ສຳນັກຂ່າວຕ່າງປະເທດ ລາຍງານໃນວັນທີ 15 ພຶດສະພາຜ່ານມານີ້ວ່າ ຕຳຫລວດສາວຈີນຄົນໜຶ່ງ ຢູ່ເມືອງຕັນຕົງ ແຂວງຫລຽວໜິງ ປະເທດຈີນ ໄດ້ຖ່າຍຮູບຕົນເອງແບບແອ໊ບແບ໊ວປົນເຊັກຊີ້ ໃນຂະນະທີ່ນຸ່ງເສື້ອເຄື່ອງແບບ ເຈົ້າໜ້າທີ່ຕຳຫລວດ ແຕ່ໃສ່ໂສ້ງຂາສັ້ນໂຊຂາຂາວ ແລ້ວໂພສຕ໌ລົງຜ່ານສື່ສັງຄົມອອນລາຍ ເວິຍປັ໋ວ ຂອງຈີນ ເຮັດໃຫ້ມີຜູ້ຊົມໃຊ້ຄົນອື່ນໆ ພາກັນວິເຄາະວິຈານຮູບພາບດັ່ງກ່າວ ວ່າບໍ່ເໝາະສົມ ແລະ ສະແດງຄວາມເຫັນຕຳນິຕິຕຽນ, ຕໍ່ມາຕຳຫລວດສາວຄົນດັ່ງກ່າວ ໄດ້ລຶບຮູບພາບທັງໝົດ ອອກຈາກບັນຊີເວິຍປັ໋ວຂອງຕົນ, ແນວໃດກໍຕາມ ຮູບພາບດັ່ງກ່າວ ໄດ້ຖືກສົ່ງຕໍ່ໃນໂລກອອນລາຍ ຢ່າງກວ້າງຂວາງແລ້ວ.
ຫລ້າສຸດ ສຳນັກງານຕຳຫລວດເມືອງຕັນຕົງ ໄດ້ອອກມາລະບຸວ່າ ຕຳຫລວດສາວຄົນດັ່ງກ່າວ ໄດ້ຖືກໄລ່ອອກຈາກການປະຕິບັດໜ້າທີ່ແລ້ວ ເນື່ອງຈາກພຶດຕິກຳບໍ່ເໝາະສົມ ກະທົບຕໍ່ພາບລັກອັນສະຫງ່າງາມ ຂອງເຈົ້າໜ້າທີ່ຕຳຫລວດຈີນ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!