ພິທີເຊັນບົດບັນທຶກຄວາມເຂົ້າໃຈ ວ່າດ້ວຍການຮ່ວມມືດ້ານການສຶກສາຊັ້ນສູງ ລະຫວ່າງ 4 ມະຫາວິທະຍາໄລຄື: ມະຫາວິທະຍາໄລແຫ່ງຊາດ, ຈຳປາສັກ, ສຸພານຸວົງ ແລະ ມະຫາວິທະຍາໄລສະຫວັນນະເຂດ ປີ 2016 – 2020 ໄດ້ມີ ຂຶ້ນເມື່ອວັນທີ 10 ພຶດສະພາຜ່ານມາ ທີ່ມະຫາວິທະຍາໄລແຫ່ງຊາດ ໂດຍການເຂົ້າຮ່ວມລົງນາມລະຫວ່າງ ທ່ານ ສຈ. ປອ. ສຸກກົງແສງ ໄຊຍະເລີດ ອະທິການບໍດີມະຫາວິທະຍາໄລແຫ່ງຊາດ, ທ່ານ ຮສ.ປອ. ບຸນມີ ພອນສະຫວັນ ອະທິການບໍດີ ມະຫາວິທະຍາໄລຈຳປາສັກ, ທ່ານ ຮສ.ປອ. ຜາຍ ສີສະຫວັນ ອະທິການບໍດີ ມະຫາວິທະຍາໄລ ສຸພານຸວົງ ແລະ ທ່ານ ຮສ.ປອ. ສີທາ ເຂັມມະລາດ ຮອງອະທິການບໍດີ ມະຫາວິທະຍາໄລສະຫວັນນະເຂດ ໂດຍການເປັນສັກຂີພິຍານ ຂອງບັນດາອະທິການບໍດີ, ຄະນະບໍດີ ພ້ອມດ້ວຍແຂກຖືກເຊີນ ແລະ ພາກສ່ວນທີ່ກ່ຽວ ຂ້ອງເຂົ້າຮ່ວມ.
ການເຊັນບົດບັນທຶກໃນຄັ້ງນີ້ ແມ່ນເພື່ອເປັນການເພີ່ມທະວີ ສ້າງຄວາມເຂັ້ມແຂງທາງດ້ານການສຶກສາຊັ້ນສູງ ໂດຍສະເພາະການແລກປ່ຽນບົດຮຽນ, ການຄຸ້ມຄອງບໍລິຫານ, ການພົວພັນຮ່ວມມືດ້ານວິຊາການ, ການຄົ້ນຄວ້າວິທະຍາສາດ, ການຈັດສຳມະນາ, ການແລກປ່ຽນພະນັກງານ ຄູ-ອາຈານ ແລະ ນັກສຶກສາ, ແລກປ່ຽນຂໍ້ມູນຂ່າວສານດ້ານວິທະຍາສາດ ລວມເຖິງການພັດທະນາບຸກຄະລາກອນ, ກິດຈະກຳນັກສຶກສາ ແລະ ອື່ນໆ ລະຫວ່າງ 4 ມະຫາວິທະຍາໄລ ໃຫ້ກ້າວສູ່ຄວາມເຕີບໃຫຍ່ເຂັ້ມແຂງ ແລະ ທັນສະໄໝ ນຳໜ້າສົມກັບ ເປັນມະຫາວິທະຍາໄລ ທີ່ໃຫຍ່ທີ່ສຸດໃນ ສປປ ລາວ.
ແຫລ່ງຂ່າວ:
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!