ສປປລາວ ກຽມເປັນເຈົ້າພາບ ລາຍການແຂ່ງຂັນບານເຕະຍິງ ຊີງແຊັມອາຊີ ລຸ້ນອາຍຸບໍ່ເກີນ 14 ປີ ປະຈໍາພາກພື້ນອາຊຽນ “AFC U14 Girls’ Regional Championship 2016” ປະຈໍາພາກພື້ນອາຊີ ລະຫວ່າງວັນທີ 31 ພຶດສະພາ-5 ມິຖຸນາ 2016 ທີ່ສປປລາວ ຮັບກຽດເປັນເຈົ້າພາບ ໂດຍມີບັນດາປະເທດຈາກອາຊຽນ ເຂົ້າຮ່ວມຊີງໄຊທັງໝົດ 8 ທີມແບ່ງເປັນ 2 ກຸ່ມຄື: ກຸ່ມ A ສປປລາວ, ໄທ, ກໍາປູເຈຍ ແລະ ຟິລິບປິນ ສ່ວນກຸ່ມ B ປະກອບມີ ມຽນມາ, ສິງກະໂປ, ມາເລເຊຍ ແລະ ສສ ຫວຽດນາມ ເຊິ່ງການແຂ່ງຂັນດັ່ງກ່າວຈັດຂຶ້ນ ເພື່ອເປັນການພັດທະນາວົງການບານເຕະຍິງຂອງພາກພື້ນອາຊີ.
ໂດຍການແຂ່ງຂັນຄັ້ງນີ້ຈະນໍາໃຊ້ 2 ສະໜາມໄດ້ແກ່ ສະໜາມເຈົ້າອານຸງວົງ ແລະ ສະໜາມມະຫາວິທະຍາໄລແຫ່ງຊາດ .
– ນັດທີ 1 ວັນທີ 31/05/2016 ເວລາ 16:30ໂມງ ລາວ ພົບກັບ ຟິລິບປິນ ແຂ່ງຂັນຢູ່ທີ່ສະໜາມກີລາເຈົ້າອະນຸວົງ
– ນັດທີ 2 ວັນທີ 01/06/2016 ເວລາ 16:30ໂມງ ລາວ ພົບ ກໍາປູເຈຍ ແຂ່ງຂັນທີ່ສະໜາມເຈົ້າອະນຸວົງ. .
– ນັດທີ 3 ວັນທີ 02/06/2016 ເວລາ 16:30ໂມງ ລາວ ພົບ ໄທ ແຂ່ງທີ່ສະໜາມເຈົ້າອະນຸວົງ
ໂດຍແຊັມຂອງແຕ່ລະກຸ່ມ ຈະຜ່ານເຂົ້າຮອງຊະນະເລີດ ເຊິ່ງຈະແຂ່ງຂັນວັນທີ 4 ມິຖຸນານີ້ ແລະ ຮອບຊີງຊະນະເລີດ ຈະແຂ່ງຂັນໃນວັນທີ 5 ມິຖຸນານີ້.
ຂ່າວຈາກ: ສະຫະພັນບານເຕະແຫ່ງຊາດລາວ