spot_img
Homeຂ່າວການພັດທະນາລາວຈະມີການສຳຫລວດຕົວບົ່ງຊີ້ສັງຄົມລາວ ( LSIS ) ໃນລະຫວ່າງປີ 2016-2017

ລາວຈະມີການສຳຫລວດຕົວບົ່ງຊີ້ສັງຄົມລາວ ( LSIS ) ໃນລະຫວ່າງປີ 2016-2017

Published on

ລັດຖະບານ ແຫ່ງ ສປປ ລາວ ຄາດຫວັງ ທີ່ຈະໄດ້ເຫັນພາບລວມຂອງສະຖານະພາບດ້ານສັງ ຄົມຂອງປະເທດ ບໍ່ວ່າຈະເປັນດ້ານສຸຂະພາບ, ການສຶກສາ ຈົນເຖິງການມີນ້ຳໃຊ້ຢ່າງປອດໄພ ຈາກການສຳຫລວດຕົວບົ່ງຊີ້ສັງຄົມລາວ (LSIS) ຄັ້ງທີ II ທີ່ຈະດຳເນີນຂຶ້ນ ໃນລະຫວ່າງປີ 2016-2017 ທີ່ຈະເຖິງນີ້ ອັນຖືເປັນຄວາມພະຍາຍາມຄັ້ງສຳຄັນທີ່ສຸດ ເພື່ອວັດແທກຄວາມຄືບໜ້າຂອງການພັດທະນາສັງ ຄົມຂອງລາວ ມາເຖິງປັດຈຸບັນ.

ທ່ານ ສະໄໝຈັນ ບຸບຜາ ຫົວໜ້າສູນສະຖິຕິແຫ່ງຊາດ ກ່າວໃນກອງປະຊຸມຄັ້ງປະຖົມມະລຶກກ່ຽວກັບການສຳຫລວດຕົວບົ່ງຊີ້ສັງຄົມລາວ ຄັ້ງທີ II ໃນວັນທີ 24 ພຶດສະພາ ນີ້ ຢູ່ ນະຄອນຫລວງວຽງຈັນວ່າ: ການສຳຫລວດນີ້ ຈະໄດ້ເກັບກຳເອົາຂະໜາດຕົວຢ່າງຈຳນວນ 23 ພັນກວ່າຫລັງຄາເຮືອນ

ໃນທົ່ວປະເທດຈະນຳໃຊ້ທຶນ 2,3 ລ້ານໂດລາສະຫະລັດ ໂດຍການສະໜອງງົບປະມານຮ່ວມກັນລະຫວ່າງ ລັດ ຖະບານລາວ – ຈາກຫລາຍຄູ່ຮ່ວມງານສາກົນ ແລະ ຈະຈັດຕັ້ງປະຕິບັດ ໂດຍສູນສະຖິຕິແຫ່ງຊາດ, ກະ ຊວງແຜນການ ແລະ ການລົງທຶນ ຮ່ວມກັບ ກະຊວງສາທາລະນະສຸກ ແລະ ກະຊວງສຶກສາ-ກິລາ, ຈະມີພະນັກງານເຮັດວຽກພາກສະໜາມຫລາຍກວ່າ 150 ຄົນ ຈາກພະແນກຕ່າງໆ ໃນຂັ້ນແຂວງທົ່ວປະເທດ ອັນຈະເຮັດວຽກເກັບກຳຂໍ້ມູນຄົວເຮືອນ, ຂໍ້ມູນສ່ວນຕົວທີ່ຈຳເປັນເພື່ອປັບປຸງຊີວິດການເປັນຢູ່ຂອງເດັກ, ໄວໜຸ່ມ, ແມ່ຍິງ ແລະ ຜູ້ຊາຍ ໃນສປປ ລາວ ກໍຄື ຈະເປັນຂໍ້ມູນເບື້ອງຕົ້ນທີ່ມີຄຸນນະພາບ ເພື່ອຕິດຕາມ, ປະກອບເຂົ້າໃນແຜນພັດທະນາເສດຖະກິດ-ສັງຄົມ ແຫ່ງ ຊາດ ຄັ້ງທີ 8, ສະໜັບສະໜູນການຕິດຕາມເປົ້າໝາຍຂອງການພັດທະນາແບບຍືນຍົງ ແລະ ສ້າງຕົວບົ່ງຊີ້ດ້ານປະຊາກອນ, ສັງຄົມທີ່ແຍກຕາມປະເພດ ຖືເປັນຂໍ້ມູນທີ່ດີທາງດ້ານສະຖິຕິ, ຊ່ວຍສົ່ງເສີມການສ້າງນະໂຍບາຍ, ການສ້າງ ແລະ ຕິດຕາມແຜນງານຕ່າງໆ.

ການສຳຫລວດ LSIS ຄັ້ງທຳອິດໄດ້ຈັດຂຶ້ນໃນປີ 2011-2012 ແລະ ມີຂະໜາດຕົວຢ່າງຈຳນວນ 20 ພັນຫລັງຄາເຮືອນ.

 

ຂ່າວຈາກ: ລາວພັດທະນາ

ບົດຄວາມຫຼ້າສຸດ

ລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ)

ສຕລ ປະກາດລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ) ທີມຊາດລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ...

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...