ສຳນັກຂ່າວ vovworld ລາຍງານໃນວັນທີ 26 ພຶດສະພາຜ່ານມານີ້ວ່າ ທ່ານ ສະເຕຟານ ເດີ ມິສຸຣາ ທູດພິເສດຂອງອົງການສະຫະປະຊາຊາດ ກ່ຽວກັບຊີຣີ ໄດ້ກ່າວມີຄວາມເຫັນໃນກອງປະຊຸມ ຄະນະມົນຕີຄວາມໝັ້ນຄົງ ແຫ່ງ ສະຫະປະຊາຊາດວ່າ ທ່ານບໍ່​ມີ​ແຜນຮຽກ​ໂຮມ ການເຈ​ລະ​ຈ​າ​​ຮອບໃໝ່​ກ່ຽວ​ກັບ​ຊີ​ຣີ ໃນອີກ​ 2 ຫຼື 3 ອາ​ທິດ​ຈະ​ມາ​ເຖິງນີ້ເທື່ອ ໂດຍທ່ານຖືວ່າ ຈະຕ້ອງ​ມີຄວາມ​ຄືບ​ໜ້າກວ່ານີ້​ອີກເສຍກ່ອນ ໃນ​ການຈັດຕັ້ງປະຕິບັດ​ຄຳ​ສັ່ງ​ຢຸດ​ຍິງ ​ແລະ ເຄື່ອນ​ໄຫວ​ມະ​ນຸດ​ສະ​ທຳ​ ກ່ອນ​ທີ່​ຈະ​ດຳ​ເນີນການ​ເຈ​ລະ​ຈາ​ຮອບ​ຕ່າງໆ​ຄືນ​ໃໝ່.

ທັງນີ້ ເນື່ອງຈາກໃນ​ວັນ​ທີ 27 ພຶດສະພາ 2016 ນີ້ ການ​ເຈ​ລະ​ຈາ​ສັນ​ຕິ​ພາບຢູ່ນະຄອນເຊີແນວ ປະເທດສະ​​ວິດ ໂດຍ​ມີອົງການສະ​ຫະ​ປະ​ຊາ​ຊາດ ເປັນ​​ຄົນກາງ​ໄກ່​ເກ່ຍ ລ​ະ​ຫວ່າງ ລັດ​ຖະ​ບານ​ຊີ​ຣີ ແລະ ບັນ​ດາ​ກຸ່ມ​​ກົງ​ກັນ​ຂ້າມ ໄດ້​ສີ້ນ​ສຸດ​ລົງ ແຕ່ບໍ່​ມີ​ບາດ​ກ້າວ​ບຸກ​ທະ​ລຸ​ໃດ​ໆເທື່ອ.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!