spot_img
Homeຂ່າວການສຶກສາອະນຸບານ​ສາທາ​ຈັດ​ກິດຈະກຳ​ຕ້ອນຮັບ​ວັນ​ທີ 1 ມີ​ຖຸນາ ດ້ວຍ​ບັນຍາກາດ​ມ່ວນ​ຊື່ນ

ອະນຸບານ​ສາທາ​ຈັດ​ກິດຈະກຳ​ຕ້ອນຮັບ​ວັນ​ທີ 1 ມີ​ຖຸນາ ດ້ວຍ​ບັນຍາກາດ​ມ່ວນ​ຊື່ນ

Published on

ເນື່ອງ​ໃນ​ໂອກາດ​ວັນ​ເດັກນ້ອຍ​ສາກົນ ແລະ ວັນ​ປູກ​ຕົ້ນ​ແຫ່ງ​ຊາດ​ວັນ​ທີ 1 ມີ​ຖຸນາ ທີ່​ຈະ​ມາ​ເຖິງ​ທາງ​ໂຮງຮຽນ​ອະນຸບານ​ສາທາລະນະ​ສຸກ ​ໄດ້​ຈັດ​ກິດຈະ ກຳ​ເພື່ອ​ຕ້ອນຮັບ​ວັນ​ດັ່ງກ່າວ​ຄື: ກວດ​ສຸຂະພາບ​ໃຫ້​ເດັກ ​ແລະ ແຂ້ວ​ປະຈຳ​ປີ, ຈັດການ​ແຂ່ງ ຂັນ​ກິລາ ​ແລະ ສີ​ລະ​ປະ ​ໃຫ້​ເດັກ​ພາຍ​ໃນ​ແຕ່​ລະ​ຊັ້ນ​ຮຽນ ການ​ແຂ່ງຂັນ​ກິລາ, ສິລະ​ປະ​ເດັກ ​ແຕ່ລະ​ຊັ້ນ​ຮຽນ​ມີ​ຄື: ຄານ​ລອດ​ບ້ວງ​ແລ່ນ​ເອົາ​ປຸມ​ເປົ້າ, ​ເກັບ​ບານ​ໃສ່​ກະຕ່າ, ພາຍ​ເຮື​ອບົກ, ​ແຍກ​ສີ, ​ແລ່ນ​ລົດ​ໄຟ, ​ແລ່ນ​ໄຖ, ​ເປົ່າ​ປຸມ​ເປົ້າ, ​ແລ່ນ​ຊິກ​ແຊ໋ກ, ຕັງ​ປາ, ​ແຂ່ງຂັນ​ຢຽບ​ປຸມ​ເປົ້າ ​ແລະ ການ​ແຂ່ງຂັນ​ສິລະ​ປະ​ບົດ​ຟ້ອນ ແລະ ການ​ເດີນ​ແບບ​ຂອງ​ຊຸດ​ພື້ນ​ເມືອງ ​ແລະ ອື່ນໆ​ຂື້ນ ໃນ​ວັນ​ທີ 27 ພຶດສະພາ​ນີ້​ທີ່​ໂຮງຮຽນ​ດັ່ງກ່າວ ​ໂດຍ​ມີ​ຄູ-ອາ ຈານ, ພ້ອມ​ດ້ວຍ​ບັນດາ​ຫລານ​ນ້ອຍ, ຜູ້​ປົກຄອງ​ເຂົ້າ​ຮ່ວມ.

ອຳນວຍ​ການ​ອະນຸບານ​ດັ່ງກ່າວ​ ​ໃຫ້​ຮູ້​ວ່າ: ການ​ຈັດ​ກິດ ຈະກຳ​ຄັ້ງ​ນີ້​ເປັນ​ການ​ຕ້ອນຮັບ​ວັນເດັກນ້ອຍ​ສາກົນ ພ້ອມ​ທັງ​ເປັນ​ວັນ​ປູກ​ຕົ້ນ​ໄມ້​ແຫ່ງ​ຊາດ ນອກ​ນີ້​ຍັງ​ເປັນ​ການ​ສົ່ງ​ເສີມ​ສຸ ຂະພາບ​ເດັກ​ໃນ​ໂຮງຮຽນ​ໃຫ້​ຖືກ ຕ້ອງ​ຕາມ​ແນວທາງ​ນະ​​ໂຍບາຍ​ຂອງ​ພັກ-ລັດ ​ປະຕິບັດ​ໄດ້​ຕາມ 5 ຫລັກການ​ສຶກສາ​ຂອງ​ກະຊວງ​ສຶກສາ​ທິການ ແລະ ກິລາວາງ​ອອກ, ການ​ປະຕິບັດ​ວຽກ​ງານ​

