ໜູ ຖ້າຫາເມື່ອໃດທີ່ມັນຢ້າຍຖິ່ນເຂົ້າມາຢູ່ໃນເຮືອນເຮົາແລ້ວ ພຽງບໍ່ດົນຈຳນວນໜູກໍ່ຈະເພີ່ມຂຶ້ນຢ່າງໄວວາຈົນໜ້າຕົກໃຈ ນອກຈາກມັນຈະມາສ້າງຄວາມລຳຄານໃຫ້ແກ່ເຮົາແລ້ວມັນຍັງມາທຳລາຍເຄື່ອງນຸ່ງ, ສິ່ງຂອງທີ່ຢູ່ໃນເຮືອນຂອງເຮົາພ້ອມ ນອກຈາກນີ້ມັນຍັງເປັນພາຫະນຳເຊື້ອໂຣກມາໃສ່ຕົວເຮົາອີກດ້ວຍ ວັນນີ້ ລາວໂພສຕ໌ເລີຍມີວິທີໄລ່ໜູອອກຈາກເຮືອນ ໂດຍບໍ່ຕ້ອງຂ້າ ດ້ວຍສະໝຸນໄພທຳມະຊາດມາຝາກ

ສະໝຸນໄພໄລ່ໜູໃນເຮືອນຊານ

ຫຼາຍຄົນອາດຍັງບໍ່ຮູ້ວ່າສະໝຸນໄພໃນເຮືອນຊານເຮົາສາມາດເປັນວັດຖຸດິບຊັ້ນເລີດໃນການໄລ່ໜູອອກຈາກເຮືອນ ເພາະຊັບພະຄຸນຂອງ ຂ່າ, ກະທຽບ, ເກືອ ແລະ ຜັກອີ່ເລີດ ມີກິ່ນແຮງທີ່ສາມາດໄລ່ໝູ ແລະ ແມງສາບໄດ້

ສ່ວນປະສົມ
ຜັກອີ່ເລີດ 4 ຂີດ
ຂ່າສົດ 3 ຂີດ
ກະທຽມ 2 ຂີດ
ເກືອ 1 ຂີດ

ຂັ່ນຕອນການເຮັດ

ນຳໃບຜັກອີເລີດ 4 ຂີດໄປນຶ້ງໃຫ້ສຸກ ແລ້ວນຳມາຕຳໃຫ້ລະອຽດ ນຳຂ່າສົດ 3 ຂີດ ແລະ ກະທຽມ 2 ຂີດ ລົງຄົກແລ້ວຕຳໃຫ້ເຂົ້າກັນ ສ່ວນເກືອ 1 ຂີດ ແມ່ນເອົາໄປລະລາຍນ້ຳພໍປະມານແລ້ວຕົ້ມຈົນຟົດ ຈາກນັ້ນກໍ່ນຳສ່ວນປະກອບທັງໝົດໄປຄົນເຂົ້າກັນ ແລ້ວກໍ່ຕັກໃສ່ຈານ ແລະ ນຳໄປວາງໃສ່ຕາມທາງໝູມັກທຽວ ຫຼື ຈຸດທີ່ໜູມັກຢູ່ ເຮັດແບບນີ້ເປັນປະຈຳໜູກໍ່ຈະຄ່ອຍໆຫາຍຕົວໄປຈາກເຮືອນທ່ານ

ຫາກເຮືອນໃຜມີໝາກຂີ້ຫູດຫຼາຍກໍ່ລອງໃຊ້ວິທີນີ້ເບິ່ງ ພຽງປາດໝາກຂີ້ຫູກເປັນປ່ຽງບາງໆແລ້ວໄປວາງຕາມຈຸດທີ່ໜູມັກຜ່ານ ຫຼື ຈຸດທີ່ໜູມັກອາໃສຢູ່ ໝາກຂີ້ຫູດຈະມີກິນຂິວເຊິ່ງເປັນກິ່ນທີ່ໜູບໍ່ມັກ ເຮັດແບບນີ້ເປັນປະຈຳ ໜູກໍ່ຈະຄ່ອຍໆຫາຍໄປ ໝາກຂີ້ຫູດນອກຈາກຈະໄລ່ໜູໄດ້ມັນຍັງສາມາດໄລ່ງູໄດ້ນຳອີກດ້ວຍ

ທີ່ມາ: http://www.manager.co.th/