ຂປລ. ປັດຈຸບັນ ໂຄງການກໍ່ສ້າງເຂື່ອນໄຟຟ້າ ເຊເສັດ-ຫ້ວຍເປາະ ຢູ່​ແຂວງ​ສາລະ​ວັນ ສໍາ​ເລັດ​ແລ້ວ 56% ພາຍຫລັງໄດ້ດໍາເນີນມາ ແຕ່ທ້າຍປີ 2015, ​ໃນ​ນັ້ນ ​ໄດ້ກໍ່ສ້າງຫົວ ເຂື່ອນເບຕົງ 1  ແລະ ເຂື່ອນຫີນຖົມ ເບຕົງ 2, ໄດ້ເຮັດຄອງນ້ຳ ແລະ ຂົວຂ້າມ 1-2, ກໍ່ສ້າງອ່າງນ້ຳ ແລະ ທໍ່ປ່ຽນແຮງນ້ຳ. ພ້ອມ​ນີ້​ຍັງ​ໄດ້ສ້າງ ເຮືອນຕັ້ງຈັກປັ່ນໄຟ,  ທີ່ພັກຖາ ວອນ, ສະຖານີໄຟຟ້າ ແລະ ສາຍສົ່ງ 115 kv, ຍາວ 7 ກິໂລແມັດ ​ແຕ່ຫົວງານເຂື່ອນ ຈົນເຖິງເຮືອນຈັກປັ່ນໄຟ.

ເຂື່ອນໄຟຟ້າດັ່ງກ່າວ ມີ​ຄວາມ​ຍາວ 66,7 ແມັດ, ກວ້າງ 4,5 ແມັດ ແລະ ສູງ 20 ແມັດ, ນຳໃຊ້ເຄື່ອງຈັກປັ່ນໄຟ 4 ເຄື່ອງ: ໃນນັ້ນ 2 ເຄື່ອງແມ່ນມີຄວາມແຮງ 5MW ແລະ ອີກ 2 ເຄື່ອງແມ່ນ 2,5 MW ແລະ ມີສາຍສົ່ງ 115 KW ຍາວປະມານ 10 ກິໂລແມັດ ແລະ ຈະເຊື່ອມຕໍ່ເຂົ້າ ຫາເຊເສັດ 1 ເຊິ່ງສາມາດສະເລ່ຍ ການຜະລິດ ພະລັງງານໄດ້ທັງ ໝົດ 63,3 GWH/ປີ. ສະເພາະໂຕເຂື່ອນ ມີຄວາມກວ້າງ 12 ແມັດ ມີກຳລັງຕິດຕັ້ງ ທັງໝົດ 15 MW ຄາດວ່າກາງປີ 2017 ແມ່ນຈະໃຫ້ສຳເລັດ.

ແຫລ່ງຂ່າວ:

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!