ສື່ມວນຊົນ ສາມປະເທດ ສານສຳພັນ ໃນແລວເສດຖະກິດ  ຕາເວັນອອກ-ຕາເວັນຕົກ ຍົກຄວາມພ້ອມສູ່ AEC 

0
1655
ສື່ມວນຊົນ ສາມປະເທດ ສານສຳພັນ ໃນແລວເສດຖະກິດ  ຕາເວັນອອກ-ຕາເວັນຕົກ ຍົກຄວາມພ້ອມສູ່ AEC 
ສື່ມວນຊົນ ສາມປະເທດ ສານສຳພັນ ໃນແລວເສດຖະກິດ  ຕາເວັນອອກ-ຕາເວັນຕົກ ຍົກຄວາມພ້ອມສູ່ AEC 

ສື່ມວນຊົນ ສາມປະເທດ ສານສຳພັນ ໃນແລວເສດຖະກິດ ຕາເວັນອອກ-ຕາເວັນຕົກ ຍົກຄວາມພ້ອມສູ່ AEC
———————-
ຈັດຫວັດມຸກດາຫານ ແຫ່ງລາຊະອານາຈັກໄທ ເປັນເຈົ້າພາບ ຈັດກອງປະຊຸມ ພາຍໃຕ້ຫົວຂໍ້ທີ່ວ່າ:
ໂຄງການສານສຳພັນ ສື່ມວນຊົນ ລະຫວ່າງປະເທດ ໃນວັນທີ 20-22 ພຶດສະພາ 2014 ນີ້
ທີ່ໂຮງແຮມ ແກຮນ ໂຮແທວ ເທສະບານເມືອງມຸກດາຫານ ຊຶ່ງມີ:ສື່ມວນຊົນຈາກ ຈັ່ງຫວັດ ມຸກດາຫານ
ແຫ່ງລາດຊະອານາຈັກໄທ, ແຂວງສະຫວັນນະເຂດ ສ ປ ປ ລາວ ແລະແຂວງກວາງຈິ ສ ສ ຫວຽດນາມ
ເຂົ້າຮ່ວມຈຳນວນ 43 ທ່ານ ໃນນີ້ ຈາກຈັ່ງຫວັກມຸກດາຫານ ຈຳນວນ 26 ທ່ານ,ສະຫວັນນະເຂດ 10 ທ່ານ
ແລະແຂວງກວາງຈິຈຳນວນ 7 ທ່ານ.

ສຳລັບສື່ມວນຊົນ ຈາກແຂວງສະຫວັນນະເຂດ ທີ່ເຂົ້າຮ່ວມໃນໂຄງການສານສຳພັນສື່ຄັ້ງນີ້ ມີ
ສື່ຈາກໜັງສືພິມສະຫວັນພັດທະນາ: ສະຖານນີວິທະຍຸກະຈາຍສຽງ ແລະສື່ມວນຊົນຈາກສະຖານີໂທລະພາບ
ຊຶ່ງນຳໂດຍທ່ານ ນາງ ດາວອນ ໄຊສຸລຽນ ຮອງຫົວໜ້າ ພະແນກ ຖວທ ແຂວງສະຫວັນນະເຂດ,
ຊຶ່ງໃນໂອກາດເດີນທາງໄປຮ່ວມ ຄະນະສື່ມວນຊົນກໍ່ຮັບການຕ້ອນຮັບ ຈາກທ່ານ ແສງທອງ ອານັນຕະພັນ
ຫົວໜ້າປະຊາສຳພັນ ຈັ່ງຫວັດ ມຸກດາຫານ ພ້ອມວິຊາການສື່ມວນຊົນຂອງຈັ່ງຫວັດຈຳນວນໜຶ່ງ,

