Homeອຸບັດເຫດແລະປາກົດການຫຍໍ້ທໍ້ອຸບັດຕິເຫດຈາກຜູ້ຂັບຂີ່ ກວມ 85% ຮຽກຮ້ອງໃຫ້ມີຫຼັກສູດທີ່ໄດ້ມາດຕະຖານ

ອຸບັດຕິເຫດຈາກຜູ້ຂັບຂີ່ ກວມ 85% ຮຽກຮ້ອງໃຫ້ມີຫຼັກສູດທີ່ໄດ້ມາດຕະຖານ

Published on

ອຸບັດ​ຕິ​ເຫດ​ຕາມ​ທ້ອງ​ຖະໜົນ ໃນ​ປັດຈຸບັນ​ແມ່ນ​ມີ​ທ່າ​ອ່ຽງ​ເພີ່ມ​ຂຶ້ນ ອັນ​ໄດ້​ກາຍເປັນ​ປາກົດການ​ຫຍໍ້ທໍ້​ທາງ​ສັງຄົມ ເຊິ່ງ​ປັດ​ໄຈ​ຫຼັກ​ຂອງ​ບັນຫາ​ດັ່ງກ່າວ ແມ່ນ​ເກີດ​ຈາກ​ຄວາມ​ຜິດພາດ​ຂອງ​ຜູ້​ຂັບ​ຂີ່ ເຊິ່ງ​ກວມ​ເອົາ​ສູງ​ເຖິງ 85% ຂອງ​ອຸບັດ​ຕິ​ເຫດ​ທີ່​ເກີດ​ຂຶ້ນ ສ່ວນ​ສະພາບ​ຖະໜົນ​ແມ່ນ​ກວມ​ພຽງ 10% ແລະ ສະພາບ​ເຕັກນິກ​ພາຫະນະ 5% ຕໍ່​ກັບ​ບັນຫາ​ດັ່ງກ່າວ ຮຽກຮ້ອງ​ໃຫ້​ມີ​ຫຼັກສູດ​ການ​ຮຽນ​ການ​ສອນ ການ​ຂັບ​ຂີ່​ພາຫະນະ​ທີ່​ໄດ້​ມາດຕະຖານ.

ທ່ານ ວຽງ​ສະ​ຫວັດ ສີ​ພັນ​ດອນ ຫົວໜ້າ​ກົມ​ຂົນສົ່ງ ກະຊວງ​ໂຍທາ​ທິ​ການ-ຂົນສົ່ງ ກ່າວ​ໃນ​ກອງ​ປະຊຸມ​ປຶກສາ​ຫາລື​ຍົກ​ລະດັບ​ຄຸນ​ນະ​ພາບ​ການ​ຂັບ​ຂີ່ ແລະ ການ​ສອບເສັງ​ການ​ຂັບ​ຂີ່​ຢູ່​ໃນ ​ສປປ ລາວ ໂດຍ​ມີ​ບາງ​ຕອນ​ວ່າ: ອຸບັດ​ຕິ​ເຫດ​ທີ່​ເກີດ​ຈາກ​ຄວາມ​ຜິດພາດ​ຂອງ​ຜູ້​ຂັບ​ຂີ່​ແມ່ນ​ມີ​ຫຼາກ​ຫຼາຍ ແລະ ເປັນ​ປັດ​ໄຈ​ຫຼັກ​ຂອງ​ການ​ເກີດ​ອຸບັດ​ຕິ​ເຫດ ເຊັ່ນ: ຜູ້​ຂັບ​ຂີ່​ເຊື່ອ​ໝັ້ນ​ຕົນ​ເອງ​ຫຼາຍ​ເກີນ​ໄປ ຂັບ​ຂີ່​ພາຫະນະ​ໄວ ເມົາ​ແລ້ວ​ຂັບ ບໍ່​ໃສ່​ໝວກ​ກັນ​ກະທົບ ບໍ່​ໃສ່​ສາຍຮັດ​ນີ​ລະ​ໄພ ແລະ ອື່ນໆ ສ່ວນ​ເສັ້ນທາງ​ອາດ​ລວມ​ມີໜ້າ​ທາງ​ເປ່​ເພ ເປັນ​ຂຸມ​ໃຫຍ່ ການ​ອອກ​ແບບ-ການ​ກໍ່ສ້າງ​ບໍ່​ໄດ້​ຕາມ​ມາດຕະຖານ​ເຕັກນິກ ບໍ່​ໄດ້​ຮັບ​ການ​ກວດແກ້​ຢ່າງ​ທັນທີ ລວມ​ໄປ​ເຖິງ​ປ້າຍ​ສັນຍານ​ການ​ສັນຈອນ ແລະ ອື່ນໆ ສ່ວນ​ປັດ​ໄຈ​ສະພາບ​ເຕັກນິກ​ຂອງ​ພາຫະນະ ອາດ​ລວມ​ໄປ​ເຖິງ​ລະບົບ​ຫ້າມ​ບໍ່​ຢູ່ ການ​ນຳ​ໃຊ້​ຢາງ​ລົດ​ທີ່​ໝົດ​ຄຸນ​ນະ​ພາບ (ດອກ​ຢາງ​ຫ້ຽນ) ແລະ ບັນຫາ​ຂອງ​ລະບົບ​ຕ່າງໆ​ໃນ​ພາຫະນະ.

