ທາງການນະຄອນຫຼວງແມັກຊິໂກ ອອກປະກາດເຕືອນໄພມົນລະພາວະເປັນຄັ້ງທີ 6 ຂອງປີນີ້ເມື່ອວັນອັງຄານ ແຕ່ໄດ້ຍົກເລີກພາຍໃນເວລາບໍ່ເທົ່າໃດຊົ່ວໂມງຫຼັງຈາກຝົນຕົກໜັກຊ່ວຍຫຼຸດລະດັບໝອກຄວັນທີ່ປົກຄຸມທົ່ວທ້ອງຟ້າໃນເມືອງຫຼວງແມັກຊິໂກ.

ຖະແຫຼງປະກາດເຕືອນມົນລະພາວະສົ່ງຜົນທັນທີໂດຍອັດຕະໂນມັດຕໍ່ການຫ້າມຍານພາຫະນະແລ່ນຕາມທ້ອງຖະໜົນເພີ່ມຂຶ້ນຈາກ 20% ເປັນ 40% ໃນວັນທຳມະດາ ຈາກຕົວເລກທະບຽບລົດວັນຄູ່ ແລະ ວັນຄີກສະຫຼັບກັນ ຖະແຫຼງການຫຼ້າສຸດມີ້ຂຶ້ນເມື່ອຊ່ວງບ່າຍວັນອັງຄານພາຍຫຼັງລະດັບໂອໂຊນພຸ່ງຂຶ້ນເກີນ 150% ຈາກທີ່ກຳນົດໄວ້ ນອກຈາກນີ້ ທາງການຍັງຄວບຄຸມກິດຈະກຳທີ່ກໍ່ໃຫ້ເກີດມົນລະພາວະຕາມສະຖານີບໍລິການນໍ້າມັນ ໂຮງງານ ແລະ ຫ້າມການເຜົາໄໝ້ສົ່ງຜົນໃຫ້ມົນລະພາວະຮ້າຍແຮງຍິ່ງຂຶ້ນ ຕໍ່ມາເຈົ້າໜ້າທີ່ແມັກຊິໂກໄດ້ຍົກເລີກປະກາດເຕືອນໄພໝອກຄວັນເມື່ອເວລາ 21:00 ໂມງ ພາຍຫຼັງທີ່ມີຝົນຕົກລົງມາ ທາງການແມັກຊິໂກອອກມາປະກາດເຕືອນໄພມົນລະພາວະຄັ້ງທຳອິດໃນຮອບກວ່າທົດສະວັດເມື່ອເດືອນມີນາ ແລະ ມີປະກາດເຕືອນເລື້ອຍໆເປັນໄລຍະໃນປີນີ້.