Homeຂ່າວການສຶກສາກະຊວງສຶກສາທິການ ແລະ ກີລາ ພ້ອມຄູ່ຮ່ວມ ໄຂກອງປະຊຸມຫາລືໜ່ວຍງານວິຊາການຂະແໜງການສຶກສາ

ກະຊວງສຶກສາທິການ ແລະ ກີລາ ພ້ອມຄູ່ຮ່ວມ ໄຂກອງປະຊຸມຫາລືໜ່ວຍງານວິຊາການຂະແໜງການສຶກສາ

Published on

ກະຊວງສຶກສາທິການ ແລະ ກີລາ ອົງການຈັດຕັ້ງສາກົນ ຄູ່ຮ່ວມພັດທະນາ ແລະ ຂະແໜງການທີ່ກ່ຽວຂ້ອງ ໄດ້ຮ່ວມເວທີສົນທະນາປຶກສາຫາລືໃນກອງປະຊຸມລະດັບວິຊາການ ຂອງໜ່ວຍງານຂະແໜງການສຶກສາຂຶ້ນໃນຕອນເຊົ້າວັນທີ 27 ພຶດສະພາ 2016 ທີ່ໂຮງແຮມລ້ານຊ້າງ ນະຄອນຫຼວງວຽງຈັນ ໂດຍການເຂົ້າຮ່ວມເປັນປະທານຂອງທ່ານ ລີຕູ້ ບົວປ່າວ ຮອງລັດຖະມົນຕີກະຊວງສຶກສາທິການ ແລະ ກີລາ ທ່ານນາງ ເຄເມັນຊີ ໂອລິແພນ ເລຂາເອກ ຮັບຜິດຊອບວຽກງານການສຶກສາ ຈາກສະຖານທູດອົດສະຕຣາລີ ປະຈໍາ ສປປ.ລາວ ທ່ານ ໄບຣອັນ ຟຣໍນາຣີ ຫົວໜ້າດ້ານການຮ່ວມມືຈາກສະຫະພາບເອີຣົບ ປະຈໍາ ສປປ.ລາວ ມີຜູ້ຕາງໜ້າອົງການຈັດຕັ້ງສາກົນ ອົງການຈັດຕັ້ງທາງສັງຄົມ ກະຊວງ ສູນ ສະຖາບັນການສຶກສາ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ.

ທ່ານຮອງລັດຖະມົນຕີກະຊວງສຶກສາທິການ ແລະ ກີລາ ໄດ້ກ່າວໃນທີ່ປະຊຸມວ່າ ໃນໄລຍະທີ່ຜ່ານມາ ລັດຖະບານອົດສະຕຣາລີ ສະຫະພາບເອີຣົບ ແລະ ບັນດາຄູ່ຮ່ວມພັດທະນາຕ່າງໆ ໄດ້ເຮັດວຽກຮ່ວມ ແລະ ໃຫ້ການສະໜັບສະໜູນຕໍ່ຂະແໜງການສຶກສາ-ກີລາ ຂອງກະຊວງສຶກສາທິການ ແລະ ກີລາ ໃນຫຼາຍດ້ານເຊັ່ນ ໃຫ້ທຶນສະໜັບສະໜູນທາງດ້ານຊ່ຽວຊານ ເພື່ອສ້າງຄວາມອາດສາມາດໃຫ້ແກ່ວຽກງານການຕິດຕາມປະເມີນຜົນ ແລະ ວຽກງານແຜນການ-ການເງິນ ໃຫ້ທຶນຮ່ວມເຮັດວຽກກັບພາກສ່ວນກ່ຽວຂ້ອງເພື່ອພັດທະນາວຽກງານໃນຂະແໜງການສຶກສາໃນການຈັດຕັ້ງປະຕິບັດຫຼາຍໂຄງການ ໂດຍສະເພາະແມ່ນສຸມໃສ່ພັດທະນາວຽກງານການສຶກສາຂັ້ນພື້ນຖານ ຫຼັງການສຶກສາຂັ້ນພື້ນຖານ ແລະ ວຽກງານອື່ນໆທີ່ປິ່ນອ້ອມ ເຊິ່ງສາມາດເວົ້າໄດ້ວ່າ ເປັນໂຄງການໂຕແບບທີ່ດີໃຫ້ແກ່ການພັດທະນາຂະແໜງການສຶກສາ ແລະ ສາມາດບັນລຸຜົນສໍາເລັດໃນການແກ້ໄຂຄວາມແຕກໂຕນດ້ານການເຂົ້າເຖິງການສຶກສາຂັ້ນພື້ນຖານ ໂດຍສະເພາະໃນບັນດາເມືອງທີ່ຢູ່ເຂດຊົນນະບົດ ຫ່າງໄກສອກຫຼີກ ແລະ ໂຕເມືອງກໍມີການພັດທະນາ ສາມາດຫຽັບເຂົ້າຫາກັນເທື່ອລະກ້າວ ເຊິ່ງເປັນການຊ່ອຍເຫຼືອທີ່ີມີປະໂຫຽດໃຫຽ່ຫຼວງ ປະກອບສ່ວນເຂົ້າໃນການຈັດຕັ້ງປະຕິບັດແຜນພັດທະນາຂະແໜງການສຶກສາ ແລະ ກີລາ ຄັ້ງທີ VIII (2016-2020) ເພື່ອໃຫ້ບັນລຸຕາມແຜນການທີ່ວາງໄວ້.

