ເອີ້ນໄດ້ວ່າກະແສຄວາມແຮງຍັງບໍ່ມີຕົກແທ້ໆ ສຳຫຼັບຊີຣີ້ດັງ Descendants of the sun ທີ່ໄດ້ພະເອກໜຸ່ມໜ້າໃສ ຊົງຈຸງກິ ມາຮັບບົດບາດ ກັບຕັນ ຢູຊີຈິນ ນາຍທະຫານໜຸ່ມສຸດຫຼໍ່ ປະກົບຄູ່ກັບໝໍຄັງໂມຢອນ ທີ່ຮັບບົດບາດໂດຍນາງເອກສາວ ຊອງເຮຄຽວ ເຊິ່ງຈາກຄວາມຮ໋ອດຂອງຊີຣີ້ເລື່ອງນີ້ເຮັດໃຫ້ຫຼາຍຄົນຢາກຮູ້ຈັກກັບນັກສະແດງນຳໃນເລື່ອງຫຼາຍຂື້ນ ວັນນີ້ພວກເຮົາເລີຍນຳປະຫວັດຂອງນາງເອກສາວມາຝາກກັນ

ປະຫວັດຂອງຊອງເຮຄຽວ

ຊອງເຮຄຽວ ເປັນນາງແບບ ແລະ ນັກສະແດງຊາວເກົາຫຼີໃຕ້ ປະຈຸບັນອາຍຸ 34 ປີ ເກີດເມື່ອວັນທີ 26 ກຸມພາ 1982 ທີ່ເມືອງ ແທກູ ປະເທດ ເກົາຫຼີໃຕ້, ຄວາມສູງ 161 ຊມ ນ້ຳໜັກ 45 ກິໂລ ມີກລຸບເລືອດ A  ນາງມີຄວາມສາມາດທັງຟິກເກີ້, ສະເກັດ, ລອຍນ້ຳ ແລະ ເປຍໂນ

ຜົນງານ ຊອງເຮຄຽວ

ນາງມີຜົນງານການສະແດງຊີຣີ້ທີ່ສ້າງຊື່ສຽງມາຫຼາຍເຊັ່ນ Autumn in My Heart ຮັກນີ້ຊົ່ວນິລັນ ,

Full House ສະດຸດຮັກ…ທີ່ພັກໃຈ

ແລະ ຜົນງານທີ່ສ້າງຊື່ສຽງເລື່ອງລ່າສຸດ Descendants of the sun ຊີວິດເພື່ອຊາດ ຮັກນີ້ເພື່ອເຈົ້າ

ນອກຈາກນີ້ຍັງຍັງມີຜົນງານຖ່າຍແບບ ພຣີເຊັນເຕີ້ໂຄສະນາ ພິທີກອນ ແລະ ຮູບເງົາອີກຫຼາຍເລື່ອງ ແຖມຍັງຄວ້າລາງວັນທາງການສະແດງມາແລ້ວຫຼາຍລາງວັນ ແລະ ຜົນງານໃນປັດຈຸບັນຂອງ ຊອງເຮຄຽວ ແມ່ນເປັນນາງແບບຖ່າຍຂຶ້ນປົກວາລະສານ ELLE ເປັນວາລະສານຊື່ດັງຂອງປະເທດຈີນ ເອີ້ນໄດ້ວ່າເປັນດາລາສາວຫຼາກຫຼາຍຄວາມສາມາດແທ້ໆ

ສຳລັບຊີວິດຄວາມຮັກຂອງ ຊອງເຮຄຽວ

ຊອງເຮຄຽວ ນາງເຄີຍຄົບຫາເບິ່ງໃຈກັບນັກສະແດງຊື່ດັງ ລິບຍອງຮຸນ ໃນຊ່ວງທີ່ພວກເຂົາຖ່າຍລະຄອນເລື່ອງ “All In” ນຳກັນໃນປີ 2003 ກ່ອນຈະເລີກລາກັນໃນປີ 2004

ຈາກນັ້ນຂ່າວຄາວເລື່ອງຫົວໃຈຂອງນາງກໍ່ງຽບໄປດົນເຕີບ ກ່ອນຈະມີຂ່າວຄົບຫາກັບພະເອກໜຸ່ມ ຮະຍອນບິນ ເຊິ່ງສະແດງເລື່ອງ “World Within” ດ້ວຍກັນໃນປີ 2009 ກ່ອນຈະມີຂ່າວເລີກກັນໃນຊ່ວງຕົ້ນປີ 2011

ຈົນລ່າສຸດປີ 2016 ນາງກໍ່ມີຂ່າວລືເລື່ອງຄວາມຮັກສຳພັນກັບພະເອກໜຸ່ມ ຊົງຈຸງກິ ຫຼັງຮ່ວມງານກັນໃນ ຊີຣີ້ Descendants of the sun ແຕ່ທາງຕົ້ນສັງກັດຂອງທັງຄູ່ກໍ່ອອກມາປະຕິເສດຂ່າວດັ່ງກ່າວຮຽບຮ້ອຍແລ້ວ

ຊອງເຮຄຽວ ກັບ ສັນຍະກຳ

ເປັນເລື່ອງປົກກະຕິຂອງບັນດາໄອດໍ້ຂອງເກົາຫຼີໃຕ້ ມັກຖືກຈັບຕາວ່າເຂົາເຫຼົ່ານັ້ນຜ່ານການສັນຍະກຳມາ ຫຼື ບໍ່ ຊອງເຮຄຽວ ຫໍ່ເປັນອີກຄົນໜຶ່ງທີ່ຖືກຈັບຕາໃນເລື່ອງນີ້ເຊັ່ນດຽວກັນ ມີກະແສນຳພາບອາດີດ ແລະ ປະຈຸບັນຂອງນາງມາປຽບທຽບກັນເປັນໄລຍະວ່າ ນາງຜ່ານມີດໝໍສ່ວນໃດມາແດ່ ແຕ່ໃນຂະນະດຽວກັນຫຼາຍຄົນກໍ່ເຊື່ອວ່າ ຊອງເຮຄຽວນາງງາມແບບທຳມະຊາດໂດຍບໍ່ໄດ້ຜ່ານການສັນຍະກຳແຕ່ຢ່າງໃດ