spot_img
Homeຂ່າວຕ່າງປະເທດຈີນເຜີຍລົດເມແບບໃໝ່ ລົດໃຫຍ່ແລ່ນລອດກ້ອງໄດ້ ແກ້ບັນຫາຈະລາຈອນແອອັດ ເລີ່ມທົດສອບປີນີ້!

ຈີນເຜີຍລົດເມແບບໃໝ່ ລົດໃຫຍ່ແລ່ນລອດກ້ອງໄດ້ ແກ້ບັນຫາຈະລາຈອນແອອັດ ເລີ່ມທົດສອບປີນີ້!

Published on

ສຳນັກຂ່າວຊິນຫົວຂອງຈີນ ລາຍງານໃນວັນທີ 26 ພຶດສະພານີ້ວ່າ ພາຍໃນງານ ອິນເຕີເນຊັນແນວ ໄຮເທັກ ເອັກສ໌ໂປ ຄັ້ງທີ 19 ຂອງຈີນ ທີ່ນະຄອນຫລວງປັກກິ່ງ ໄດ້ມີບໍລິສັດຈີນລາຍໜຶ່ງ ນຳສະເໜີແຜນການສ້າງ ລົດເມໂດຍສານກວມຖະໜົນ ຫລື straddling bus ດ້ວຍການອອກແບບໃຫ້ພື້ນລົດ ຍົກສູງຂຶ້ນກວມຖະໜົນ ສ່ວນກ້ອງພື້ນລົດ ແມ່ນເປີດໂລ່ງໃຫ້ລົດໃຫຍ່ທົ່ວໄປ ສາມາດແລ່ນຜ່ານໄປໄດ້.

ລົດເມໂດຍສານຊະນິດດັ່ງກ່າວນີ້ ໄດ້ອອກແບບໃຫ້ກວ້າງເທົ່າກັບ 2 ຊ່ອງຈະລາຈອນ ຊຶ່ງຈະແລ່ນໂດຍລະບົບລາງຂະໜາດນ້ອຍ ຂັບເຄື່ອນດ້ວຍພະລັງງານໄຟຟ້າ ສາມາດຮອງຮັບຜູ້ໂດຍສານໄດ້ 1,400 ຄົນຕໍ່ຄັນໜຶ່ງ ໃນຄວາມໄວປະມານ 60 ກິໂລແມັດຕໍ່ຊົ່ວໂມງ ຊຶ່ງຈະສາມາດທົດແທນລົດເມທຳມະດາທົ່ວໄປໄດ້ເຖິງ 40 ຄັນ ແລະ ຫລຸດຜ່ອນການສິ້ນເປືອງນ້ຳມັນເຊື້ອໄຟໄດ້ 800 ໂຕນຕໍ່ປີ ແຖມຍັງຫລຸດຜ່ອນການປ່ອຍ ອາຍກາກບອນໄດ້ເກືອບ 2,500 ໂຕນຕໍ່ປີ, ທີ່ສຳຄັນແມ່ນ ລົດເມດັ່ງກ່າວນີ້ ມີຕົ້ນທຶນໃນການສ້າງ ໜ້ອຍກ່ວາລະບົບລົດໄຟໃຕ້ດິນ ຊຶ່ງບໍ່ຈຳເປັນຕ້ອງໄດ້ຂຸດເຈາະພື້ນທີ່ແຕ່ຢ່າງໃດ.

ບໍລິສັດ ທຣານສິດ ເອັກສ໌ໂພລ ບັສ ຊຶ່ງເປັນບໍລິສັດເຈົ້າຂອງແນວຄວາມຄິດດັ່ງກ່າວ ໄດ້ລະບຸວ່າ ກຳລັງຢູ່ໃນຂັ້ນຕອນການສ້າງຕົ້ນແບບຂຶ້ນ ໂດຍມີແຜນຈະທົດສອບຄັ້ງທຳອິດ ໃນເດືອນກໍລະກົດ ຫລື ເດືອນສິງຫາປີນີ້ ຫາກປະສົບຜົນສຳເລັດ ກໍຈະເປັນກາຍຊ່ວຍຫລຸດຜ່ອນ ບັນຫາການຈະລາຈອນແອອັດ ໃນລະບົບຄົມມະນາຄົມຂອງຈີນໄດ້.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...