          ກອງປະຊຸມລະດັບວິຊາການຂອງໜ່ວຍງານວິຊາການຂະແໜງການສຶກສາ (ESWG Meeting-Technical Level) ໃນຄັ້ງນີ້ ເປັນກອງປະຊຸມທີ່ມີຄວາມໝາຍຄວາມສໍາຄັນຫຼາຍ ເນື່ອງຈາກຈະໄດ້ຮັບຟັງການລາຍ ງານ ແລະ ຮັບຮອງເອົາບັນດາເນື້ອໃນເອກະສານສໍາຄັນຕ່າງໆ ປະກອບມີ 4 ເອກະສານເຊັ່ນ (1) ຂໍ້ຕົກລົງຮ່ວມກັນໃນບົດບັນທຶກຄວາມເຂົ້າໃຈຂອງການທົບທວນ ແລະ ຕິດຕາມປະເມີນຜົນ ລະຫວ່າງ ກະຊວງສຶກສາທິການ ແລະ ກີລາ ກັບບັນດາຄູ່ຮ່ວມພັດທະນາ ກໍຄືອົງການຕຈັດຕັ້ງສາກົນ ໃນການຈັດຕັ້ງປະຕິບັດວຽກງານການສຶກສາ ປະຈໍາປີ 2015 (2) ຜົນສໍາເລັດຂອງການຈັດຕັ້ງຜັນຂະຫຽາຍຜົນໄດ້ຮັບຂອງກອງປະຊຸມໂຕະມົນລະດັບສູງ ຄັ້ງທີ 12 ເຂົ້າໃນແຜນການຈັດຕັ້ງປະຕິບັດວຽກງານທີ່ກ່ຽວຂ້ອງໃນຂະແໜງການສຶກສາ ແລະ ກີລາ ໃຫ້ປາກົດຜົນເປັນຈິງ (3) ຜົນຂອງການປະເມີນກ່ຽວກັບແຜນພັດທະນາຂະແໜງການສຶກສາ-ກີລາ ແລະ (4) ໜ້າທີ່ ພາລະບົດບາດ ຂອງກອງປະຊຸມປະສານງານຂັ້ນແຂວງ ແລະ ວຽກງານອື່ນໆ ເຊິ່ງເນື້ອໃນຫຼັກທີ່ນໍາສະເໜີ ຄົ້ນຄວ້າ ປຶກສາຫາລື ແລະ ຮັບຮອງຢູ່ວາລະການດໍາເນີນກອງປະຊຸມໃນຄັ້ງນີ້ ແມ່ນຕິດພັນກັບພາລະບົດບາດ ສິດ ແລະ ໜ້າທີ່ຄວາມຮັບຜິດ ຊອບໃນການຈັດຕັ້ງປະຕິບັດວຽກງານດັ່ງກ່າວ ແລະ ນໍາໃຊ້ທຶນການຊ່ອຍເຫຼືອເຂົ້າໃນການຈັດຕັ້ງປະຕິບັດວຽກງານຂະແໜງການສຶກສາໃຫ້ມີປະສິດທິພາບ ປະສິດທິຜົນ ແລະ ມີຄວາມຍືນຍົງ.