ຕໍ່​ກັບ​ສະພາບ​ດັ່ງກ່າວ ມັນ​ຮຽກຮ້ອງ​ໃຫ້​ມີ​ການ​ປັບປຸງ​ຫຼັກສູດ​ການ​ຮຽນ​ການ​ສອນ​ຂັບ​ຂີ່ ໂດຍ​ທ່ານ ວຽງ​ສະ​ຫວັດ ສີ​ພັນ​ດອນ ກ່າວ​ຕື່ມ​ວ່າ: ການ​ຂັບ​ຂີ່​ລົດ​ແມ່ນ​ສິລະ​ປະ​ອັນ​ໜຶ່ງ​ຂອງ​ຜູ້​ຂັບ​ຂີ່ ເຊິ່ງ​ເຮົາ​ຈະ​ສາມາດ​ຂັບ​ລົດ​ໄດ້​ດີ ມີ​ຄວາມ​ຄ່ອງ​ແຄ້ວ ແມ່ນ​ຈຳເປັນ​ຕ້ອງ​ມີ​ການເຝິກແອບ​ຢ່າງ​ພຽງພໍ ເຊິ່ງ​ຈະ​ເຮັດ​ແນວ​ນັ້ນ​ໄດ້ ກໍ່​ຕ້ອງ​ໄດ້​ກຳນົດ​ໄວ້​ໃນ​ຫຼັກສູດ​ການ​ສອນ ແລະ ມາດຕະຖານ​ການ​ສອບເສັງ​ຢ່າງ​ຈະແຈ້ງ ໃນ​ໄລຍະ​ຜ່ານ​ມາ ພວກ​ເຮົາ​ໄດ້​ເລັ່ງ​ການ​ສ້າງ​ຫຼັກສູດ​ໃຫ້​ໄດ້​ມາດຕະຖານ ເພື່ອ​ໃຫ້​ບັນດາ​ໂຮງຮຽນ ສາມາດ​ນຳ​ໃຊ້​ເຂົ້າ​ໃນ​ການ​ສິດສອນ.

ກອງ​ປະຊຸມ​ຄັ້ງ​ນີ້ ຈັດ​ຂຶ້ນ​ໃນ​ລະຫວ່າງ​ວັນ​ທີ 26-27 ພຶດສະພາ 2014 ທີ່​ກະຊວງ​ໂຍທາ​ທິ​ການ ແລະ ຂົນສົ່ງ ໂດຍ​ມີ​ທ່ານ ພັນ​ໂທ ຄຳ​ເຫຼັກ ໄຊ​ຍະ​ສິດ ຮອງ​ຫົວໜ້າ​ກົມ​ຕຳຫຼວດ​ຈະລາຈອນ ຕາງໜ້າ​ພະ​ແນກ​ໂຍທາ​ທິ​ການ-ຂົນສົ່ງ ນະຄອນຫຼວງ​ວຽງ​ຈັນ ບັນດາ​ແຂວງ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ ເຊິ່ງ​ກອງ​ປະຊຸມ​ຄັ້ງ​ນີ້ ແມ່ນ​ໄດ້​ຮັບ​ຟັງ​ການ​ນຳ​ສະເໜີ​ຫຼັກສູດ​ການ​ສອນ ແລະ ການ​ສອບເສັງ​ປະເພດ​ຕ່າງໆ​ຈາກ​ຜູ້​ຊ່ຽວຊານ​ໂຄງການ ຄວາມ​ປອດ​ໄພ​ທາງ​ຖະໜົນ​ຂອງ​ກົມ​ຂົນສົ່ງ ພ້ອມ​ທັງ​ປຶກສາ​ຫາລື​ບັນດາ​ຫົວຂໍ້​ຕ່າງໆ ແລະ ລົງ​ຕິດຕາມ​ການ​ສອບເສັງ​ທັງ​ພາກ​ທິດ​ສະ​ດີ ແລະ ພາກ​ສະໜາມ.

ທີ່ມາ http://www.vientianemai.net/teen/khao/1/11886

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...