ໃນໂອກາດ ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ເຂົ້າຮ່ວມ ແລະ ໂອ້ລົມ ຕໍ່ກອງປະຊຸມວຽກງານຈັດຕັ້ງ-ກໍ່ສ້າງພະນັກງານ ແລະ ກວດກາການເງິນທົ່ວປະເທດ ປະຈໍາສົກປີ 2015-2016, ທີ່ໄດ້ຈັດຂຶ້ນໃນວັນທີ 12 ພຶດສະພານີ້ ທີ່ສູນການຮ່ວມມືສາກົນ ແລະ ຝຶກອົບຮົມຫລັກ 5 ໂດຍທ່ານ ໄດ້ເນັ້ນໃຫ້ຄະນະພັກ ພະນັກງານທົ່ວຂະແໜງການເງິນ ຈົ່ງເພີ່ມທະວີຄວາມເອົາໃຈໃສ່ ເກັບລາຍຮັບໃຫ້ໄດ້ຕາມເປົ້າໝາຍທີ່ວາງໄວ້ ແລະ ໃນໂອກາດນີ້ ທ່ານກໍໄດ້ສະແດງຄວາມຍ້ອງຍໍຊົມເຊີຍ ຕໍ່ການຈັດຕັ້ງປະຕິບັດວຽກງານການເງິນໃນໄລຍະ 5 ປີຜ່ານມາ, ອັນໄດ້ເຮັດໃຫ້ GDP ຂອງລາວເພີ່ມຂຶ້ນລະເລ່ຍ 7,9%, ພ້ອມໄດ້ແນະນຳໃຫ້ພະນັກງານທົ່ວຂະແໜງການເງິນ ເຫັນໄດ້ສະພາບຫຍຸ້ງຍາກ ຂອງວຽກງານການເງິນຢູ່ພາຍໃນປະເທດເຮົາ ໃນປັດຈຸບັນ, ບໍ່ໄປລວງດຽວກັບ ການພັດທະນາເສດຖະກິດ-ສັງຄົມ, ສະນັ້ນ ພວກເຮົາຕ້ອງໄດ້ເອົາໃຈໃສ່ ປັບປຸງແບບແຜນວິທີເຮັດວຽກຂອງຕົນ ຢ່າງມີຄວາມຮັບຜິດຊອບ ຜົນປະໂຫຍດສ່ວນລວມເປັນຫລັກ ແລະ ຕ້ອງເອົາໃຈໃສ່ສຶກສາອົບຮົມການເມືອງແນວຄິດ ໃຫ້ພະນັກງານແຕ່ລະຂັ້ນໃຫ້ທົ່ວເຖິງ ແລະ ໃຫ້ມີຄວາມໜັກແໜ້ນ, ຊື່ສັດບໍລິສຸດຕໍ່ໜ້າທີ່ວຽກງານ, ພ້ອມນັ້ນ ກໍຈະໄດ້ສືບຕໍ່ປັບປຸງລະບົບການຈັດຕັ້ງ ຂອງຂະແໜງການເງິນ ໃຫ້ມີຄວາມເໝາະສົມ ຢູ່ບັນດາສະຖາບັນການເງິນ ກໍຕ້ອງເອົາໃຈໃສ່ປັບປຸງຫລັກສູດຂອງຕົນ ໃຫ້ມີຄວາມສອດຄ່ອງ ແລະ ແທດເໝາະກັບສະພາບຄວາມເປັນຈິງຂອງປະເທດ, ປັບປຸງລະບົບການເກັບພາສີ-ອາກອນ ໃຫ້ມີຄວາມໂປ່ງໃສກວດສອບໄດ້, ພະນັກງານຜູ້ໃດເຮັດດີ ກໍຄວນໄດ້ຮັບການຍ້ອງຍໍຊົມເຊີຍ, ຜູ້ໃດລະເມີດລະບຽບວິໄນ ກໍຕ້ອງສຶກສາອົບຮົມ ແລະ ປະຕິບັດລະບຽບກົດໝາຍຢ່າງເຂັ້ມງວດ, ເພ່ືອເຮັດໃຫ້ການຈັດຕັ້ງປະຕິບັດວຽກງານ ໄປຕາມທິດ ແລະ ມີປະສິດທິຜົນດີຂຶ້ນ ເພື່ອແນໃສ່ແກ້ໄຂສະພາບການຂອງຕົນ ຂອງວຽກງານ ການເງິນດີຂຶ້ນກວ່າເກົ່າ.
ແຫລ່ງຂ່າວ:
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!