ຂ່າວ/ພາບ: ເທບພະວົງ

ບົດຄວາມຫຼ້າສຸດ

ສັ່ງປະຫານຊີວິດ ຈີນໄດ້ຕັດສິນປະຫານຊີວິດ ອະດີດລັດຖະມົນຕີ ກະຊວງປ້ອງກັນປະເທດ 2 ຄົນ ໃນຂໍ້ຫາສໍ້ລາດບັງຫຼວງ ແຕ່ໄດ້ໂຈະໂທດໄວ້ 2 ປີ ຖ້າບໍ່ກະທຳຜິດຕື່ມ ຈະປ່ຽນເປັນຈຳຄຸກຕະຫຼອດຊີວິດ

ວັນທີ 7 ພຶດສະພາ 2026 ທີ່ຜ່ານມາ ສຳນັກຂ່າວປະເທດຈີນລາຍງານວ່າ ອະດີດລັດຖະມົນຕີກະຊວງປ້ອງກັນປະເທດຈີນ 2 ຄົນຄື ລີ ຊາງຟູ (Li Shangfu) ແລະ...

ເປີດລົງທະບຽນເຂົ້າຮ່ວມພັນທະກິດທາງເສດຖະກິດຂອງກຸ່ມປະເທດ ທີ່ໃຊ້ພາສາຝຣັ່ງປະຈຳອາຟຣິກາຕາເວັນອອກໃນວັນທີ 6-8 ຕຸລາ 2026 ທີ່ປະເທດຈິບູຕີ

ຫຼັງຈາກຜົນສຳເລັດຂອງການຈັດງານຫົກຄັ້ງຢູ່ທີ່ພາກພື້ນທີ່ໃຊ້ພາສາຝຣັ່ງໃນເຂດຕ່າງໆ, ອົງການສາກົນຂອງກຸ່ມປະເທດທີ່ໃຊ້ພາສາຝຣັ່ງ (OIF) ຍັງສືບຕໍ່ມຸ່ງໝັ້ນສ້າງຄວາມສາມັກຄີ ແລະ ຄວາມທະເຍີທະຍານທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງໂດຍຮ່ວມມືກັບອຳນາດການປົກຄອງຂອງຈິບູຕີຈັດຕັ້ງພັນທະກິດທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງຄັ້ງຕໍ່ໄປໃນວັນທີ 6 ຫາ 8 ຕຸລາ 2026 ທີ່ປະເທດຈິບູຕີ. ໂຄງການລິເລີ່ມນີ້ເປັນສ່ວນໜຶ່ງໃນຄວາມພະຍາຍາມສົ່ງເສີມການແລກປ່ຽນທາງການຄ້າລະຫວ່າງບັນດາປະເທດສະມາຊິກ ແລະ ລັດຖະບານ...

ສຶກສາຄວາມເປັນໄປໄດ້ເສັ້ນທາງລົດໄຟ ແຕ່ຄໍາມ່ວນ-ຈໍາປາສັກ-ຊາຍແດນລາວ-ກຳປູເຈຍ ແລະ ເຊື່ອມຕໍ່ໄປພະນົມເປັນ ນະຄອນໂຮ່ຈິມິນ ແລະ ບາງກອກ

ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ ລາວ ໄດ້ເປັນກຽດໂອ້ລົມຕໍ່ກອງປະຊຸມວຽກງານ ໂຍທາທິການ ແລະ ຂົນສົ່ງ (ຍທຂ) ທົ່ວປະເທດ...

ປັກຫຼັກໝາຍຊາຍແດນ  ລາວ-ກຳປູເຈຍ ກໍານົດຈຸດທີ່ຈະປັກຫຼັກຊາຍແດນ ສຳເລັດແລ້ວ 213 ຫຼັກໝາຍ ເພື່ອແກ້ໄຂບັນຫາການບຸກເບີກເນື້ອທີ່ກະສິກຳທີ່ລ່ວງລໍ້າຊາຍແດນ

ກອງສຳຫຼວດ ແລະ ປັກຫຼັກໝາຍຊາຍແດນ ລາວ-ກຳປູເຈຍ ເມືອງໂຂງ ແຂວງຈຳປາສັກ ໄດ້ສະຫຼຸບ ການຈັດຕັ້ງປະຕິບັດວຽກງານພາຍໃນປີ 2025 ທີ່ຜ່ານມາ.​ ທ່ານ ພັນໂທ ໂພສະຫວັນ ພິມມະວົງ...