ສຳນັກຂ່າວຕ່າງປະເທດ ລາຍງານໃນວັນທີ 16 ພຶດສະພານີ້ວ່າ ທ່ານ ດູເຕີເຕ ທີ່ຊະນະການເລືອກຕັ້ງ ແລະ ຈະເຂົ້າພິທີສາບານຕົນ ດຳລົງຕຳແໜ່ງເປັນ ປະທານາທິບໍດີ ແຫ່ງ ຟິລິບປິນ ໃນວັນທີ 30 ມິຖຸນາ ທີ່ຈະມາເຖິງນີ້ ໄດ້ອອກມາລະບຸວ່າ ຕົນເອງຕ້ອງການສານຄວາມສຳພັນອັນດີກັບຈີນ ແລະ ກຽມພ້ອມທີ່ຈະຫາລືໂດຍກົງ ກັບລັດຖະບານຈີນ ກ່ຽວກັບຂໍ້ຂັດແຍ່ງຢູ່ທະເລຈີນໃຕ້ ທີ່ໄດ້ກັດເຊາະຄວາມສຳພັນລະຫວ່າງ 2 ປະເທດຢ່າງຮຸນແຮງ ຕະຫລອດໄລຍະຜ່ານມາ ໂດຍຜູ້ນຳຄົນໃໝ່ຂອງຟິລິບປິນ ຍັງມີແຜນເຂົ້າພົບກັບ ເອກອັກຄະລັດຖະທູດຈີນ ປະຈຳນະຄອນຫລວງມະນີລາ ຊຶ່ງເປັນຜູ້ແທນຕ່າງປະເທດ 1 ໃນ 3 ຄົນທຳອິດ ທີ່ທ່ານ ດູເຕີເຕ ຈະເດີນທາງເຂົ້າພົບປະຫາລື ໂດຍຄົນທີສອງ ແມ່ນເອກອັກຄະລັດຖະທູດຍີ່ປຸ່ນ, ສ່ວນຄົນທີສາມນັ້ນ ແມ່ນຍັງບໍ່ທັນມີການເປີດເຜີຍ.
ແນວໃດກໍຕາມ ທ່ານ ດູເຕີເຕ ໄດ້ເຄີຍເວົ້າວ່າ ຕົນເອງຍັງບໍ່ທັນມີກຳນົດການ ເພື່ອເຂົ້າພົບເອກອັກຄະລັດຖະທູດ ສະຫະລັດອາເມຣິກາ ປະຈຳຟິລິບປິນ ເທື່ອ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!