ສົ້ມປ່ອຍເປັນສະໝຸນໄພບ້ານໆທີ່ຊ່ວຍຮັກສາອາການຕ່າງໆຢ່າງເຫັນ ຜົນ, ໃບ ແລະຍອດອ່ອນຂອງສົ້ມປ່ອຍຖືເປັນຜັກທີ່ມີວິຕາມິນເອ ແລະ ເບຕາແຄໂຣທີນສູງທີ່ສຸດ ເພາະມີລິດໃນການຕໍ່ຕ້ານອະນຸມູນອິດສະຫຼະນອກຈາກນີ້ໃນໝາກຍັງ ພົບສານຊາໂພນິນທີ່ເຮັດໃຫ້ເຊວຂອງຮ່າງກາຍເຮັດວຽກໄດ້ດີຂຶ້ນ ທັງຊ່ວຍໃນການເພີ່ມພູມຄຸ້ມກັນ ຂອງຮ່າງກາຍອີກດ້ວຍ.
ສັບພະຄຸນທາງຢາ: ແກ້ໄອໃຫ້ເອົາເປືອກພໍປະມານແຊ່ນ້ຳດື່ມຈະເຮັດໃຫ້ຊຸ່ມຄໍແກ້ໄອ ໄດ້ ຫຼື ຈະນຳເອົາໝາກຂອງມັນໄປປິ້ງໄຟໃຫ້ເຫຼືອງຫອມແລ້ວ ນຳໄປຊົງກັບນ້ຳດື່ມເປັນນ້ຳຊາເພື່ອແກ້ອາການໄອກໍໄດ້, ແກ້ໄຂ້, ທ້ອງອືດໃຊ້ຍອດອ່ອນຕົ້ມກິນກັບເຂົ້າຕົ້ມໂຈ໊ກ, ນຳຍອດອ່ອນມາຕຳລວມກັບຂີ້ໝິ້ນແລ້ວໃສ່ນ້ຳມັນພືດໜ້ອຍໜຶ່ງໝົກໄຟ ໃຫ້ອຸ່ນໆແລ້ວນຳໄປຟອກແກ້ພິດຝີໜອງເຮັດໃຫ້ຝີໜອງແຕກໄວ ຫຼື ຢຸບໄປເລີຍ ນອກຈາກນັ້ນຍັງສາມາດໃຊ້ຮາກຂອງສົ້ມປ່ອຍຝົນໃສ່ນ້ຳ ແລະປູນໃສທາບໍລິເວນທີ່ເປັນຝີໜອງກໍໄດ້, ແກ້ໂລກຕັບອັກເສບໃຊ້ເປືອກພໍປະມານຕົ້ມກິນແທນນ້ຳທຸກໆມື້, ແກ້ອາການຖອກທ້ອງໃຊ້ຮາກສົ້ມປ່ອຍຕົ້ມດື່ມແທນນ້ຳຈົນກວ່າຈະຫາຍດີ.
ທີ່ມາ: ເສກຖະກິດ-ສັງຄົມ