ທ່ອງທ່ຽວວັນນີ້ເຮົາຈະພາທຸກທ່ານມາເບິ່ງນ້ຳຕົກ ອີກົວຊູ (Iguazu) ເຊິ່ງເປັນນ້ຳຕົກທີ່ງາມເປັນອັນດັບ 1 ຂອງໂລກ ແລະ ຖືກຈັດໃນ 7 ສິ່ງມະຫັດສະຈັນຂອງໂລກ ສາຂາທຳມະຊາດໃນສະໄໝປັດຈຸບັນ
ນ້ຳຕົກອີກົວຊູ (Iguazu) ເປັນນ້ຳຕົກທີ່ເກີດຈາກແມ່ນ້ຳອີກົວຊູ (Iguazu) ຕັ່ງຢູ່ລະຫວ່າງຊາຍແດນປະເທດບຣາຊິວ ເມືອງ Parana ແລະ ປະເທດອາເຈນຕີນ່າ ແຂວງ Misiones ນ້ຳຕົກອີກົວຊູ ເປັນໜຶ່ງໃນ the New 7 Wonders of Nature ຂອງໂລກ ນ້ຳຕົກນີ້ມີຄວາມສູງ 62 – 82 ແມັດ ມີທັງໝົດ 275 ນ້ຳຕົກຮຽງກັນຢູ່ ໃນບໍລິເວນໃກ້ຄຽງກັນ ມີຄວາມຍາວທັງໝົດ 2.7 ກິໂລແມັດ
