Antonov An 225 Mriya ເຮືອບິນລຳລຽງທີ່ໃຫຍ່ທີ່ສຸດໃນໂລກລຳນີ້ ເຮືອບິນລຳນີ້ຖືກສ້າງສຳເລັດໃນປີ 1980 ຈຸດປະສົງເບື້ອງຕົ້ນແມ່ນສ້າງຂຶ້ນເພື່ອຂົນສົ່ງກະສວຍອະວິກາດ Buran ຂອງສະຫະພາບໂຊວຽດ ແລະ ໄດ້ມີການບິນທົດສອບຄັ້ງທຳອິດໃນປີ 1988 ໃຊ້ເວລາບິນທັງໝົດ 74 ນາທີ ຈາກເມືອງ Kiev ມາຮ່ວມລົງເພື່ອຕັ້ງສະແດງການບິນທີ່ Paris Air Show ໃນປີ 1990
ໂຄງສ້າງຂອງເຮືອບິນລຳນີ້ແມ່ນຕິດຕັ້ງຈຳນວນເຄື່ອງຍົນເທີໂບແຟນຈຳນວນ 6 ເຄື່ອງຍົນ ທີ່ປີກຂ້າງລະ 3 ເຄື່ອງ ແລະ ວັດແທກຄວາມກ້ວາງຂອງປີກມີຄວາມຍາວເຖິງ 88 ແມັດ, ມີຄວາມຍາວຂອງລຳ 43 ແມັດ ມີລໍ້ 32 ລໍ້ ບາງຊຸດຂອງຖານລໍ້ມີກົນໄກສຳລັບບັງຂັບລ້ຽວ ເຮັດໃຫ້ເຮືອບິນສາມາດລ້ຽວກັບລຳພາຍໃນໄລຍະຄວາມກ້ວາງ 60 ແມັດຂອງທາງແລ່ນທົ່ວໆໄປ ແລະ ສາມາດບັນທຸກນ້ຳໜັກໄດ້ຫຼາຍທີ່ສຸດ 640 ໂຕນ,
ຫຼັງຈາກການລົ້ມລະລາຍຂອງສະຫະພາບໂຊວຽດໃນປີ 1991 ຕາມມາດ້ວຍການຍົກເລີກໂຄງການສຳຫຼວດອະວະກາດທີ່ມີກະສວຍອະວະກາດ Buran ຈິ່ງເຮັດໃຫ້ Antonov An 225 Mriya ທີ່ໃຊ້ລຳລຽງຂົນສົ່ງກະສວຍຖືກເກັບໄວ້ຈົນຮອດປີ 1994
ໃນວັນທີ 3 ມັງກອນ 2002 ເຮືອນບິນ Antonov An 225 ໄດ້ຂຶ້ນບິນອີກຄັ້ງຈາກໂຊວຽດໄປທີ່ປະເມດໂອມານ ພ້ອມລຳລຽງອາຫານສຳເລັດຮູບປະມານ 216,000 ຊຸດ ສຳລັບທະຫານອາເມລິກັນເຊິ່ງປະຈຳການຢູ່ເຂດນັ້ນ
Antonov An 225 ໄດ້ເຮັດສັນຍາກັບລັດຖະບານການາດາ ແລະ ສະຫະລັດອາເມລິກາ ໂດຍຂົນສົ່ງອຸປະກອນທາງທະຫານໄປທີ່ຕະເວັນອອກກາງ ເພື່ອສະໜັບສະໜູນກອງກຳລັງປະສົມ ໃນເດືອນພະຈິກ 2004 Antonov An 225 ໄດ້ຂົນສົ່ງປ່ອງໄຟຂະນາດໃຫຍ່ຈາກປະເທດເດນມາກໄປທີ່ປະເທດຄາຊັດສະຖານ ໂດຍມີຄ່າໃຊ້ຈ່າຍການບິນສູງເຖິງ 266,000 ຢູໂຣ
ໃນວັນທີ 11 ສິງຫາ 2009 ໄດ້ຂົນເຄື່ອງກຳເນີດໄຟຟ້າສຳລັບໂຮງງານແຍກແກ໊ສໃນອາຣເມເນຍ ໂດຍເຄື່ອງປັ່ນໄຟດັ່ງກ່າວມີນ້ຳໜັກເຖິງ 189 ໂຕນ, ມີຄວາມຍາວ 16.23 ແມັດ, ກ້ວາງ 4.27 ແມັດ.
ວັນທີ 11 ມິຖຸນາ 2010 ເຮືອບິນ Antonov An 225 ບັນທຸພັດລົມຂອງອຸໂມງລົມຂະໜາດຍັກ ທີ່ມີຄວາມຍາວເຖິງ 42 ແມັດ ໂດຍບິນຈາກຈີນ ໄປທີ່ ເກນມາກ ປັເຈຸບັນຜູ້ຄອບຄອງເຮືອບິນລຳນີ້ຄື ບໍລິສັດ Ukraine Antonov Airlines.
ທີ່ມາ: http://www.thairath.co.th/content/422779