ສຳລັບຄົນທີ່ກຳລັງເບື່ອອາຫານຕ້ອງອ່ານ ຖ້າທ່ານກິນຢາບຳລຸງອາຫານແລ້ວ ແຕ່ຍັງມີອາການເບື່ອອາຫານຄືເກົ່າ ແລະ ທ່ານເປັນຄົນກິນຂົມໄດ້ກໍ່ສາມາດນຳສູດຕ່າງໆຕໍ່ໄປນີ້ໄປໃຊ້ລອງເບິ່ງ ເພື່ອຈະເຮັດໃຫ້ທ່ານກິນອາຫານໄດ້ແຊບຂຶ້ນ.
ການຮັກສາອາການເບື່ອອາຫານດ້ວຍສະໝຸນໄພ
1. ເຂືອເຄົາຮໍ ມີສັບພະຄຸນຊ່ວຍໃຫ້ຈະເລີນອາຫານ ໂດຍນຳຕົ້ນເຂືອເຄົາຮໍຍາວປະມານ 2-3 ຄືບ ມາລ້າງໃຫ້ສະອາດ ຕຳໃຫ້ລະອຽດ ແລະ ຄັ້ນນ້ຳດື່ມເຊົ້າ-ແລງ ຈະຊ່ວຍເຮັດໃຫ້ທ່ານຮູ້ສຶກຢາກກິນອາຫານ ແຕ່ມີຂໍ້ຫ້າມແມ່ນບໍ່ໃຫ້ໃຊ້ຕິດຕໍ່ກັນເປັນເວລາດົນ ເພາະຈະສົ່ງຜົນຕໍ່ຕັບ ແລະ ໄຂ່ຫຼັງໄດ້
2. ກະເດົາ ມີສານ Nimbin ທີ່ຊ່ວຍກະຕຸ້ນນ້ຳຍ່ອຍໃຫ້ອາຫານ ວິທີໃຊ້ຄື ນຳຍອດອ່ອນ ແລະ ດອກກະເດົາ ມາກິນກັບແຈ່ວ ມັນຈະຊ່ວຍໃຫ້ທ່ານຢາກກິນອາຫານຫຼາຍຂຶ້ນ
3. ຂີ້ເຫຼັກ ໂດຍໃຊ້ສ່ວນຂອງໃບ ຍອດອ່ອນ ແລະ ດອກ ມາຕົ້ມໃຫ້ຈືດ ແລະ ນຳໄປປະກອບອາຫານ ເຊິ່ງຂີ້ເຫຼັກສາມາດເຮັດໃຫ້ທ່ານກິນເຂົ້າແຊບຂຶ້ນໄດ້