ສຶກສາ​ອົບຮົມ​ໃຫ້​ພະນັກງານຄູ- ອາຈານ ມີ​ແນວ​ຄິດ​ໜັກ​ແໜ້ນ, ຮັກ​ອາຊີບ​ຄູ ແລະ ມີ​ແບບ​ແຜນ​ວິທີ​ເຮັດ​ວຽກ​ທີ່​ດີ, ມີ​ຄວາມ​ສາ ມັກ ຄີ​ກ້ວາງ​ຂວາງ​ເຮັດ​ຫລ້ອນ​ໜ້າທີ່ ​ແລະ ວຽກ​ງານ​ວິຊາ​ສະ​ເພາະ​ໄດ້​ປັບປຸງການ​ຮຽນ-ການ​ສອນນຳ​ໃຊ້​ຫລັກສູດ​ຊັ້ນ​ອະນຸ ບານ​ສຶກສາສະບັບ​ປັບປຸງ​ໃໝ່​ໃຫ້​ສອດຄ່ອງ​ກັບ​ການ​ສຶກສາ​ຊັ້ນ​ອະ ນຸບານ​ໃນ​ປັດຈຸບັນ, ພ້ອມ​ທັງ​ເອົາ​ໃຈ​ໃສ່​ຍົກ​ສູງ​ການ​ບໍລິຫານ​ຫຼານ​ນ້ອຍ​ໃຫ້​ໄດ້​ດີ​ໃຫ້​ເປັນ​ທີ່​ຍອມຮັບ​ຂອງ​ສັງຄົມ, ສືບຕໍ່​ຕິດຕາມ​ການ ຈະ​ເລີ​ນ​ເຕີບ​ໂຕ ແລະ ​ໂພຊະ​ນາ​ການ​ເດັກ​ໃຫ້​ຖືກ ຕ້ອງ.

​ໂຮງຮຽນ​ອະນຸບານ​ແຫ່ງ​ນີ້ ພາຍ​ໃຕ້ການ​ຄຸ້ມ​ຄອງ​ຊີ້​ນຳ​ຂອງ​ກະຊວງ​ສາທາລະນະ​ສຸກ, ຕັ້ງ​ຢູ່​ບ້ານ​ເກົ້າ​ຍອດ ​ເມືອງ​ສີ​ສັດຕະ​ນາກ ນະຄອນຫລວງ​ວຽງ​ຈັນ, ສ້າງ​ຕັ້ງ​ຂຶ້ນ​ໃນ​ປີ 1976, ປັດຈຸບັນ​ມີ​ພະນັກງານ​ທັງ​ໝົດ 35 ຄົນ, ​ໃນ​ນັ້ນ​ຄູ​ສອນ 23 ຄົນ. ແຕ່ລະ​ປີ​ຮັບ​ນັກຮຽນ​ປະມານ 400 ຄົນ, ​ໃນ​ນີ້ 80% ​ແມ່ນ​ລູກ​ຫລານ​ຂອງ​ພະນັກງານ​ກະຊວງ​ສາທາລະນະ​ສຸກ.

ທີ່ມາ http://laophatthananews.blogspot.com/2014/05/1_28.html

ບົດຄວາມຫຼ້າສຸດ

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...

ເກີດຂຶ້ນ 1 ໃນ 8 ລ້ານ ຕ້ອງໄດ້ທຳການຜ່າອອກດ່ວນ ຍິງຊາວອິນເດຍພົບໂຕອ່ອນມາຢູ່ໃນຕັບ

ຍິງຊາວອິນເດຍມີອາການເຈັບທ້ອງ ຜົນສະແກນ MRI ພົບວ່າມີໂຕອ່ອນມາຢູ່ໃນຕັບ ເຊິ່ງເກີດຂຶ້ນໄດ້ຍາກມີພຽງ 45 ກໍລະນີ ໃນທົ່ວໂລກ ຈາກກໍລະນີຍິງຊາວອິນເດຍ ອາຍຸ 35 ປີ, ທີ່ກຳລັງຖືພາ 12 ອາທິດ...

ຍອດຜູ້ເສຍຊີວິດທະລຸ 1,400 ຄົນ ຈາກເຫດແຜ່ນດິນໄຫວໃນອັບການິສຖານ

ອັບເດດຍອດຜູ້ເສຍຊີວິດຈາກເຫດການແຜ່ນດິນໄຫວໃນອັບການິສຖານ ຄວາມຮຸນແຮງ 6.0 ຣິກເຕີ ຫຼ້າສຸດມີລາຍງານການເສຍຊີວິດເພີ່ມຂຶ້ນເປັນ 1,400 ຄົນ ແລະ ບາດເຈັບອີກຫຼາຍພັນຄົນ. ອີງຕາມສຳນັກຂ່າວຮອຍເຕີລາຍງານໃນວັນທີ 2 ກັນຍາ 2025, ກ່ຽວກັບເຫດການແຜ່ນດິນໄຫວໃນອັບການິສຖານ ເຮັດໃຫ້ມີຍອດຜູ້ເສຍຊີວິດເພີ່ມຂຶ້ນເປັນ...