ໂຄງການກໍ່ສ້າງເຂື່ອນຫ້ວຍເປາະ ເມືອງເລົ່າງາມ ແຂວງສາລະວັນ ພາຍຫຼັງດຳເນີນການກໍ່ມາແຕ່ທ້າຍປີ 2015 ເປັນຕົ້ນມາ ຮອດປະຈຸນນີ້ໜ້າວຽກສຳເລັດໂດຍລວມສະເລ່ຍໄດ້ແລ້ວ 56% ເປັນຕົ້ນແມ່ນການສ້າງຫົວເຂື່ອນ, ຄອງນ້ຳ ແລະອ່າງນ້ຳ ທັງນີ້ ຄະນະຮັບຜິດຊອບຄາດວ່າໂຄງການຈະສຳເລັດ 100% ໃນກາງປີ 2017.
ເມື່ອບໍ່ດົນມານີ້ທ່ານ ລຳພູນ ເພັດຊົມ ພູ ທີ່ປຶກສາບໍລິສັດຫ້ວຍເປາະ ພາວເວີຈຳກັດ ໄດ້ເປີດເຜີຍຕໍ່ສື່ມວນຊົນວ່າ: ໂຄງການກໍ່ສ້າງເຂື່ອນໄຟຟ້າເຊເສັດ-ຫ້ວຍເປາະ ມີທີ່ຕັ້ງຢູ່ເມືອງເລົ່າງາມແຂວງສາລະວັນ ໂດຍໄດ້ດຳເນີນການກໍ່ສ້າງມາ ແຕ່ທ້າຍປີ 2015 ໜ້າວຽກທີ່ໄດ້ປະຕິບັດມີກໍ່ສ້າງຫົວເຂື່ອນເບຕົງ 1 ແລະ ເຂື່ອນຫີນຖົມເບຕົງ 2 ສຳເລັດ 62% ແລະໄດ້ເຮັດຄອງນ້ຳ ແລະຂົວຂ້າມ 1-2 ສຳເລັດ 61% ກໍ່ສ້າງອ່າງນ້ຳ ແລະທໍ່ ປ່ຽນແຮງນ້ຳ ສຳເລັດ 56%, ນອກນີ້ ທາງໂຄງການຍັງໄດ້ກໍ່ສ້າງເຮືອນຕັ້ງຈັກປັ່ນໄຟ, ທີ່ພັກຖາວອນ, ສະຖານີໄຟ ຟ້າ ແລະສາຍສົ່ງ 115 ກີໂລໂວນ, ຍາວ 7 ກິໂລແມັດ ຊຶ່ງນັບແຕ່ຫົວງານເຂື່ອນ ຈົນເຖິງເຮືອນຈັກປັ່ນໄຟ ທັງໝົດນັ້ນສາມາດສະເລ່ຍຄວາມຄືບໜ້າໂຄງການໄດ້ແລ້ວ 56%.
ທ່ານ ລຳພູນ ເພັດຊົມພູ ໃຫ້ຮູ້ອີກວ່າ: ໂຄງການດັ່ງກ່າວມີມູນຄ່າການລົງທຶນ 37,5 ລ້ານໂດລາສະຫະລັດ ໂດຍຈະ ສ້າງເປັນເຂື່ອນທີ່ມີຂະໜາດຍາວ 66,7 ແມັດ, ກວ້າງ 4,5 ແມັດ ແລະລວງສູງ 20 ແມັດ ຈະນຳໃຊ້ເຄື່ອງຈັກປັ່ນໄຟທັງໝົດ 4 ເຄື່ອງ: ໃນນັ້ນ 2 ເຄື່ອງແມ່ນມີ ຄວາມແຮງ 5 ເມກາວັດ ແລະ ອີກ 2 ເຄື່ອງແມ່ນ 2,5 ເມກາວັດ ແລະມີສາຍສົ່ງ 115 ກິໂລວັດ ຍາວປະມານ 10 ກິໂລແມັດ ແລະຈະເຊື່ອມຕໍ່ເຂົ້າຫາເຊເສັດ 1 ຊຶ່ງສາມາດສະເລ່ຍການຜະລິດ ພະລັງງານໄດ້ທັງໝົດ 63,3 ຈີກາວັດໂມງຕໍ່ປີ, ສະເພາະໂຕເຂື່ອນມີຄວາມ ກວ້າງ 12 ແມັດ ຊຶ່ງມີກຳລັງຕິດຕັ້ງທັງໝົດ 15 ເມກາວັດໂດຍຄາດວ່າກາງປີ 2017 ແມ່ນຈະໃຫ້ສຳເລັດ 100%.
ທີ່ມາ: 