ໂດນສ່ວນຫຼາຍແລ້ວຄົນເຮົາມັກຈະເກີດເຫົາໃນບໍລິເວນຫົວ ອາການສຳຄັນຂອງການມີເຫົາຄື ການຄັນບໍລິເວນຫົວ ຄົນທີ່ມີເຫົາ ຈິ່ງມັກຈະເກົາຫົວເລື່ອຍໆ ຈົນເຮັດໃຫ້ໜັງຫົວແຫ້ງ ເປັນແຜຕົກສະເກັດ ຫຼື ອາດເປັນຜື່ນນູນໆ ເຊິ່ງມັນເປັນບັນຫາໃຫຍ່ຂອງຄົນມີເຫົາໃນການຢູ່ຮ່ວມກັບສັງຄົມ ແລະ ວັນນີ້ເຮົາມີສະໝຸນໄພໃນການກຳຈັດເຫົາມາໃຫ້ລອງເຮັດເບິ່ງ ຮັບຮອງວ່າປອດໄພ

1. .ໃຊ້ໃບໝາກຂຽບ 5-8 ໃບມາຕຳໃຫ້ລະອຽດ ຈາກນັ້ນປະສົມກັບນ້ຳລ້າພໍປະມານ ແລ້ວນຳມາໝັກທີ່ຫົວ ໃຊ້ຜ້າຄຸມໄວ້ 30 ນາທີ ຈິ່ງລ້າງອອກດ້ວຍນ້ຳສະອາດ ແລະ ສະຫົວດ້ວຍຢາສະຜົມຄືປົກກະຕິ ຈາກນັ້ນກໍ່ຫວີເອົາເຫົາ ແລະ ຮີດໄຂ່ເຫົາອອກຈາກເສັ້ນຜົມ ເຮັດປະມານ 2-3 ຄັ້ງຈຳນວນເຫົາຈະຄ່ອຍໝົດໄປ

2. ນຳໝາກຂີ້ຫູກແກ່ໄປເຜົາໄຟໃຫ້ສຸກ ຫຼັງຈາກນັ້ນກໍ່ນຳມາຜ່າແລ້ວບີບເອົາແຕ່ນ້ຳ ແລ້ວເອົາມາຢີ່ໃສ່ຫົວໃຫ້ທົ່ວ ເວລາສາງເສັ້ນຜົມ ເຫົາຈະຕິດອອກມາພ້ອມ ເຮັດແບບນີ້ອາທິດລະ 1 ຄັ້ງ ຕິດຕໍ່ກັນ 3 ອາທິດ ເຫົາກໍ່ຈະຫາຍໄປ

3. ນຳໃບກະເດົາມາປະມານ 2-3 ກຳມື ແລ້ວຕຳໃຫ້ລະອຽດ ປະສົມນ້ຳໃຫ້ແຫຼວເລັກໜ້ອຍ ກ່ອນຈະນຳໃສ່ຜົມ ປ່ອຍຜົມໃຫ້ແຫ້ງ ກ່ອນຈະລ້າງອອກດ້ວຍນ້ຳລ້າ ແລະ ສະຫົວດ້ວຍຢາສະຫົວຕາມປົກກະຕິດເຮັດເປັນປະຈຳເຫົາກໍ່ຈະຫາຍໄປ

4. ໃຊ້ໝາກບວບ ໂດຍນຳໝາກບວບມາປອກເປືອກອອກ ແລ້ວບີບໃຫ້ໝາກບວບບວມນ້ຳ ຈາກນັ້ນກໍ່ນຳນ້ຳຈາກໝາກບວມມາລູບໃສ່ຜົມ ປະໄວ້ປະມານ 2-3 ນາທີ ແລ້ວຈິ່ງລ່ສງອອກດ້ວຍນ້ຳສະອາດ ແລະ ສະຫົວຕາມປົກກະຕິ ເຮັດເປັນປະຈຳເຫົາກໍ່ຈະຫາຍໄປໄດ້