spot_img
Homeວັນນະກຳບົດກະວີ10 ຢ່າງທີ່ເງິນຊື້ບໍ່ໄດ້!

10 ຢ່າງທີ່ເງິນຊື້ບໍ່ໄດ້!

Published on

ຈົ່ງຈ່າຍເງິນກັບສິ່ງທີ່ຊື້ໄດ້ ແລະ ໃຊ້ເວລາກັບສິ່ງທີ່ເງິນຊື້ບໍ່ໄດ້ ເປັນຄຳເວົ້າທີ່ມີຄວາມໝາຍເລິກເຊິ່ງ ແລະ 10 ຢ່າງທີ່ເງິນຊື້ບໍ່ໄດ້ມີດັ່ງນີ້

1.ຄວາມຮັກ ເງີນຊື້ຄົນມາຢູ່ນຳໄດ້ ແຕ່ຊື້ຄວາມຮັກຈາກຄົນຢູ່ນຳບໍ່ໄດ້

2.ຄວາມຈິງ ເງິນສາມາດປົກປິດຄວາມຈິງໄດ້ຊົ່ວຄົ່ວຄາວ ແຕ່ຄວາມຈິງກໍ່ຍັງຢູ່ນຳເຮົາຕະຫລອດໄປ

3. ເວລາ ເງິນຊື້ເວລາຄົນອື່ນໄດ້ ແຕ່ຊື້ເວລາໂຕເອງບໍ່ໄດ້

4. ຄວາມສຸກ ເງິນຊື້ຄວາມສະຫນຸກສະຫນານໄດ້ ແຕ່ຊື້ຄວາມສຸກບໍ່ໄດ້ ຫລາຍຄົນໃຊ້ຊີວິດຢ່າງສະຫນຸກສະຫນານ ແຕ່ເຂົາເອງບໍ່ມີຄວາມສຸກ

5. ສຸຂະພາບ ເງິນຈ່າຍຄ່າປິ່ນປົວໄດ້ ແຕ່ຈ້າງຄົນເຈັບປ່ວຍແທນເຮົາບໍ່ໄດ້ ເຮົາເຮັດວຽກໜັກຈົນບໍ່ມີເວລາເບີ່ງແຍງໂຕເອງ ແລະ ຄອບຄົວເພື່ອເຮົາຈະໄດ້ຫາເງິນໄປປິ່ນປົວໂຕເອງກໍ່ເທົ່ານັ້ນ

6. ການຍອມຮັບ ເອົາເງິນຈ່າຍໃຫ້ຄົນຄົນເຫັນດີນຳໄດ້ ແຕ່ຈະເຮັດໃຫ້ເຂົາຍອມຮັບດ້ວຍໃຈບໍ່ສາມາດໃຊ້ເງິນຊື້ໄດ້

7. ເພື່ອນແທ້ ເພື່ອນກິນຫາງ່າຍເພື່ອນຕາຍຫາຍາກ ຄົນທີ່ຢູ່ຂ້າງເຮົາຕອນເຮົາຍັງບໍ່ມີຫຍັງ ຜູ້ນັ້ນແມ່ນເພື່ອນຕາຍ

8. ຄອບຄົວ ເງິນຊື້ທີ່ຢູ່ອາໄສໄດ້ ແຕ່ຊື້ຄອບຄົວບໍ່ໄດ້ ເພາະເຮືອນແມ່ນບ່ອນເຊື່ອມຕໍ່ຂອງຄົນໃນຄອບຄົວ ຖ້າຄົນໃນຄອບຄົວບໍ່ໄດ້ມີການເວົ້າຈາກັນ, ພົບປະກັນ ເຮືອນກໍ່ບໍ່ແມ່ນເຮືອນ

9. ຄວາມຮັ່ງມີ ເງິນເທົ່າໃດກໍ່ບໍ່ຮັ່ງມີ ຖ້າເຮົາບໍ່ຮູ້ຈັກກຳນົດຄຳວ່າຮັ່ງມີຂອງເຮົາເອງ ຖ້າໃຈເຮົາບໍ່ຮູ້ຄຳວ່າພໍ ແລະ ເຮົາບໍ່ສາມາດຄົ້ນຫາຄຳວ່າຮັ່ງມີໃນແບບເຮົາເອງ ມີເທົ່າໃດກໍ່ບໍ່ພໍ

10. ປະສົບການ ເງິນສາມາດຊື້ຄວາມຮູ້ຂອງເຮົາໄດ້ຈາກການຮຽນຮູ້ຜ່ານການອ່ານການຟັງໄດ້ ແຕ່ສຸດທ້າຍເຮົາຈະບໍ່ເຂົ້າໃຈມັນແທ້ ຈົນກວ່າເຮົາຈະປ່ຽນມັນເປັນປະສົບການ ແລະ ມັນສຳຄັນກວ່າໃບປະລິນຍາ

ສະຫລຸບຄື ເຮົາຕ້ອງຮູ້ຈັກໃຊ້ເງິນຊື້ໃນສິ່ງທີ່ຊື້ໄດ້ ແລະ ຮູ້ຈັກເຮັດ, ຮູ້ຈັກຄິດ, ຮູ້ຈັກຮຽນຮູ້ໃນການດຳລົງຊີວິດໃນສິ່ງທີ່ເງິນຊື້ບໍ່ໄດ້ ແລ້ວຊີວິດທ່ານຈະມີທັງເງິນ ແລະ ຄວາມສຸກພ້ອມໆກັນ

 

ທີ່ມາ: Alex Phamisith

ບົດຄວາມຫຼ້າສຸດ

ຄົ້ນຄວ້າ-ປຶກສາຫາລື 8 ບັນດາຫົວຂໍ້ທີ່ສໍາຄັນ ໃນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025

ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ສິງຫາ2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ,...

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...