນເພຈປອມເພື່ອໃຫ້ຜູ້ອ່ານເຊື່ອຖື ຫຼັງຈາກນັ້ນແມ່ນຍິງໂຄສະນາ ແລະ...

ພະຍາກອນອາກາດ ເຊົ້າວັນທີ 28 ເມສາ 2025

ພາກເໜືອ-ພາກກາງກຽມຮັບມື ສະພາບອາກາດຮ້ອນ-ຮ້ອນເອົ້າ ອຸນຫະພູມສູງສຸດ 40 ອົົງສາ ຄວາມກົດດັນຕ່ຳຂອງອາກາດຮ້ອນຈະປົກຄຸມຢູ່ທົ່ວທຸກພາກຂອງ ປະເທດລາວ ດ້ວຍກໍາລັງອ່ອນ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ອາກາດຮ້ອນຫາຮ້ອນເອົ້າ ແລະ ຈະມີຝົນຕົກຟ້າຮ້ອງ, ຟ້າເຫລື້ອມໃນລະດັບຄ່ອຍຫາປານກາງພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກຕື່ມອີກ. ພະຍາກອນອາກາດ ແຕ່ເວລາ 07...

ໂຫດຮ້າຍ! ຊາຍຊາວຈີນຖືກປະຕິເສດຮ່ວມຮັກກັບສາວປະເພດສອງຈຶ່ງລົງມືຄາຕະກຳສຸດໂຫດ

ຊາຍຊາວຈີນກໍ່ເຫດຄາຕະກຳສາວປະເພດສອງຢ່າງໂຫດຫ້ຽມ ທີ່ຈັງຫວັດຊົນບູລີ ປະເທດໄທ ສຳນັກຂ່າວຕ່າງປະເທດລາຍງານໃນວັນທີ 26 ເມສາ 2025, ເຈົ້າໜ້າທີ່ຕຳຫຼວດເມືອງພັດທະຍາ  ໄດ້ຮັບແຈ້ງເຫດຄາຕະກຳ ພາຍໃນອາພາດເມັ້ນແຫ່ງໜຶ່ງ ຢູ່ອຳເພີບາງລະມຸງ ຈັງຫວັດຊົນບູລີ ຫຼັງໄດ້ຮັບແຈ້ງລາຍງານ ຈຶ່ງນຳກຳລັງກອງພິສູດຫຼັກຖານ ແລະ...

ນາຍົກລັດຖະມົນຕີ ແຫ່ງ ສປປ ລາວ ຕ້ອນຮັບ ປະທານປະເທດ ແຫ່ງ ສສ ຫວຽດນາມ

ນາຍົກລັດຖະມົນຕີ ພົບປະກັບ ປະທານປະເທດ ແຫ່ງ ສສ ຫວຽດນາມ ໃນຕອນບ່າຍວັນທີ 25 ເມສາ 2025 ຢູ່ຫ້ອງວ່າການສໍານັກງານນາຍົກລັດຖະມົນຕີ, ສະຫາຍ ສອນໄຊ ສີພັນດອນ ນາຍົກລັດຖະມົນຕີ...