spot_img
Homeຂໍ້ມູນກ່ຽວກັບປະເທດລາວປະຫວັດສາດລາວກະຊວງການຕ່າງປະເທດ ຫວນຄືນວັນສຳຄັນຂອງຊາດ ແລະ ສາກົນ

ກະຊວງການຕ່າງປະເທດ ຫວນຄືນວັນສຳຄັນຂອງຊາດ ແລະ ສາກົນ

Published on

721

ກະຊວງການຕ່າງປະເທດ ຈັດປາຖະກະຖາ ວັນປະຫວັດສາດ ສຳຄັນຂອງຊາດ ແລະ ສາກົນ ຂຶ້ນໃນວັນທີ 18 ພຶດສະພາ 2016 ເຊິ່ງເອກະສານ ທີ່ນຳມາເຜີຍແຜ່ ປະກອບມີ 6 ເອກະສານ ຄື:
– ວັນຜ່າວົງປິດລ້ອມ ຂອງກອງພັນທີ 2 ວິລະຊົນ ທີ່ທົ່ງໄຫຫີນ ຊຽງຂວາງ ຄົບຮອບ 57 ປີ (18/5/1960-18/5/2016),
– ວັນວິລະກຳໂຕນຄຸກ ຢ່າງມະຫັດສະຈັນ ຂອງບັນດາຜູ້ນຳພັກ ແລະ ແນວລາວສ້າງຊາດ ຄົບຮອບ 56 ປີ (24/5/1960-24/5/2016),
– ວັນເກີດຂອງປະທານ ໂຮ່ຈີ່ມິນ ຄົບຮອບ 126 ປີ (19/5/1890-19/5/2016),
– ວັນເກີດ ທ່ານ ກາກມາກ ຄົບຮອບ 198 ປີ (5/5/1818-5/5/2016),
– ວັນໄຊຊະນະ ດຽນບຽນຟູ ຄົບຮອບ 62 ປີ (7/5/1954-7/5/2016)
– ວັນໄຊຊະນະ ຂອງສະຫະພາບໂຊວຽດ ເໜືອຟາດຊິດເຢຍລະມັນ ໃນສົງຄົມໂລກຄັ້ງທີ II ຄົບຮອບ 71 ປີ (9/5/1945-9/5/2016)

ໃຫ້ກຽດເຜີຍແຜ່ເອກະສານ ໂດຍທ່ານນາງ ຄຳເພົາ ເອີນທະວັນ, ຮອງລັດຖະມົນຕີກະຊວງການຕ່າງປະເທດ, ພ້ອມພະນັກງານຮ່ວມ ຫລາຍກວ່າ 400 ທ່ານ.

ທ່ານນາງ ຄຳເພົາ ເອີນທະວັນ ໄດ້ຍົກໃຫ້ເຫັນ ສະພາບການ ທີ່ກອງພັນທີ 2 ຖືກປິດລ້ອມ, ການຜ່າວົງປິດລ້ອມ ແລະ ປັດໄຈພື້ນຖານ ທີ່ເຮັດໃຫ້ກອງພັນທີ 2 ສາມາດຜ່າວົງປິດລ້ອມ ໄດ້ຢ່າງມີໄຊ, ການເຄື່ອນໄຫວ ປະຕິວັດຂອງຜູ້ນຳພັກ ແລະ ແນວລາວສ້າງຊາດ, ແຜນການໂຕນອອກຈາກຄຸກ, ການກະກຽມ ແລະ ສາເຫດ ການໂຕນຄຸກ ຢ່າງມະຫັດສະຈັນ ຂອງບັນດາຜູ້ນ ຳໄປສູ່ເຂດທີ່ໝັ້ນ ປະຕິວັດຢ່າງປອດໄພ, ພ້ອມທັງ ຍົກໃຫ້ເຫັນເຖິງຊີວິດ ແລະ ການເຄື່ອນໄຫວປະຕິວັດ, ຄຸນງານຄວາມດີ ແລະ ຜົນງານອັນຍິ່ງໃຫຍ່, ຄຸນສົມບັດສິນທຳປະຕິວັດ ຂອງປະທານ ໂຮ່ຈີ່ມິງ ແລະ ທ່ານ ກາກມາກ.

ນອກນັ້ນ, ຍັງໄດ້ເລົ່າຄືນກ່ຽວກັບ ເຫດການປະຫວັດສາດ ຂອງສາກົນ ໂດຍສະເພາະ ແມ່ນສາເຫດ ພາໃຫ້ເກີດສົງຄາມໂລກ ຄັ້ງທີ II, ການບຸກໂຈມຕີ ລ້າງຜານຂອງພວກຟາດຊິດ, ມະຫາສົງຄາມປ້ອງກັນ ປິຕິພູມຂອງກອງທັບ ແລະ ປະຊາຊົນໂຊວຽດ, ຜົນເສຍຫາຍ ແລະ ຜົນສະທ້ອນຂອງ ໄຊຊະນະຟາດຊິດ ຕໍ່ຊາວໂລກ, ການສະໜັບສະໜູນ ຊ່ວຍເຫລືອ ຂອງສະຫະພາບໂຊວຽດຕໍ່ ສປປ ລາວ, ແຜນຍຸດທະສາດ ປົດປ່ອຍດຽນບຽນຟູ ຂອງພັກກອມມູນິດ ຫວຽດນາມ ແລະ ຄວາມສຳຄັນ ຂອງໄຊຊະນະ ດຽນບຽນຟູ ຕື່ມອີກ .

ບົດຂ່າວຈາກ: ກະຊວງການຕ່າງປະເທດ

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...