ທ່ານສາກົນສາລິດ ບຸນປຣາກິດ ຜູ້ວ່າລາຊະການ ຈັງຫວັດມຸກດາຫານ ປະເທດໄທ ກ່າວມີຄຳເຫັນວ່າ
ໃນໂອກາດເປີດກອງປະຊຸມວ່າ: ໂຄງການສານສຳພັນ ສື່ມວນຊົນສາມາແຂວງ ສາມປະເທດມີ ມຸກດາຫານ,
ສະຫວັນນະເຂດແລະສື່ມວນຊົນ ຈາກແຂວງກວາງຈິ ແມ່ນຈັດຂຶ້ນເປັນຄັ້ງທີ II ມຸກດາຫານ
ຊຶ່ງເປັນການສ້າງສາຍສຳພັນທີ່ດີຕໍ່ກັນ ເປັນຕົ້ນແມ່ນການໂຄສະນາປະຊາສຳພັນໃນພື້ນທີ່ຂອງຕົນ
ເພື່ອໃຫ້ປະຊາຊົນໄດ້ຮັບຮູ້ຂ່າວສານ ແລະມີສ່ວນຮ່ວມໃນການພັດທະນາ ແລະຮັກສາປະເພນີວັດທະນະທຳ ຄວາມສະຫງົບແລະພາບພົດທີ່ດີຂອງແຕ່ລະແຂວງ ອັນເປັນການໂຄສະນາເຊື່ອມໂຢງທາງດ້ານເສດຖະກິດ
ການຄ້າ ການລົງທຶນໃນແລວເສດຖະກິດ ຕາເວັນ-ຕາເວັນຕົກ ແລະກຽມພ້ອມເຂົ້າປະຊາຄົສເສດຖະກິດອາຊຽນ
ໃນປີ 2015.

ໃນໂອກາດດັ່ງກ່າວ ສື່ມວນຊົນສາມແຂວງ ,ສາມປະເທດ ກໍໄດ້ລົງໄປເຄື່ອນໄຫວຢ້ຽມ ສຳນັກງານປະຊາສຳພັນ ເຂດ 2
ຈັ່ງຫວັດ ອຸບົນລາຊະທານີ, ເຊິ່ງແມ່ນໜ່ວຍງານສື່ຂອງລັດ ທີ່ຮັບຜິດຊອບງານປະຊາສຳພັນ ໃນພື້ນທີ່
ພາກຕາເວັນອອກສ່ຽງເໜືອຕອນກາງ ຮັບຜິດຊອບ ມີຈັ່ງຫວັດ ອຸບົນລາຊະທານີ, ສີສະເກດ, ສຸລິນ,ຍະໂສທອນ,
ຮ້ອຍເອັດ, ອຳນາດຈະເລີນ,ມຸກດາຫານ ແລະນະຄອນພະນົມ ມີວິທະຍຸ 10 ສະຖານນີ ມີ 14 ຄື້ນ
ໃນນີ້ ເອັບແອມ 10 ແລະ ເອແອມ 4 ມີສື່ ໂທລະພາບ 1 ສະຖານີ ໂດຍສຳນັກງານປະຊາສຳພັນ
ແມ່ນເຮັດໜ້າທີ່ໂຄສະນາ ເພື່ອໃຫ້ປະຊາຊົນ ໄດ້ຮັບຮູ້ເຂົ້າໃຈເຊິ່ງສາມາດໃຊ້ຂໍ້ມູນຂ່າວສານ ໃນການພັດທະນາ ຄະນະພາບຊີວິດແລະມີສ່ວນຮ່ວມໃນການພັດທະນາ

ຈາກນີ້ກໍ່ໃຫ້ຄຳປຶກສາສະເໜີນະໂຍບາຍ ປະສານແລະສະໜັບສະນູນ ການດຳເນີນງານປະຊາສຳພັນພາກລັດ
ຢ່າງເປັນລະບົບ ທັງບໍລິຫານຈັດການສື່ພາກລັກແລະປະສານເຄືອຂ່າຍສື່ມວນຊົນໃນພາກພື້ນໃຫ້ມີປາສິດຕິພາບ ແລະອື່ນໆໆ

ທີ່ມາ www.facebook.com/Savanhphuttana-News