ສຳນັກຂ່າວ ບີບີຊີ ລາຍງານໃນວັນທີ 26 ພຶດສະພານີ້ວ່າ ທ່ານ ໂຈໂກ ວີໂດໂດ້ ປະທານາທິບໍດີອິນໂດເນເຊຍ ໄດ້ປະກາດໃຊ້ກົດໝາຍ ລົງໂທດຜູ້ກະທຳຜິດດ້ວຍການປະຫານຊີວິດ ແລະ ການເຮັດໝັນດ້ວຍເຄມີ ແກ່ນັກໂທດໃນຄະດີລ່ວງລະເມີດທາງເພດ ເພື່ອປາບປາມປະກົດການຫຍໍ້ທໍ້ ທີ່ເກີດຈາກຄວາມຮຸນແຮງທາງເພດ ຕໍ່ແມ່ຍິງ ແລະ ເດັກນ້ອຍ ທີ່ເກີດຂຶ້ນຢ່າງຕໍ່ເນື່ອງໃນສັງຄົມອິນໂດເນເຊຍ.
ບົດລົງໂທດໃນກົດໝາຍສະບັບໃໝ່ນີ້ ແມ່ນກຳນົດໃຫ້ສານອິນໂດເນເຊຍ ສາມາດກຳນົດໂທດ ແກ່ນັກໂທດຄະດີຂົ່ມຂືນ ຫລື ລ່ວງລະເມີດທາງເພດຢ່າງຮຸນແຮງຕໍ່ແມ່ຍິງ ແລະ ເດັກນ້ອຍ ຫລາຍກວ່າ 1 ຄັ້ງ ຈະຖືກໂທດສູງສຸດ ດ້ວຍການຖືກຍິງເປົ້າປະຫານຊີວິດ, ສ່ວນໂທດສະຖານເບົາລົງມາ ແມ່ນຈະຖືກເຮັດໝັນດ້ວຍເຄມີ ແລະ ຖືກຝັງອຸປະກອນຕິດຕາມເອເລັກໂຕນິກ ເພື່ອຕິດຕາມການເຄື່ອນໄຫວທຸກບາດຍ່າງ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!